നൈറ്റ് ഷിഫ്റ്റുകാരറിയാന്‍

സമയവ്യവസ്ഥയുമായി പൊരുത്തപ്പെടുക

രാത്രിയില്‍ ഉറങ്ങുകയും രാവിലെ ഉറക്കമെഴുന്നേല്‍ക്കുകയും ചെയ്യുന്നതാണ് സാധാരണമായ രീതി. എന്നാല്‍ രാത്രി ഷിഫ്റ്റില്‍ ജോലി ചെയ്യുമ്പോള്‍ പുതിയ സമയക്രമവുമായി ശരീരത്തെ പൊരുത്തപ്പെടുത്തുക. ഉറക്കം വന്നാലും ഉറങ്ങാതെ ഇരിക്കുകയും, ഉറക്കമുണരേണ്ട സമയത്ത് മാത്രം എഴുന്നേല്‍ക്കുകയും ചെയ്ത് ശരീരത്തെ പുതിയ സമയക്രമവുമായി പൊരുത്തപ്പെടുത്തുക. സാവധാനം ശരീരം പുതിയ സമയവ്യവസ്ഥയുമായി പൊരുത്തപ്പെടും.

ഭക്ഷണക്രമം

രാത്രി ഷിഫ്റ്റില്‍ ജോലി ചെയ്യുമ്പോള്‍ രണ്ട് തവണ അത്താഴം കഴിക്കുന്ന ശീലം നിങ്ങള്‍ക്കുണ്ടാവും. ഇത് ശരീരത്തിന് നല്ലതല്ല. രാത്രി എട്ട് മണിക്ക് അത്താഴം കഴിക്കാന്‍ ശ്രദ്ധിക്കുക. തുടര്‍ന്ന് 12 മണിക്കും 6 മണിക്കും ഇടക്ക് ലഘുവായി എന്നാല്‍ പോഷകസമ്പന്നമായ ഒരു ഭക്ഷണം കഴിക്കാം. ഇത് ശരീരത്തിന് ഗുണകരമാകും.

സ്ഥിരമായ മാറ്റം

എല്ലാ ആഴ്ചയും വരുന്ന മാറ്റങ്ങളുമായി ശരീരം പൊരുത്തപ്പെടില്ല. കഴിയുമെങ്കില്‍ ഏതാനും മാസങ്ങളെങ്കിലും നീളുന്ന ഷിഫ്റ്റുകളില്‍ ജോലി ചെയ്യുക. ഈ സമയം കൊണ്ട് നിങ്ങളുടെ ശരീരം പുതിയ സമയക്രമവുമായി പൊരുത്തപ്പെടും. നീണ്ടുനില്‍ക്കുന്ന മാറ്റങ്ങള്‍ ഭക്ഷണം കഴിക്കാനും, ഉറങ്ങാനുമൊക്കെ സമയം നല്കുകയും അത് വഴി നിങ്ങളുടെ ആരോഗ്യം സംരക്ഷിക്കാനുമാവും.

എനര്‍ജി ഡ്രിങ്കുകള്‍ വേണ്ട

എനര്‍ജി ഡ്രിങ്കുകളില്‍ കഫീന്‍ അമിതമായി അടങ്ങിയിട്ടുണ്ടാകും. രാത്രി ജോലി ചെയ്യുമ്പോള്‍ അത് സഹായിക്കുമെങ്കിലും ക്രമേണ ദോഷകരമാകും. എനര്‍ജി ഡ്രിങ്കുകള്‍ക്ക് പകരം ചായയോ, കാപ്പിയോ കുടിക്കുക. അതേപോലെ തന്നെ ധാരാളം വെള്ളവും കുടിക്കുക.

ലഘുഭക്ഷണങ്ങള്‍ വേണ്ട

രാത്രി ജോലി ചെയ്യുമ്പോള്‍ ജങ്ക് ഫുഡുകള്‍ പോലുള്ളവ കഴിക്കാന്‍ തോന്നുന്നത് സാധാരണമാണ്. ഉദാഹരണത്തിന് ചിപ്സ്, പൊരിച്ച സാധനങ്ങള്‍ പോലുള്ളവ. ഇത് ഒഴിവാക്കുക. ശരീരത്തിന് ഇവ ദഹിപ്പിക്കാനാവാതെ വന്നാല്‍ അത് അനാരോഗ്യകരമാകും. ഇവയ്ക്ക് പകരം അണ്ടിപ്പരിപ്പുകളോ, പഴങ്ങളോ കഴിക്കാം.

ശരീരത്തിന്‍റെ നില

പലരും ജോലി ചെയ്യുമ്പോളുള്ള ശാരീരിക നിലകളെക്കുറിച്ച് ശ്രദ്ധിക്കാറില്ല. കംപ്യൂട്ടറില്‍ ജോലി ചെയ്യുമ്പോള്‍ ഒരു മണിക്കൂറില്‍ അഞ്ച് മിനുട്ടെങ്കിലും കണ്ണിന് വിശ്രമം നല്കുക. നടുവിന് വിശ്രമം നല്കുക. സാധിക്കുമെങ്കില്‍ ഓരോ മണിക്കൂര്‍ കഴിയുമ്പോളും അല്പദൂരം നടക്കുക. ഇത് വഴി പേശികള്‍ക്ക് അയവും ശരീരത്തിന് അല്പം വ്യായാമവും ലഭിക്കും. ജോലി ചെയ്യുമ്പോള്‍ നല്ലൊരു കുഷ്യനില്‍ ഇരിക്കുന്നത് നടുവിന് ഏറെ ആശ്വാസം നല്കും.