ആര്‍ത്തവം വൈകുന്നുവോ, പരിഹാരമിതാ...

Updated: Thursday, January 30, 2014, 15:09 [IST]

സ്ത്രീ ശരീരത്തിന്റെ ആരോഗ്യത്തില്‍ ആര്‍ത്തവത്തിന് സുപ്രധാന സ്ഥാനമുണ്ട്. പ്രത്യുല്‍പാദനത്തിന് മാത്രമല്ല, ഒരു സ്ത്രീയുടെ ശാരീരിക പ്രവര്‍ത്തനങ്ങള്‍ കൃത്യമായി നടക്കുന്നുവെന്ന് ഉറപ്പു വരുത്തുന്നതിനുള്ള ഒരു പ്രക്രിയയാണിത്.

പല സ്ത്രീകള്‍ക്കും ആര്‍ത്തവ ക്രമക്കേടുകള്‍ അനുഭവപ്പെടാം. ഇതിന് കാരണങ്ങളും പലതുണ്ടാകാം. 28 ദിവസമാണ് കൃത്യമായ ആര്‍ത്ത ചക്രമെങ്കിലും ഇതിന് മൂന്നോ നാലോ ദിവസം മുന്നോട്ടും പിന്നോട്ടുമെല്ലാം സര്‍വസാധാരണവുമാണ്.

വൈകി വരുന്ന ആര്‍ത്തവം പല സ്ത്രീകളുടേയും പ്രശ്‌നമാണ്. ഇത് ആര്‍ത്തവക്രമക്കേടു തന്നെയായി കണക്കാക്കുകയും ചെയ്യാം.

ആര്‍ത്തവം വൈകി വരുന്നതിന് ചില സ്വാഭാവിക പരിഹാരങ്ങളുണ്ട്. ഇവയെന്തൊക്കെയെന്നു നോക്കൂ,

അരയാല്‍ വേരുകള്‍

അരയാല്‍ മരത്തിന്റെ വേരുകള്‍ വെള്ളത്തിലിട്ടു തിളപ്പിയ്ക്കുക. ഇത് ഊറ്റി പശുവിന്‍ പാലില്‍ കലക്കി രാത്രി കിടക്കാന്‍ നേരം കുടിയ്ക്കുക. ആര്‍ത്തവക്രമക്കേടുകള്‍ക്കുള്ള പരിഹാരമാണിത്.

പപ്പായ ജ്യൂസ്

പഴുത്ത പപ്പായ ജ്യൂസ് കുടിയ്ക്കുന്നതും പച്ചപ്പപ്പായ വേവിച്ചോ അല്ലാതെയോ കഴിയ്ക്കുന്നതും ആര്‍ത്തവം കൃത്യമായി വരാന്‍ നല്ലതാണ്.

നെല്ലിക്കാ ജ്യൂസ്

രാവിലെ വെറും വയറ്റില്‍ നെല്ലിക്കാ ജ്യൂസ് കുടിയ്ക്കുക. പിന്നീട് ഒരു മണിക്കൂര്‍ നേരത്തേയ്ക്ക് ഒന്നും കഴിയ്ക്കരുത്. നെല്ലിക്കാ ജ്യൂസ് ലഭ്യമല്ലെങ്കില്‍ നെല്ലിക്ക ഉണക്കിപ്പൊടിച്ചതും തേനും ചേര്‍ത്ത് രാത്രി കിടക്കാന്‍ നേരം കഴിയ്ക്കാം.