ക്യാന്‍സര്‍ രോഗികള്‍ക്ക് യോജിച്ച ഭക്ഷണങ്ങള്‍

1. മുട്ട

മുട്ടയില്‍ വിറ്റാമിന്‍ ബി, ഡി, ഇ എന്നിവയും പ്രോട്ടീനുകളും സമൃദ്ധമായി അടങ്ങിയിട്ടുണ്ട്. മുട്ടയിലടങ്ങിയിരിക്കുന്ന സെലിനിയം എന്ന ഘടകം കീമോതെറാപ്പിയുടെ ദോഷങ്ങള്‍ കുറയ്ക്കാന്‍ സഹായിക്കും. ഛര്‍ദ്ദി, മുടി കൊഴിച്ചില്‍, വയറ് വേദന, ക്ഷീണം എന്നിവ കുറയ്ക്കാന്‍ ഇത് ഫലപ്രദമാണ്.

2. ഇഞ്ചി

ഏറെ ആരോഗ്യ ഗുണങ്ങളുള്ളതാണ് ഇഞ്ചി. ഇഞ്ചി കഴിക്കുന്നത് കൊണ്ട് പാര്‍ശ്വഫലങ്ങളൊന്നുമില്ല. കീമോതെറാപ്പിക്ക് മുന്‍പേ ഇഞ്ചി കഴിക്കുന്നത് പിന്നീടുണ്ടാകുന്ന ഛര്‍ദ്ദി കുറയ്ക്കാന്‍ സഹായിക്കും.

3. അകായ് ബെറി

ആന്‍റി ഓക്സിഡന്‍റുകളാല്‍ സമ്പന്നമാണ് അകായ് ബെറി. ക്യാന്‍സറിന് പുറമേ മറ്റ് പല രോഗങ്ങള്‍ക്കും ഫലപ്രദമാണ് ഈ ചെറിയ പഴം. ഒരു ആപ്പിളിലടങ്ങിയതിനേക്കാള്‍ പതിനൊന്ന് മടങ്ങ് അധികം ആന്‍റി ഓക്സിഡന്‍റുകള്‍ ഒരു അകായ് ബെറിയിലുണ്ട്.

4. പുതിന

ക്യാന്‍സര്‍ ചികിത്സയുടെ ദോഷഫലങ്ങള്‍ മാറ്റാന്‍ ഉത്തമമാണ് പുതിന. വായ ഉണങ്ങല്‍, ഛര്‍ദ്ദി എന്നിവയ്ക്ക് പുതിന ആശ്വാസം നല്കും. ഉത്കണ്ഠയ്ക്കും മികച്ച പരിഹാരമാണ് ഇത്. ഛര്‍ദ്ദി നിയന്ത്രിക്കുക എന്നത് ശരീരത്തില്‍ നിന്നുള്ള ജലാംശനഷ്ടം ഒഴിവാക്കാന്‍ സഹായിക്കും.

5. സോയ

പ്രോട്ടീനും, ഈസ്ട്രജനും സമൃദ്ധമായി അടങ്ങിയതാണ് സോയ. സ്തനാര്‍ബുദത്തിന്‍റെ വലുപ്പം കുറയ്ക്കാന്‍ സോയ സഹായിക്കുമെന്ന് പഠനങ്ങളില്‍ കണ്ടെത്തിയിട്ടുണ്ട്. ജെയ്ന്‍സ്റ്റീന്‍ എന്ന സോയയിലെ ഘടകം ക്യാന്‍സര്‍ സെല്ലുകളെ നശിപ്പിക്കാന്‍ സഹായിക്കും. ഇത് വഴി ക്യാന്‍സര്‍ സെല്ലുകളുടെ പെരുകല്‍ തടയുകയും, അവ നശിക്കുകയും ചെയ്യും. എന്നാല്‍ ശ്രദ്ധിക്കേണ്ട കാര്യം സോയ എല്ലാവര്‍ക്കും അനുയോജ്യമായിരിക്കില്ല എന്നതാണ്.

6. പച്ചക്കറികള്‍

പയര്‍, ചീര, കടല എന്നിവയൊക്കെ വിറ്റാമിന്‍ ബി യാല്‍ സമ്പന്നമാണ്. ഇവ ക്യാന്‍സര്‍ ഭേദമാക്കാനും, രോഗബാധിതമായ കോശങ്ങളെ ഭേദപ്പെടുത്താനും സഹായിക്കും. ശരീരത്തിന്‍റെ പ്രതിരോധശേഷി വര്‍ദ്ധിപ്പിക്കാനും പച്ചക്കറികള്‍ സഹായിക്കും. ചുവന്ന രക്തകോശങ്ങളുടെ ഉത്പാദനം ത്വരിതപ്പെടുത്തി രോഗം വേഗത്തില്‍ ഭേദമാകാന്‍ പച്ചക്കറികള്‍ ഫലപ്രദമാണ്.

7. മോര്

വളരെ ആരോഗ്യപ്രദമായ മോരില്‍ നൂറിലധികം ഗുണകരമായ എന്‍സൈമുകളുണ്ട്. ഇവ അണുബാധയെ പ്രതിരോധിക്കാനും, പ്രതിരോധ ശേഷി വര്‍ദ്ധിപ്പിക്കാനും സഹായിക്കും. മോരിലടങ്ങിയ ആന്‍റിബോഡികള്‍ സാധാരണയായുണ്ടാകുന്ന ജലദോഷത്തെയും ചുമയെയും തടയാന്‍ കഴിവുള്ളതാണ്. ക്യാന്‍സര്‍ പ്രതിരോധത്തിനും ഇതിന് കഴിവുണ്ട്.

8. ഇലക്കറികള്‍

ഇലക്കറികളില്‍ വിറ്റാമിന്‍ ബിയും ഫോളിയേറ്റുകളും അടങ്ങിയിരിക്കുന്നു. ക്യാന്‍സറിന്‍റെയും, അതിന്‍റെ ചികിത്സയുടെയും ദോഷങ്ങളെ ചെറുക്കാന്‍ ഇവ സഹായിക്കും. കാല്‍സ്യവും സമൃദ്ധമായി അടങ്ങിയ ഇലക്കറികള്‍ അസ്ഥികള്‍ക്ക് കരുത്ത് നല്കുകയും രോഗബാധിതമായ കോശങ്ങളെ സുഖപ്പെടുത്തുകയും ചെയ്യും.