മാട്ടിറച്ചി ആരോഗ്യകരമായി പാകം ചെയ്യാം

Published: Monday, June 23, 2014, 11:14 [IST]

ആരോഗ്യത്തിന് മാട്ടിറച്ചി അത്ര നല്ലതല്ലെന്നു പറയും. കൊഴുപ്പ് കൂടുതലുള്ളതാണ് കാരണം. ഇതുകൊണ്ടു തന്നെ കൊളസ്‌ട്രോള്‍ പോലുള്ള പ്രശ്‌നങ്ങള്‍ ഇതുണ്ടാക്കുകയും ചെയ്യും.

എങ്കിലും മാട്ടിറച്ചി ഭക്ഷണത്തില്‍ നിന്നും ഒഴിച്ചു നിര്‍ത്താനാകാത്തവരുണ്ട്. ഇത്തരക്കാര്‍ക്ക് ഇവ ആരോഗ്യകരമായി ഉപയോഗിയ്ക്കുകയെന്നതാണ് ചെയ്യാവുന്ന ഒരു കാര്യം. മാട്ടിറച്ചി ആരോഗ്യകരമായി എങ്ങനെ ഉപയോഗിക്കാമെന്നു നോക്കൂ,

ലീന്‍ മീറ്റ്

മാട്ടിറച്ചി വാങ്ങുമ്പോള്‍ ലീന്‍ മീറ്റ് അഥവാ കൊഴുപ്പില്ലാത്തതു തെരഞ്ഞെടുത്തു വാങ്ങുക.

കൊഴുപ്പു നീക്കുക

വാങ്ങിയ മാട്ടിറച്ചിയില്‍ കൊഴുപ്പുണ്ടെങ്കില്‍ ഇത് നീക്കുക.

റൂം ടെമ്പറേച്ചര്‍

ഫ്രീസറില്‍ വച്ച മാട്ടിറച്ചിയാണ് ഉപയോഗിയ്ക്കുന്നതെങ്കില്‍ ഇത് പാകം ചെയ്യും മുന്‍പ് തണുപ്പ് മാറാന്‍ അനുവദിയ്ക്കുക. അതായത് റൂം ടെമ്പറേച്ചറിലേയ്ക്കു കൊണ്ടുവരിക. ഇങ്ങനെ ചെയ്യുമ്പോള്‍ ഇത് നല്ലപോലെ വേവുകയും ചെയ്യും.

ഗ്രില്‍

മാട്ടിറച്ചി ഗ്രില്‍ ചെയ്യുന്നതാണ് ഏറ്റവും ആരോഗ്യകരമായ വഴി. ഇത് കൊഴുപ്പു കുറയ്ക്കാനുള്ള നല്ലൊരു വഴിയാണ്.

കുറഞ്ഞ തീയില്‍

കുറഞ്ഞ തീയില്‍ മാട്ടിറച്ചി വേവിയ്ക്കുക. ഇത് ആരോഗ്യകരമായ ഒരു പാചകരീതിയാണ്. വേവാന്‍ അല്‍പം കൂടുതല്‍ നേരമെടുത്തേക്കാം. എങ്കിലും നല്ല പോലെ വേവിച്ച ശേഷമാണ് കഴിയ്ക്കുന്നതെന്നുറപ്പിയ്ക്കാം.