വായ്പ്പുണ്ണിന് വീട്ടുചികിത്സ

By Super

Updated: Wednesday, December 3, 2014, 10:40 [IST]

വായ്പുണ്ണ് അഥവാ മൗത്ത് അള്‍സര്‍ വായിലുണ്ടായാല്‍ ഭക്ഷണം കഴിക്കുന്നതും, സംസാരിക്കുന്നതുമൊക്കെ പ്രയാസകരമാകും. വളരെ സാധാരണമായി കണ്ടുവരുന്ന ഈ പ്രശ്നം പ്രായപൂര്‍ത്തിയായവരില്‍ അഞ്ചില്‍ ഒരാള്‍ക്കും, കുട്ടികളില്‍ 5-10 ശതമാനത്തിനും വരുന്നതാണ്.

ചെറിയ തോതിലുള്ള വായ്പ്പുണ്ണ് ഒരു വര്‍ഷം മൂന്ന് നാല് തവണ വരുകയും, ഒരാഴ്ച വരെ നീണ്ടു നില്‍ക്കുകയും ചെയ്യുന്നതാണ്. 10 നും 20 നും ഇടയില്‍ പ്രായമുള്ളവരിലാണ് ഇത് ഏറ്റവും അധികമായി കാണുന്നത്. സങ്കീര്‍ണ്ണമായ വായ്പ്പുണ്ണ് താരതമ്യേന കുറവായാണ് കാണുന്നത്. മുമ്പ് ഉണ്ടായിട്ടുള്ളവരില്‍ ഇത് വീണ്ടും വരാനുള്ള സാധ്യത കൂടുതലാണ്.

വീട്ടില്‍ തന്നെ വായ്പ്പുണ്ണിന് പരിഹാരം കണ്ടെത്താനാവും. അത്തരം ചിലത് ഇവിടെ പരിചയപ്പെടാം.

തുളസി

നാലഞ്ച് തുളസിയില ചവക്കുകയും വെള്ളം കുടിക്കുകയും ചെയ്യുക.

ഉലുവയില

ഉലുവയില അല്പം വെള്ളത്തിലിട്ട് തിളപ്പിക്കുക. ഇല നീക്കിയ ശേഷം വെള്ളം വായില്‍ കൊണ്ട് കുലുക്കുഴിയുക. ഇത് ദിവസം രണ്ടോ മൂന്നോ പ്രാവശ്യം ചെയ്യുക.

തക്കാളി

വേവിക്കാത്ത തക്കാളി വായ്പ്പുണ്ണിന് നല്ല പരിഹാരമാണ്. അതുകൂടാതെ തക്കാളി നീര് വായില്‍ കൊള്ളുകയും ചെയ്യാം.

മഞ്ഞള്‍ പൊടി

അല്പം മഞ്ഞള്‍ പൊടി ഗ്ലിസറിനുമായി ചേര്‍ത്ത് മുറിവുകളില്‍ പുരട്ടുക.

തേങ്ങാപ്പാല്‍

അല്പം തേങ്ങാപ്പാല്‍ ഉപയോഗിച്ച് പുണ്ണുള്ള ഭാഗം മസാജ് ചെയ്യുക.

മൗത്ത് വാഷ്

ഉച്ചഭക്ഷണത്തിന് ശേഷവും, അത്താഴത്തിന് ശേഷവും, രാത്രി കിടക്കുന്നതിന് മുമ്പും, മൗത്ത് വാഷ് ഉപയോഗിച്ച് വായ കഴുകുക. ഇത് വായ്പ്പുണ്ണിനെ തടയുന്നതിനൊപ്പം വായ്നാറ്റമകറ്റാനും സഹായിക്കും.