പനി മാറാന്‍ പ്രകൃതിദത്ത വഴികള്‍!!

കുളി

പനിയുള്ളപ്പോള്‍ കുളിയ്ക്കരുതെന്നാണ് സാധാരണ പറയാറെങ്കിലും ചൂടുവെള്ളത്തില്‍ കുളിയ്ക്കുന്നത് ശരീരത്തിന് സുഖം നല്‍കും. ശരീരത്തിലെ ചൂടു കുറയ്ക്കാന്‍ ഇത് സഹായിക്കുകയും ചെയ്യും.

ഐസ് പായ്ക്ക്

സ്‌പോഞ്ച് തെറാപ്പി പനി കുറയ്ക്കാന്‍ ചെയ്യാവുന്ന ഒന്നാണ്. തണുത്ത വെള്ളത്തില്‍ പഞ്ഞി മുക്കി ശരീരമാസകലം തുടയ്ക്കുക. അല്ലെങ്കില്‍ തുണി മുക്കിപ്പിഴിഞ്ഞു തുടച്ചാലും മതി. ശരീരത്തിന്റെ താപനില പെട്ടെന്നു കുറയ്ക്കാന്‍ ഇത് സഹായിക്കും. ഐസ് പായ്ക്ക് ഉപയോഗിയ്ക്കുകയുമാകാം.

താപനില

മുറിയിലെ താപനില കുറയ്ക്കുക. ഇത് ശരീരത്തിലെ ചൂടും സ്വാഭാവികമായി കുറയ്ക്കും.

പുതച്ചു കിടക്കരുത്‌

നല്ല പനിയുള്ളപ്പോള്‍ പുതച്ചു മൂടി കിടക്കുന്ന ശീലമാണ് എല്ലാവര്‍ക്കും. എന്നാല്‍ ഈ ശീലം നല്ലതല്ല. ശരീരത്തില്‍ നിന്നും ചൂടു പുറത്തു പോകാതിരിക്കാന്‍ ഇത് ഇടയാക്കും. പനി കുറയ്ക്കുകയുമില്ല.

മുട്ട, സവാള

മുട്ടയുടെ വെള്ളയിലോ സവാള നീരിലോ ടിഷ്യൂ പേപ്പര്‍ നനയ്ക്കുക. ഇത് കാലിനടിയില്‍ വയ്ക്കാം. എന്നിട്ട് സോക്‌സ് ധരിയ്ക്കുക. ഇത് പനി സ്വാഭാവികമായി കുറയ്ക്കാനുള്ള ഒരു വഴിയാണ്.

വെള്ളം കുടിയ്ക്കുക

പനിയുള്ളപ്പോള്‍ ശരീരം തണുപ്പിയ്ക്കാനായി ധാരാളം തിളപ്പിച്ചാറ്റിയ വെള്ളം കുടിയ്ക്കുക. പനി ശരീരത്തില്‍ നിന്നുള്ള ജലാംശം ഊറ്റിക്കളയുകയാണ് ചെയ്യുന്നത്.

വെളുത്തുള്ളി

വെളുത്തുള്ളി ചതച്ച് അല്‍പം വെളിച്ചെണ്ണയില്‍ കലക്കുക. ഇത് കാലിനടിയില്‍ പുരട്ടുക. പനി സ്വാഭാവികമായി കുറയ്ക്കാനുള്ള ഒരു വഴിയാണിത്.