ക്ഷീണം തോന്നുന്നതിന് പല കാരണങ്ങള്‍

പ്രാതല്‍

രാവിലെ പ്രാതല്‍ ഉപേക്ഷിയ്ക്കുന്നത് ക്ഷീണത്തിനുള്ള ഒരു പ്രധാന കാരണമാണ്. നീണ്ട നേരത്തെ ഇടവേളയ്ക്കു ശേഷം ശരീരത്തിന് ഭക്ഷണം ലഭിയ്‌ക്കേണ്ടത് അത്യാവശ്യമാണ്. അല്ലാത്ത പക്ഷം ലഭിയ്ക്കുന്ന ഊര്‍ജമെല്ലാം ശരീരം ശാരീരിക ആവശ്യങ്ങള്‍ക്ക് സംഭരിച്ചു വയ്ക്കും.

വെള്ളം

കുറവു വെള്ളം കുടിയ്ക്കുന്നത് ക്ഷീണത്തിനുള്ള മറ്റൊരു കാരണമാണ്. ഇത് ശരീരത്തില്‍ ഊര്‍ജം എല്ലാ സ്ഥലങ്ങളിലേയ്ക്കും പ്രവഹിയ്ക്കുന്നതിനു വേണ്ട ഒരു പ്രധാന കാര്യമാണ്. വെള്ളം കുറയുമ്പോള്‍ തലച്ചോറിന് പ്രവര്‍ത്തിയ്ക്കാനുള്ള ഊര്‍ജവും ലഭിയ്ക്കില്ല.

ജങ്ക് ഫുഡ്

ജങ്ക് ഫുഡ് ശീലങ്ങളുള്ളവര്‍ക്ക് ക്ഷീണം തോന്നുന്നത് സ്വാഭാവികമാണ്. കാരണം ജങ്ക് ഫുഡില്‍ അടങ്ങിയിരിയ്ക്കുന്നത് ട്രാന്‍സ്ഫാറ്റാണ്. ഇത് ശരീരത്തിന് ആവശ്യമുള്ള ഊര്‍ജം നല്‍കില്ലെന്നു മാത്രമല്ല, ട്രാന്‍സ്ഫാറ്റ് ശരീരത്തിന് ക്ഷീണം തോന്നിപ്പിയ്ക്കുകയും ചെയ്യും.

വ്യായാമം

വ്യായാമം ചെയ്താല്‍ ക്ഷീണിയ്ക്കുമെന്ന് ചിലര്‍ക്കെങ്കിലും ധാരണയുണ്ട്. എന്നാല്‍ വ്യായാമം ശരീരത്തിന് ഊര്‍ജവും ഉന്മേഷവും ലഭ്യമാക്കുകയാണ് ചെയ്യുന്നത്. വ്യായാമം ചെയ്യാതിരിയ്ക്കുന്നത് ക്ഷീണത്തിനുള്ള മറ്റൊരു കാരണമാണ്.

ഉറക്കം

മതിയായ ഉറക്കം ആരോഗ്യത്തിന് സര്‍വപ്രധാനമാണ്. എന്നാല്‍ അമിതമായി ഉറങ്ങുന്നത് ക്ഷീണത്തിനുള്ള മറ്റൊരു കാരണമാണ്.

ഡിപ്രഷന്‍

മനസിന്റെ ക്ഷീണം ശരീരത്തേയും ബാധിയ്ക്കും. ഇതുകൊണ്ടുതന്നെ ഡിപ്രഷന്‍ പോലുള്ള പ്രശ്‌നങ്ങള്‍ ശാരീരിക ക്ഷീണവും വരുത്തും.

വൈറ്റമിന്‍ ബി12

വൈറ്റമിന്‍ ബി12 കുറവ് പലപ്പോഴും വെജിറ്റേറിയന്‍കാര്‍ക്കുണ്ടാകുന്ന ഒരു പ്രശ്‌നമാണ്. ഇത് നാഡികളുടെ ശരിയായ പ്രവര്‍ത്തനത്തിന് ഏറെ ഗുണകരമാണ്. വൈറ്റമിന്‍ ബി 12 കുറവ് പലപ്പോഴും ക്ഷീണത്തിന് ഇട വരുത്തുകയും ചെയ്യും.

ഹൃദയം

ഹൃദയം രക്തം പമ്പു ചെയ്യുന്നതില്‍ കുറവുണ്ടാകുമ്പോഴും ശരീരത്തിന് ക്ഷീണം തോന്നുന്നത് സ്വാഭാവികമാണ്. ഇതുമൂലം ശരീരത്തിലെ കോശങ്ങള്‍ക്ക് ഊര്‍ജം ലഭിയ്ക്കില്ല.

ഉറങ്ങാന്‍

ശരിയായി രീതിയില്‍ ഉറങ്ങാന്‍ സാധിച്ചില്ലെങ്കിലും ക്ഷീണം തോന്നുന്നത് സ്വാഭാവികമാണ്.

പ്രമേഹം

പ്രമേഹം ക്ഷീണം തോന്നുന്നതിനുള്ള മറ്റൊരു കാരണമാണ്. അമിതമായ പ്രമേഹമുളളവര്‍ക്ക് എപ്പോഴും ക്ഷീണം തോന്നുന്നത് സര്‍വസാധാരണമാണ്.