ഭക്ഷ്യവിഷബാധ തടയൂ

മാംസം

മാംസാഹാരങ്ങളാണ് പലപ്പോഴും ഭക്ഷ്യവിഷബാധയ്ക്ക് ഇട വരുത്താറ്. ഇവ വാങ്ങുമ്പോള്‍ പഴകിയതല്ലെന്നുറപ്പു വരുത്തണം.

പാലും വെള്ളവും

പാലും വെള്ളവും നല്ലപോലെ തിളപ്പിച്ച ശേഷം മാത്രം ഉപയോഗിയ്ക്കുക.

മുട്ട

മുട്ടയും നല്ലപോലെ വേവിയ്ക്കണം. താറാവിന്റെ മുട്ട 10 മിനിറ്റെങ്കിലും വേവിച്ച ശേഷം മാത്രം ഉപയോഗിയ്ക്കുക.

പച്ചക്കറി

പച്ചക്കറികളും ഇറച്ചിയുമെല്ലാം നല്ലപോലെ കഴുകിയ ശേഷം ഉപയോഗിയ്ക്കുക. പച്ചക്കറികളിലെ കീടനാശിനികള്‍ നീക്കം ചെയ്യുവാനും ഇത് നല്ലതാണ്.

ഇറച്ചി നല്ലപോലെ വേവിയ്ക്കുക

ഇറച്ചിയിലും മറ്റും ഭക്ഷ്യവിഷബാധയ്ക്കിട വരുത്തുന്ന സാല്‍മൊണെല്ല വളരാന്‍ സാധ്യത കൂടുതലാണ്. ഇവ നല്ലപോലെ വേവിയ്ക്കുകയെന്നതാണ് ഇത്തരം പ്രശ്‌നങ്ങള്‍ ഒഴിവാക്കാനുള്ള ഒരു വഴി. ഇവ നല്ലപോലെ വേവിയ്ക്കണം.

അന്നന്നേയ്ക്കുള്ള ഭക്ഷണം

അന്നന്നേയ്ക്കുള്ള ഭക്ഷണം മാത്രം പാചകം ചെയ്യുക. ഭക്ഷണം ഫ്രിഡ്ജില്‍ വച്ചു കഴിയ്ക്കുന്ന ശീലം കഴിവതും ഉപേക്ഷിയ്ക്കുക.

ഫ്രിഡ്ജില്‍ നിന്നെടുത്ത ഭക്ഷണം

ഫ്രിഡ്ജില്‍ നിന്നെടുത്ത ഭക്ഷണം ചൂടാക്കാതെ ഉപയോഗിയ്ക്കരുത്. ഒരിക്കല്‍ ചൂടാക്കിയ ഭക്ഷണം ഫ്രിഡ്ജില്‍ വീണ്ടും വയ്ക്കുകയുമരുത്. മുറിയിലെ ചൂടിലെത്തിയ ശേഷം മാത്രം ഭക്ഷണം ചൂടാക്കുക.

ശുചിത്വം

ഭക്ഷണം വയ്ക്കുന്നവരും വിളമ്പുന്നവരുമെല്ലാം ശുചിത്വം പാലിയ്ക്കണം.

കൈ കഴുകുക

നല്ലപോലെ കൈ കഴുകിയ ശേഷം മാത്രം ഭക്ഷണം പാകം ചെയ്യുകയും വിളമ്പുകയും കഴിയ്ക്കുകയും ചെയ്യുക.