ആരോഗ്യത്തിന് ചില ആയുര്‍വേദ വഴികള്‍

മുഖക്കുരു

വെളുത്തുള്ളി ചതച്ച് മുഖക്കുരുവിന് മുകളില്‍ പുരട്ടുക. സെന്‍സിറ്റീവായ ചര്‍മമുള്ളവരെങ്കില്‍ വെളുത്തുള്ളി തൈരില്‍ കലക്കി പുരട്ടാം. മല്ലിയില അരച്ചതും ഒരു നുള്ള് മഞ്ഞള്‍പ്പൊടിയും ചേര്‍ത്ത് മുഖക്കുരുവിന പരിഹാരമായി ഉപയോഗിക്കാം.

മുടി

മുടിയുടെ വളര്‍ച്ചയ്ക്കും ആയുര്‍വേദപ്രകാരം വഴിയുണ്ട്. വെളിച്ചെണ്ണ, ഭൃംഗരാജ തൈലം, റോസ്‌മേരി തൈലം എ്ന്നിവ കലര്‍ത്തി തലയോടില്‍ മസാജ് ചെയ്യാം. കറ്റാര്‍ വാഴ തലയില്‍ തേയ്ക്കുന്നതും മുടിവളര്‍ച്ചയെ സഹായിക്കുമെന്ന് ആയുര്‍വേദം പറയുന്നു.

പ്രമേഹം

നെല്ലിക്ക, പാവയ്ക്ക എന്നിവയുടെ ജ്യൂസ് കലര്‍ത്തി രണ്ടുമാസം അടുപ്പിച്ചു കുടിയ്ക്കുക. ഇത് പ്രമേഹത്തിനുള്ള നല്ലൊരു പരിഹാരമാണ്. 10 തുളസിയില, 10 ആര്യവേപ്പില എന്നിവ ഒരു ഗ്ലാസ് വെള്ളത്തിലിട്ടു വച്ച് കുടിയ്ക്കുന്നതും പ്രമേഹത്തിനുള്ള നല്ലൊരു മരുന്നാണ്.

തേന്‍

ചെറുനാരങ്ങാനീരില്‍ തേന്‍ കലര്‍ത്തി കുടിയ്ക്കുന്നത് ആയുര്‍വേദപ്രകാരം തടി കുറയാനുള്ള നല്ലൊരു വഴിയാണ്. ഇത് രാവിലെ വെറുവയറ്റില്‍ കുടിയ്ക്കുന്നതാണ് കൂടുതല്‍ ഉത്തമം.

വാത വേദന

ഒരു കപ്പ് കടുകെണ്ണയില്‍ 10 ഗ്രാം കര്‍പ്പൂരം കലര്‍ത്തി ചൂടാക്കുക. വാതരോഗം മൂലമുള്ള വേദന ശമിയ്ക്കാന്‍ ഇത് ഏറെ നല്ലതാണ്.

കോള്‍ഡ്

ഒരു കപ്പ് ചൂടുള്ള പാലില്‍ അല്‍പം മഞ്ഞള്‍പ്പൊടി, കുരുമുളകുപൊടി എ്ന്നിവ കലര്‍ത്തി കുടിയ്ക്കുക. ഇത് കോള്‍ഡ് പോലുള്ള രോഗങ്ങള്‍ അകറ്റാന്‍ സഹായിക്കും. പെരുഞ്ചീരകം ചൂടാക്കി ഒരു കിഴി കെട്ടി നല്ലപോലെ മണക്കുന്നതും നല്ലതാണ്.

അസിഡിറ്റി

2 ഏലയ്ക്ക് ചതച്ച് 250 മില്ലി വെള്ളത്തില്‍ കലക്കി തിളപ്പിച്ചൂറ്റി കുടിയ്ക്കുന്നത് അസിഡിറ്റി കുറയ്ക്കും. തുളസിയില ചവച്ചു തിന്നുന്നതും തണുത്ത പാല്‍ കുടിയ്ക്കുന്നതും അസിഡിറ്റിയ്ക്കുള്ള മറ്റ് ആയുര്‍വേദ പരിഹാരങ്ങളാണ്.

ആസ്തമ

വെളുത്തുള്ളി ചതച്ചു പിഴിഞ്ഞ് ഇതില്‍ അല്‍പം ചൂടുവെള്ളം കലര്‍ത്തി കുടിയ്ക്കുന്നത് ആസ്തമയ്ക്കുള്ള ആയുര്‍വേദ പരിഹാരമാണ്. സവാള നീരില്‍ തേന്‍, കുരുമുളകുപൊടി എന്നിവ കലര്‍ത്തി കുടിയ്ക്കുന്നതും നല്ലതാണ.്

നല്ല ചര്‍മം

മഞ്ഞള്‍പ്പൊടി, നെല്ലിക്കാനീര്, ആര്യവേപ്പിലയുടെ നീര് എന്നിവ കലര്‍ത്തി കുടിയ്ക്കുന്നത് രക്തചംക്രമണം വര്‍ദ്ധിപ്പിയ്ക്കും. നല്ല ചര്‍മം ലഭിയ്ക്കും.

മലബന്ധം

രാത്രി കിടക്കും മുന്‍പ് ഒരു ഗ്ലാസ് ഇളം ചൂടുവെള്ളത്തില്‍ തേന്‍ കലര്‍ത്തി കുടിയ്ക്കുക. ഇത് മലബന്ധം മാറ്റും. രാവിലെ വെറുംവയറ്റില്‍ ഒരു ആപ്പിള്‍ കഴിയ്ക്കുക. ഇത് കടിച്ചു തന്നെ ചവയ്ക്കുക. കത്തി കൊണ്ടോ മറ്റോ കഷ്ണങ്ങളാക്കരുത്. ഇതും മലബന്ധം മാറ്റും.