പുകവലിയ്ക്കും ആരോഗ്യഗുണങ്ങള്‍

Published: Wednesday, July 30, 2014, 11:18 [IST]

പുകവലി ആരോഗ്യത്തിനു ഹാനികരം എന്ന വാചകം വാസ്തവമാണെന്നു പുക വലിയ്ക്കുന്നവര്‍ പോലും സമ്മതിക്കും. ക്യാന്‍സറടക്കമുള്ള പല രോഗങ്ങള്‍ക്കുമുള്ള പ്രധാന കാരണമാണ് പുകവലി. ആരോഗ്യത്തെയും സൗന്ദര്യത്തെയും ഒരുപോലെ ബാധിയ്ക്കുന്ന ഒന്ന്.

എന്നാല്‍ എന്തിനും രണ്ടുപക്ഷമുള്ളപോലെ പുകവലിയ്ക്കും ഗുണങ്ങളുണ്ടെന്നാണ് പഠനഫലങ്ങള്‍. പുകവലിയുടെ ഗുണങ്ങളായി ഇവിടെ പറയുന്ന ചില കാര്യങ്ങള്‍ എന്തെന്നറിയൂ. ഇത്തരം കാര്യങ്ങള്‍ പുകവലിയ്ക്കുന്നതിനുള്ള ലൈസന്‍സല്ലെന്നു കൂടി ഓര്‍ക്കുക.

കാല്‍മുട്ടിലുണ്ടാകുന്ന പ്രശ്‌നം

പുകവലിയ്ക്കുന്നവര്‍ക്ക് കാല്‍മുട്ടിലുണ്ടാകുന്ന പ്രശ്‌നം കുറയുമെന്നാണ് ആസ്‌ത്രേലിയയിലെ യൂണിവേഴ്‌സിറ്റി ഓഫ് അഡിലെയ്ഡ് നടത്തിയ പഠനത്തില്‍ തെളിഞ്ഞത്.

പുകവലിയ്ക്കുന്നവര്‍ താരതമ്യേന തടി കുറഞ്ഞവരായിരിയ്ക്കും. ഇവര്‍ക്ക് ജോഗിംഗ് ആവശ്യമായി വരില്ല. എന്നാല്‍ പുകവലിയ്ക്കാത്തവരെങ്കിലും തടിയുള്ളവര്‍ കൂടുതല്‍ നടക്കുകയും ഓടുകയും ചെയ്യും. തടി കുറയ്ക്കാനായി തന്നെ. ഇത് നീ റീപ്ലേസ്‌മെന്റ് സര്‍ജറിയിലേയ്ക്കു നയിക്കുമെന്നാണ് പഠനഫലം.

പാര്‍ക്കിന്‍സണ്‍സ് ഡിസീസ്

ഹാര്‍വാര്‍ഡ് യൂണിവേഴ്‌സിറ്റി നട്ത്തിയ പഠനത്തില്‍ പുകവലിയ്ക്കുന്നവര്‍ക്ക് പാര്‍ക്കിന്‍സണ്‍സ് ഡിസീസ് ഉണ്ടാകാനുള്ള സാധ്യത കുറവാണെന്നു തെളിഞ്ഞിട്ടുണ്ട്.

തടി

പുകവലിയ്ക്കുന്നവരിലെത്തുന്ന നിക്കോട്ടില്‍ ബ്രെയിനിലെ ഹൈപ്പോതലാമസിനെ ബാധിയ്ക്കുകയും പൊതുവെ വിശപ്പു കുറയ്ക്കുവാന്‍ സഹായിക്കുകയും ചെയ്യുന്ന ഒരു ഘടകമാണ്. ഭക്ഷണത്തിന്റെ രുചി കുറയ്ക്കുവാനും ഇത് സഹായിക്കും. ഇത് തടി കുറയ്ക്കാന്‍ സഹായിക്കുമെന്നാണ് പല പഠനങ്ങളും പറയുന്നത്.

ഹാര്‍ട്ട് അറ്റാക്

പുകവലിയ്ക്കാരില്‍ ഹാര്‍ട്ട് അറ്റാക് മൂലമുള്ള മരണങ്ങള്‍ കുറയുമെന്നു തെളിഞ്ഞിട്ടുണ്ട. പുകവലിക്കാത്തവരില്‍ ഹൃദയാഘാതം മൂലമുള്ള മരണങ്ങളേക്കാള്‍ പുക വലിയ്ക്കുന്നവരില്‍ മരണസംഖ്യ കുറവാണെന്നാണ് പഠനങ്ങള്‍ പറയുന്നത്.

മരുന്ന്

ക്ലോപിഡോഗ്രല്‍ എന്ന മരുന്ന് ഹൃദയസംബന്ധമായ പ്രശ്‌നങ്ങളുള്ളവരില്‍ പ്രയോഗിയ്ക്കുന്ന ഒന്നാണ്. ഇതിന്റെ പ്രവര്‍ത്തനം നല്ല രീതിയില്‍ നടക്കുന്നതിന് പുകവലി സഹായിക്കുമെന്ന് കൊറിയന്‍ സയന്റിസ്റ്റുകള്‍ നടത്തിയ പഠനത്തില്‍ തെളിഞ്ഞിട്ടുണ്ട്.