പിത്തരസം കുറയ്ക്കാനുള്ള മാര്‍ഗ്ഗങ്ങള്‍

1. ജീവിത ശൈലി

പിത്തരസം അമിതമായി ഉത്പാദിപ്പിക്കപ്പെടുന്നത് ഛര്‍ദ്ദിയും, അസ്വസ്ഥതകളുമുണ്ടാക്കും. ആവശ്യത്തിലധികം ഭക്ഷണം കഴിക്കുന്നത് മൂലം പിത്തരസം കൂടുതലായി ഉത്പാദിപ്പിക്കപ്പെടാം. അതിനാല്‍ കഴിക്കുന്ന ആഹാരത്തിന്‍റെ അളവില്‍ ശ്രദ്ധിക്കണം. അതേ പോലെ തന്നെ കിടക്കുന്നതിന് തൊട്ടുമുമ്പ് ആഹാരം കഴിക്കുന്നത് ഒഴിവാക്കുക. ആവശ്യത്തിലധികം ഭക്ഷണം കഴിക്കാതിരിക്കുകയും, ഭക്ഷണത്തിന് സമയക്രമം പാലിക്കുകയും, ചെറിയ ഭാഗങ്ങളായി കഴിക്കുകയും ചെയ്യുക എന്നത് പിത്തരസം കുറയ്ക്കാന്‍ സഹായിക്കും.

2. കൊഴുപ്പുള്ള ഭക്ഷണങ്ങള്‍

ഭക്ഷണത്തിന്‍റെ അളവില്‍ ശ്രദ്ധിക്കുന്നത് പോലെ തന്നെ ഭക്ഷണത്തിന്‍റെ നിലവാരത്തിലും ശ്രദ്ധിക്കണം. അമിതമായി കൊഴുപ്പടങ്ങിയതും, എണ്ണയും പഞ്ചസാരയുമടങ്ങിയതുമായ ഭക്ഷണങ്ങള്‍ ദഹിക്കുന്നതിന് കൂടുതല്‍ സമയമെടുക്കും. ഇത് പിത്തരസം കൂടുതല്‍ ഉത്പാദിപ്പിക്കപ്പെടാന്‍ ഇടയാക്കും. ഇക്കാരണത്താല്‍ പിത്തരസം കുറയ്ക്കാന്‍ കൊഴുപ്പ് കുറഞ്ഞ ഭക്ഷണങ്ങള്‍ കഴിക്കുക. വെണ്ണ, പ‍ഞ്ചസാര എന്നിവ അമിതമായി അടങ്ങിയവയും, ജങ്ക് ഫുഡുകളും ഒഴിവാക്കുക.

3. വെള്ളം

പിത്തരസം അമിതമാകാതിരിക്കാന്‍ ശരീരത്തില്‍ ജലാംശം നിലനിര്‍ത്തുക. വെള്ളം ഭക്ഷണങ്ങള്‍ നന്നായി ദഹിക്കാന്‍ സഹായിക്കും. അതുവഴി പിത്തരസം കുറയും. ദിവസം മുഴുവനും ഇടക്കിടക്ക് ധാരാളം വെള്ളം കുടിക്കുക. രാവിലെ ഒരു ഗ്ലാസ്സ് വെള്ളം കുടിച്ച് ആരംഭിക്കുകയും കിടക്കുന്നതിന് മുമ്പും ഒരു ഗ്ലാസ്സ് വെള്ളം കുടിക്കുകയും ചെയ്യുക. ഇത് ദഹനത്തെ സഹായിക്കുകയും വയര്‍ ചീര്‍ക്കല്‍, ഗ്യാസ്ട്രബിള്‍, ഛര്‍ദ്ദി, അസ്വസ്ത്ഥതകള്‍ എന്നിവയകറ്റുകയും ചെയ്യും.

4. ആസിഡുകള്‍

അമിതമായി പിത്തരസം നിങ്ങളുടെ ശരീരത്തില്‍ ഉത്പാദിപ്പിക്കപ്പെടുന്നുണ്ടെങ്കില്‍ ആസിഡുകള്‍ അടങ്ങിയ ആഹാരങ്ങള്‍ ഒഴിവാക്കുക. കാപ്പി, നാരങ്ങ വര്‍ഗ്ഗത്തിലുള്ള പഴങ്ങള്‍, നാരങ്ങ വെള്ളം, തുടങ്ങിയവ ഒഴിവാക്കുക. പ്രത്യേകിച്ച് അത്താഴത്തിന് ശേഷം. അസിഡിറ്റി ഉണ്ടാക്കുന്ന ആഹാരസാധനങ്ങളും ഒഴിവാക്കുക.

5. വ്യായാമം

എല്ലാത്തരം രോഗങ്ങള്‍ക്കും അനുയോജ്യമായ മരുന്നാണ് വ്യായാമം. പതിവായ വ്യായാമം ശരീരത്തെ ആരോഗ്യത്തോടെ നിലനിര്‍ത്തുകയും, രോഗങ്ങളില്‍ നിന്നകറ്റി സംരക്ഷിക്കുകയും ചെയ്യും. ഭക്ഷണശേഷം അല്പം നടക്കുന്നത് ദഹനം വര്‍ദ്ധിപ്പിക്കും. യോഗയും, ജിംനേഷ്യത്തിലെ വ്യായാമങ്ങളും ശരീരത്തിലെ പിത്തരസത്തിന്‍റെ അളവ് നിയന്ത്രിക്കാന്‍ സഹായിക്കും.