കാഴ്ച വര്‍ദ്ധിപ്പിയ്ക്കാന്‍ ചില വ്യായാമങ്ങള്‍

ടു ഡോട്ട് വിഷന്‍

ടു ഡോട്ട് വിഷന്‍ എന്ന വ്യായാമമുണ്ട്. ചുവരില്‍ നിന്നും 10 അടി അകലത്തില്‍ ഇരുന്ന് ഇടതു, വലതു വശങ്ങളിലായി അര മീറ്റര്‍ അകലത്തില്‍ രണ്ടു ബിന്ദുക്കളുണ്ടെന്നു സങ്കല്‍പ്പിയ്ക്കുക. ഇങ്ങനെ സങ്കല്‍പ്പിയ്ക്കാന്‍ ബുദ്ധിമുട്ടാണെങ്കില്‍ രണ്ടു കു്ത്തുകളോ അടയാളങ്ങളോ ചുവരില്‍ രേഖപ്പെടുത്താം. ഒരു ബിന്ദുവിലേയ്ക്ക് 5-6 സെക്കന്റ് നേരം നോക്കുക. പിന്നീട് മറ്റേതിലേയ്ക്കു നോക്കാം. ഇത് മൂന്നു മിനിറ്റ് മാറി മാറി ചെയ്യുക. ഇതിനു ശേഷം കണ്ണടച്ച് റിലാക്‌സ് ചെയ്യാം.

നമ്പര്‍ ഗെയിം വ്യായാമങ്ങള്‍

കണ്ണിന്റെ മസിലുകള്‍ ശക്തിപ്പെടുത്താന്‍ നമ്പര്‍ ഗെയിം വ്യായാമങ്ങള്‍ ചെയ്യാം. ഒരു പേപ്പറില്‍ വലുതായും മറ്റൊരു പേപ്പറില്‍ ചെറുതായും നമ്പറുകള്‍ പ്രിന്റ് ചെയ്യുക. ഇവ ചുവരില്‍ പതിപ്പിച്ചു വയ്ക്കുക. ആദ്യം വലിയ നമ്പറുകള്‍ വായിയ്ക്കുക. പിന്നീട് ചെറിയ ചെറിയ നമ്പറുകളും. ഇത് മാറി മാറി ചെയ്യുന്നത് കാഴ്ച തെളിയാന്‍ സഹായിക്കും.

മുഖം പൊത്തുക

കൈകള്‍ കൊണ്ട് മുഖം പൊത്തുക. വളരെ മൃദുവായി കണ്ണിന് ക്ഷതമേല്‍പ്പിയ്ക്കാത്ത വിധം വേണം ഇങ്ങനെ ചെയ്യാന്‍. ഒരു തരി വെളിച്ചം പോലും വരരുത്. ഈ ഇരുട്ടിലേയ്ക്ക് കണ്ണു തുറന്ന് ഫോക്കസ് ചെയ്ത് ദീര്‍ഘശ്വാസം എടുക്കുക. ഇത് ദിവസവും മൂന്നു മിനിറ്റു വീതം ചെയ്യണം.

തുറന്നടയ്ക്കുക

കണ്ണുകള്‍ 10-15 തവണ അടുപ്പിച്ചു തുറന്നടയ്ക്കുക. ഇത് കണ്ണിന്റെ കാഴ്ചയ്ക്കു നല്ലതാണ്. കമ്പ്യൂട്ടര്‍, ടിവി എന്നിവ കൂടുതല്‍ ഉപയോഗിയ്ക്കുന്നവര്‍ പ്രത്യേകം ചെയ്യേണ്ട ഒരു വ്യായാമമാണിത്.

മസാജ്

കണ്ണുകള്‍ അടച്ചു പിടിച്ച് പതുക്കെ മസാജ് ചെയ്യുക. വളരെ മൃദുവായി വൃത്താകൃതിയില്‍ വേണം ഇങ്ങനെ ചെയ്യാന്‍. ഇത് ക്ണ്ണുകളിലേയ്ക്കുള്ള രക്തപ്രവാഹം വര്‍ദ്ധിപ്പിയ്ക്കും.

അടച്ചു, തുറന്നു

കണ്ണുകള്‍ 5-6 സെക്കന്റ് അടച്ചു പിടിയ്ക്കുക. പിന്നീട് ഇത്രയും സമയം കണ്ണുകള്‍ തുറന്നും പിടിയ്ക്കുക. ഇത് ദിവസം 10 തവണയെങ്കിലും ചെയ്യുക.