സ്തനവലിപ്പം ആരോഗ്യപ്രശ്‌നങ്ങളുണ്ടാക്കും

നടുവേദന

സ്തനവലിപ്പം കൂടുതലുള്ളവര്‍ക്ക് നടുവേദന പതിവാണ്. സ്തനങ്ങള്‍ നട്ടെല്ലില്‍ ആയാസമേല്‍പ്പിയ്ക്കുന്നതാണ് ഇതിന് കാരണം.

കഴുത്ത്, ഷോള്‍ഡര്‍ വേദന

നടുവേദന മാത്രമല്ല, കഴുത്ത്, ഷോള്‍ഡര്‍ തുടങ്ങിയ ശരീരഭാഗങ്ങളിലും സ്തനവലിപ്പം കൂടുതലെങ്കില്‍ വേദന അനുഭവപ്പെടാറുണ്ട്.

മരവിപ്പ്

സ്തനവലിപ്പം നടുവിനും ഷോള്‍ഡറിനും ആയാസമാകുന്നതു കൊണ്ടുതന്നെ പലപ്പോഴും നാഡികള്‍ക്ക് ക്ഷതങ്ങള്‍ വരുത്താറുണ്ട്. ഇതുവഴി പലപ്പോഴും കൈകളിലും വിരലുകളിലുമെല്ലാം മരവിപ്പ് അനുഭവപ്പെടാറുമുണ്ട്.

ചര്‍മം

വലിപ്പമുള്ള സ്തനങ്ങളെങ്കില്‍ ഇവയെ സപ്പോര്‍ട്ട് ചെയ്യാന്‍ കട്ടിയുള്ള സ്ട്രാപ്പുള്ള ബ്രാകളും അത്യാവശ്യമാണ്. ഇത് ചര്‍മത്തില്‍ പാടുകളും സ്‌ട്രെച്ച് മാര്‍ക്കുകളും ഉണ്ടാക്കാന്‍ ഇടയുണ്ട്. പ്രത്യേകിച്ച് മാറിടത്തിനടിയില്‍.

ശ്വസന പ്രശ്‌നങ്ങള്‍

ഇത്തരക്കാര്‍ക്ക് ശ്വസിയ്ക്കുവാന്‍ പ്രയാസമനുഭവപ്പെടുന്നതും സാധാരണണാണ്. കാരണം സ്തനങ്ങള്‍ നെഞ്ചിന് ആയാസം നല്‍കും. ഇത് ശ്വസന പ്രശ്‌നങ്ങള്‍ ഉണ്ടാക്കും.

ഉറക്കം

സൗകര്യപ്രദമായ പൊസിഷനുകളില്‍ കിടക്കാനും സ്തനവലിപ്പം തടസമാണെന്നു വരുന്നു. ഇത് ചിലപ്പോഴെങ്കിലും ഉറക്കത്തെ ബാധിയ്ക്കുകയും ചെയ്യും.

മാനസിക പ്രശ്‌നങ്ങള്‍

പല സ്ത്രീകള്‍ക്കും സ്തനവലിപ്പം വൈകാരിക പ്രശ്‌നങ്ങള്‍ സൃഷ്ടിയ്ക്കാറുണ്ട്. പലരും ഇതേക്കുറിച്ച് ബോധവതികളായിരിക്കും. ഇത് പലരിലും അപകര്‍ഷതാബോധത്തിനും ഇടയാക്കാറുണ്ട്. വലിപ്പമുള്ള മാറിടങ്ങള്‍ ചിലപ്പോഴെങ്കിലും മാനസിക പ്രശ്‌നങ്ങള്‍ വരുത്തി വയ്ക്കുമെന്നു ചുരുക്കം.