മുതിര്‍ന്നവരില്‍ ചിക്കന്‍പോക്‌സ് തടയാം

Published: Tuesday, March 11, 2014, 11:43 [IST]

ചൂടുകാലത്ത് വരുന്ന രോഗങ്ങളില്‍ പ്രധാനപ്പെട്ട ഒന്നാണ് ചിക്കന്‍പോക്‌സ്. മുതിര്‍ന്നവരിലാണ് ഈ രോഗം വന്നാല്‍ കൂടുതല്‍ ബുദ്ധിമുട്ടുണ്ടാവുക.

ശരീരമാസകലമുള്ള പോളങ്ങളും ഇതുണങ്ങിയാല്‍ തന്നെ ഇവയുണ്ടാക്കുന്ന പാടുകളുമെല്ലാം ഈ അസുഖത്തെ ഭയത്തോടെ വീക്ഷിയ്ക്കുവാന്‍ ഇട വരുത്തുന്ന ഒന്നാണ്. മാത്രമല്ല, മറ്റുള്ളവരില്‍ നിന്ന് അകന്നു മാറി അല്‍പദിവസങ്ങള്‍ കഴിയുകയും വേണം.

ചിക്കന്‍ പോക്‌സ് വരുന്നതിനേക്കാള്‍ നല്ലത് വരാതെ തടയുന്നതു തന്നെയാണ്. ചിക്കന്‍പോക്‌സ് മുതിര്‍ന്നവര്‍ക്കു വരുന്നതു തടയാന്‍ ചില വഴികളുണ്ട്. ഇവയെന്തൊക്കെയെന്നു നോക്കൂ,

ഫലവര്‍ഗങ്ങള്‍

ശരീരം തണുപ്പിയ്ക്കുകയും അതേ സമയം രോഗപ്രതിരോധശേഷി നേടുകയുമാണ് ഒരു പ്രധാന വഴി. ഇതിന് ഫലവര്‍ഗങ്ങള്‍ ധാരാളം കഴിയ്ക്കുക. ഇത് ശരീരം തണുപ്പിയ്ക്കും, രോഗപ്രതിരോധശേഷി നല്‍കും.

അകലം

ചിക്കന്‍ പോക്‌സ് വൈറസ് എളുപ്പം പകരുന്നവയാണ്. ചിക്കന്‍പോക്‌സ ബാധിച്ചവരില്‍ നിന്ന് അകന്നു നില്‍ക്കുക. മൂന്നാഴ്ച വരെയെങ്കിലും അകലം പാലിയ്ക്കുന്നതാണ് നല്ലത്.

കരിക്കിന്‍ വെള്ളം

ശരീരം തണുപ്പിയ്ക്കാനുള്ള നല്ലൊരു വഴിയാണ് കരിക്കിന്‍ വെള്ളം കുടിയ്ക്കുന്നത്. ഇത് വേനല്‍ക്കാലത്ത് ശരീരത്തിന് ഊര്‍ജം നല്‍കുകയും ചെയ്യും.

ചെറുനാരങ്ങാജ്യൂസ്

ചെറുനാരങ്ങാജ്യൂസ് കുടിയ്ക്കുന്ന് നല്ലതാണ്. ഇതിലെ ആസിഡ് ശരീരത്തിലെ ബാക്ടീരിയകളെയും വൈറസിനെയും കൊന്നൊടുക്കാന്‍ സഹായിക്കും. രോഗം വരുന്നത് തടയും.

കയ്പുള്ള ഭക്ഷണങ്ങള്‍

പാവയ്ക്ക, ബ്രൊ്‌ക്കോളി പോലെ കയ്പുള്ള ഭക്ഷണങ്ങള്‍ കഴിയ്ക്കുന്നത് ചിക്കന്‍പോക്‌സ് തടയാന്‍ സഹായിക്കും. ഇത് ചിക്കന്‍പോക്‌സ് വരുത്തുന്ന വാരിസെല്ല വൈറസിനെ നശിപ്പിയ്ക്കും.

വെള്ളം

ധാരാളം വെള്ളം കുടിയ്ക്കുക. ശരീരം തണുപ്പിയ്ക്കാനുള്ള ഒരു പ്രധാന വഴിയാണിത്. ചിക്കന്‍പോക്‌സിനെ അകറ്റി നിര്‍ത്തുകയും ചെയ്യും.

വീട് അണുവിമുക്തമാക്കണം

വീട്ടില്‍ ചിക്കന്‍പോക്‌സ് ബാധിതര്‍ വരികയോ മറ്റോ ചെയ്താല്‍ വീട് അണുവിമുക്തമാക്കണം. ആര്യവേപ്പില, മഞ്ഞള്‍ തുടങ്ങിയവ ഇട്ടു തിളപ്പിച്ച വെള്ളത്തില്‍ കുളിയ്ക്കുന്നത് നല്ലതായിരിയ്ക്കും.