ക്യാന്‍സര്‍ തടയും വ്യായാമങ്ങള്‍

Published: Wednesday, February 26, 2014, 12:06 [IST]

ഇന്നത്തെ കാലത്ത് ആളുകള്‍ ഏറ്റവും കൂടുതല്‍ ഭയക്കുന്ന ഒരു രോഗമാണ് ക്യാന്‍സര്‍. തുടക്കത്തില്‍ കണ്ടെത്തി ചികിത്സിച്ചില്ലെങ്കില്‍ മരണകാരണമായേക്കാവുന്ന ഒരു രോഗമെന്നതു തന്നെയാണ് ഇതിന്റെ തീവ്രത വര്‍ദ്ധിപ്പിയ്ക്കുന്നതും.

ക്യാന്‍സറിന് ഭക്ഷണവും ജീവിതശീലങ്ങളുമുള്‍പ്പെടെ പല കാര്യങ്ങളും കാരണങ്ങളായി പറയാറുണ്ട്. ഇവയില്‍ നിയന്ത്രണങ്ങള്‍ വരുത്തുന്നത് ക്യാന്‍സറിനെ തടയാന്‍ സഹായിക്കുകയും ചെയ്യും.

വ്യായാമം ക്യാന്‍സര്‍ തടയാനുള്ള വഴികളിലൊന്നാണ്. കാരണം ഭക്ഷണവും മദ്യപാനം പോലുള്ള ശീലങ്ങളും വഴിയുണ്ടാകുന്ന പല ദോഷങ്ങളും ക്യാന്‍സറിനു കാരണമാകുന്നതു തടയാന്‍ സാധിയ്ക്കും.

ക്യാന്‍സര്‍ തടയാന്‍ സഹായിക്കുന്ന ചില പ്രത്യേക വ്യായാമങ്ങളുണ്ട്. ഇവയേതൊക്കെയെന്നു നോ്ക്കൂ,

നടക്കുന്നത്‌

ദിവസവും നടക്കുന്നത് ക്യാന്‍സര്‍ തടയാന്‍ സഹായിക്കുന്ന ഏറ്റവും ലളിതമായ വ്യായാമമുറയാണെന്നു പറയാം. ഇത് ശരീരത്തിന് ആരോഗ്യം നല്‍കും.

ജോഗിങ്

ജോഗിങ് ശരീരം വിയര്‍പ്പിയ്ക്കുന്ന ഒരു വ്യായാമമാണ്. ശരീരം വിയര്‍ക്കുന്നതിലൂടെ ക്യാന്‍സറിന് കാരണമാകുന്ന ടോക്‌സിനുകള്‍ ശരീരത്തില്‍ നിന്നും പുറന്തള്ളപ്പെടുന്നു.

നീന്തുന്നത്

ദിവസവും നീന്തുന്നത് ശരീരത്തിലെ എല്ലാ അവയവങ്ങള്‍ക്കും ആരോഗ്യം നല്‍കുന്ന ഒന്നാണ്. ഇത് ക്യാന്‍സര്‍ തടയുവാന്‍ സഹായിക്കും.

സൈക്കിള്‍ ചവിട്ടുന്നത്‌

സൈക്കിള്‍ ചവിട്ടുന്നതാണ് ക്യാന്‍സര്‍ തടയാനുള്ള മറ്റൊരു വ്യായാമം. ഇതു ചെയ്യുന്നതിലൂടെ ശരീരം വിയര്‍ക്കുക മാത്രമല്ല, ശരീരത്തിലേയ്ക്ക് ശുദ്ധവായു എത്തിച്ചേരുകയും ചെയ്യും.

തായ് ചി

തായ് ചി എന്നൊരു ചൈനീസ് കായികാഭ്യാസമുണ്ട്. ശരീരത്തിലെ അവയവങ്ങള്‍ അനക്കുകയും ശ്വസനക്രിയയും വഴി അഭ്യസിയ്ക്കുന്ന ഒന്ന്. ക്യാന്‍സര്‍ തടയാന്‍ സഹായിക്കുന്ന ഒരു വ്യായാമമുറയാണിത്.

ഹൈക്കിംഗ്

സ്‌ട്രെസ് ഒഴിവാക്കുന്നതിനും ഇതുവഴി ക്യാന്‍സറിനെ തടയുന്നതിനുമുള്ള ഒന്നാണ് ഹൈക്കിംഗ്. ഒരു വിനോദോപാധി എന്നതിലുപരി ക്യാന്‍സറിനെ ചെറുക്കുവാന്‍ പറ്റിയ നല്ലൊരു വ്യായാമം.