കറികള്‍ ആരോഗ്യകരമായി ഉണ്ടാക്കൂ

എണ്ണ

എണ്ണയുടെ ഉപയോഗം കഴിവതും കുറയ്ക്കുക. വറുത്തിടാനോ സ്വാദിനോ വേണ്ടി മാത്രം കഴിവതും കുറഞ്ഞ അളവില്‍ എണ്ണ ഉപയോഗിയ്ക്കാം.

മസാല

മസാലപൊടികള്‍ വീട്ടിലുണ്ടാക്കുന്നതാണ് കൂടുതല്‍ നല്ലത്. വാങ്ങുന്നവയില്‍ പലപ്പോഴും കൃത്രിമവസ്തുക്കള്‍ അടങ്ങിയിട്ടുണ്ടാകും. അല്ലെങ്കില്‍ സാധിയ്ക്കുന്നത്ര മുഴുവന്‍ മസാല തന്നെ ഉപയോഗിയ്ക്കാം.

തൈര്‌

ചിലതരം കറികള്‍ക്ക് കൊഴുപ്പു നല്‍കാന്‍ ക്രീം, കശുവണ്ടിപ്പരിപ്പ് അരച്ചത് എന്നിവ ചേര്‍ക്കാറുണ്ട്. ഇവയക്കു പകരം തൈരുപയോഗിയ്ക്കുന്നതാണ് കൂടുതല്‍ ആരോഗ്യകരം.

തക്കാളി

ടൊമാറ്റോ സോസിന് പകരം തക്കാളി ഉപയോഗിയ്ക്കുക. സോസ് ആരോഗ്യത്തിന് ഗുണകരമാണെന്നു പറയാനാവില്ല.

പച്ചമുളക്

മുളകുപൊടിയ്ക്കു പകരം പച്ചമുളക് ഉപയോഗിയ്ക്കുന്നതാണ് കൂടുതല്‍ നല്ലത്.

കുരുമുളകുപൊടി

എരിവിന് കുരുമുളകുപൊടി ഉപയോഗിയ്ക്കാനാവുന്ന കറികളിലെല്ലാം ഇതുപയോഗിയ്ക്കുക. ഇത് ആരോഗ്യത്തിന് ഏറെ ഗുണകരമാണ്.

ഒലീവ് ഓയില്‍

എണ്ണകള്‍ക്കു പകരം ഒലീവ് ഓയില്‍ ഉപയോഗിയ്ക്കാം. ഇത് ആരോഗ്യത്തിന് ഏറെ ഗുണകരമാണ്.

ഒരേ തരത്തിലെ മസാലകള്‍

പല മസാലകള്‍ക്കു പകരം കഴിയാവുന്നത്ര ഒരേ തരത്തിലെ മസാലകള്‍ ഉപയോഗിയ്ക്കുന്നത് ഗുണകരമാണ്. ഇത് ഭക്ഷണഗുണം വര്‍ദ്ധിപ്പിയ്ക്കും.

പാചകം

കടായിയില്‍ പാചകം ചെയ്യുമ്പോള്‍ കൂടുതല്‍ എണ്ണയുപയോഗിയ്ക്കാനുള്ള പ്രവണതയുണ്ടാകും. പ്രഷര്‍ കുക്കര്‍ ഉപയോഗിയ്ക്കുന്നതാണ് കൂടുതല്‍ ഗുണകരം.

മഞ്ഞള്‍പ്പൊടി

കഴിയാവുന്നത്ര ഭക്ഷണങ്ങളില്‍ മഞ്ഞള്‍പ്പൊടി ഉപയോഗിയ്ക്കാം. ഇത് ആരോഗ്യത്തിന് ഏറെ നല്ലതാണ്.