തലവേദനയുള്ളപ്പോള്‍ ഒഴിവാക്കേണ്ട കാര്യങ്ങള്‍

സ്‌ട്രെസ്

തലവേദനയ്ക്കുള്ള ഒരു പ്രധാന കാരണമാണ് സ്‌ട്രെസ്. ഇതൊഴിവാക്കുക. തലവേദന വരുത്താന്‍ മാത്രമല്ല, ഉള്ള തലവേദന അധികരിയ്ക്കുവാനും ഇത് കാരണമാകും.

പുകവലി

തലവേദന ഒഴിവാക്കാന്‍ പുക വലിയ്ക്കുന്നവരുണ്ട്. ഇത് തലവേദന കുറയ്ക്കുകയല്ലാ, കൂട്ടുകയാണ് ചെയ്യുന്നത്.

മദ്യപാനം

തലവേദനയുള്ളപ്പോള്‍ മദ്യപിയ്ക്കുന്നതും നല്ലതല്ല. ഇത് ശരീരത്തിലെ ജലാംശം കുറയ്ക്കും. തലവേദന അധികരിയ്ക്കും. മദ്യപിയ്ക്കുമ്പോള്‍ തലവേദന വരുന്നതിന്റെ ഒരു കാരണവും ഇതു തന്നെയാണ.്

വെള്ളം കുടിയ്ക്കാതിരിയ്ക്കുന്നത്

വെള്ളംകുടി മറക്കുന്നതും ഒഴിവാക്കുന്നതുമെല്ലാം തലവേദനയ്ക്കുള്ള ഒരു പ്രധാന കാരണമാണ്. ധാരാളം വെള്ളം കുടിയ്ക്കുക.

ഭക്ഷണം കഴിയ്ക്കാത്തത്

തലവേദനയുള്ളപ്പോള്‍ ഛര്‍ദിയ്ക്കുമെന്ന കാരണത്താല്‍ ഭക്ഷണം ഒഴിവാക്കുന്നവരുണ്ട്. ഇത് ചെയ്യരുത്. ഭക്ഷണം കഴിയ്ക്കാത്തത് പലര്‍ക്കും തലവേദന വരുത്തുന്നതു പോലെ തലവേദനയുള്ളപ്പോള്‍ ഭക്ഷണം ഒഴിവാക്കുന്നത് തലവേദന അധികരിയ്ക്കാന്‍ ഇട വരുത്തും.

വിശ്രമക്കുറവ്

വിശ്രമം ആരോഗ്യകരമായ ജീവിതത്തിന് അത്യന്താപേക്ഷിതമാണ്. വിശ്രമക്കുറവ് തലവേദനയ്ക്കു കാരണമാകും. തലവേദനയുള്ളപ്പോള്‍ വിശ്രമിച്ചു നോക്കൂ, ആശ്വാസം ലഭിയ്ക്കും.

സുഗന്ധദ്രവ്യങ്ങള്‍

തുളച്ചു കയറുന്ന ഗന്ധമുള്ള സുഗന്ധദ്രവ്യങ്ങള്‍ തലവേദനയുള്ളപ്പോള്‍ ഒഴിവാക്കണം.

കടുത്ത വെളിച്ചം

കടുത്ത വെളിച്ചം തലവേദന വര്‍ദ്ധിപ്പിയ്ക്കും. ഇതും ഒഴിവാക്കുകയാണ് നല്ലത്.

ടിവി

ടിവി കാണുക, വായിക്കുക, കമ്പ്യൂട്ടര്‍ നോക്കുക തുടങ്ങിയവയെല്ലാം തലവേദന അധികമാക്കുന്ന ഘടകങ്ങളാണ്. ഇവയും ഒഴിവാക്കുന്നതാണ് നല്ലത്.