ബിപി സ്വാഭാവിക വഴികളിലൂടെ നിയന്ത്രിയ്ക്കൂ

Updated: Thursday, March 19, 2015, 10:15 [IST]

ബ്ലഡ് പ്രഷര്‍ അഥവാ രക്തസമ്മര്‍ദം സാധാരണമായ ഒരു ആരോഗ്യപ്രശ്‌നമാണ്. ഇന്നത്തെ കാലഘട്ടത്തില്‍ ചെറുപ്പക്കാരില്‍ പോലും കണ്ടുവരുന്ന ഒന്ന്. വര്‍ദ്ധിച്ചു വരുന്ന സ്‌ട്രെസാണ് ഇതിനു കാരണമായി പറയാറുള്ളത്.

ഇതല്ലാതെയും പലവിധ കാരണങ്ങളും രക്തസമ്മര്‍ദത്തിനു പുറകിലുണ്ട്.

രക്തസമ്മര്‍ദം മരുന്നില്ലാതെ സ്വാഭാവിക വഴികളിലൂടെ നിയന്ത്രിയ്ക്കാനുള്ള ചില വഴികളെക്കുറിച്ചറിയൂ,

വ്യായാമം

ഇതിനുള്ളൊരു പ്രധാന വഴിയാണ്. ഇത് രക്തസമ്മര്‍ദം മാത്രമല്ല, പല രോഗങ്ങള്‍ക്കും ശമനമുണ്ടാക്കും. നിങ്ങളുടെ ദിനചര്യയില്‍ ഇത് ഒരു പ്രധാനപ്പെട്ട ഒന്നാക്കുക.

തടി

തടി നിയന്ത്രിയ്‌ക്കേണ്ടത് വളരെ പ്രധാനം. തടി കൂടുന്നത് ബിപിയ്ക്കുള്ള ഒരു പ്രധാന കാരണമാണ്. ബിപിയുടെ മാത്രമല്ല, പല അസുഖങ്ങളുടേയും പ്രധാന കാരണമാണ് തടി.

ഡയറ്റ്

എല്ലാ പോഷകങ്ങളും സമന്വയിപ്പിച്ചു കൊണ്ടുള്ള ഡയറ്റ് പിന്‍തുടരുക. ഇത് വളരെ പ്രധാനമാണ്.

കൃത്യസമയത്ത് ഭക്ഷണം

കൃത്യസമയത്ത് ഭക്ഷണം പ്രധാനം. പ്രത്യേകിച്ച് പ്രാതല്‍, അത്താഴം എന്നിവ. രാവിലെ എഴര-എട്ടോടെ പ്രാതല്‍, ഉച്ചയ്ക്ക് 12.30-1നുള്ളില്‍ ഉച്ചഭക്ഷണം. രാത്രി എട്ടു മണിയ്ക്കുള്ളില്‍ അത്താഴം എന്നിവ ശീലമാക്കുക.