പുരുഷ വന്ധ്യത അകറ്റാന്‍ പച്ചക്കറികള്‍

1. ഇലക്കറികള്‍

അടിസ്ഥാന പോഷകങ്ങളും, വിറ്റാമിനുകളും, ധാതുക്കളും സമൃദ്ധമായി അടങ്ങിയതാണ് ഇലക്കറികള്‍. ചീര, കടുക്, കാബേജ് തുടങ്ങിയവയൊക്കെ പോഷകസമ്പന്നവും ബീജത്തിന്‍റെ കരുത്ത് കൂട്ടുന്നവയുമാണ്.

2. കാരറ്റ്

കണ്ണിന്‍റെ ആരോഗ്യത്തിന് ഏറെ ഗുണകരമായ കാരറ്റ് ബീജത്തിന്‍റെ അളവ് വര്‍ദ്ധിപ്പിക്കാനും ഉത്തമമാണ്. ഹാവാര്‍ഡ് യൂണിവേഴ്സിറ്റിയിലെ സ്കൂള്‍ ഓഫ് പബ്ലിക് ഹെല്‍ത്തിന്‍റെ കണ്ടെത്തലനുസരിച്ച് കാരറ്റിന് ബീജത്തിന്‍റെ കരുത്ത് വര്‍ദ്ധിപ്പിക്കാന്‍ മികച്ച കഴിവുണ്ട്.

3. ഓറഞ്ച്

തെളിഞ്ഞ നിറമുള്ള പച്ചക്കറികളും പഴങ്ങളും പുരുഷന്‍റെ പ്രത്യുത്പാദന ശേഷി വര്‍ദ്ധിപ്പിക്കാന്‍ കഴിവുള്ളതാണ്. ഓരോ നിറമുള്ള പഴങ്ങള്‍ക്കും അവയുടേതായ ആരോഗ്യമേന്മകളുണ്ട്. വിറ്റാമിന്‍ സി യാല്‍ സമ്പന്നമായ ഓറഞ്ച് ആന്‍റി ഓക്സിഡന്‍റിനാല്‍ സമ്പന്നമാണ്. അത് പ്രത്യുത്പാദനശേഷി വര്‍ദ്ധിപ്പിക്കാന്‍ സഹായിക്കും.

4. ധാന്യങ്ങള്‍

തവിട് നീക്കിയ ധാന്യങ്ങള്‍ക്ക് പകരം ധാന്യങ്ങള്‍ മുഴുവനുമായും ഉപയോഗിക്കുന്നത് ഏറെ ആരോഗ്യപ്രദമാണ്. ഇത് വഴി രക്തസമ്മര്‍ദ്ധവും ഇന്‍സുലിന്‍ നിലയും നിയന്ത്രണവിധേയമാക്കാനാവും. ഇന്‍സുലിന്‍ സാധാരണ നിലയിലാണെങ്കില്‍ ഹോര്‍മോണ്‍ നിലയും സാധാരണമായിരിക്കും. ഇത് പ്രത്യുദ്പാദനശേഷി വര്‍ദ്ധിപ്പിക്കാന്‍ സഹായിക്കും.

5. ബട്ടര്‍ ഫ്രൂട്ട്, ബദാം

അവൊക്കാഡോ അഥവാ ബട്ടര്‍ ഫ്രൂട്ടും ബദാമും ഏറെ ഫലം നല്കുന്നവയാണ്. ഇവയിലടങ്ങിയ കൊഴുപ്പ് ആരോഗ്യകരമാണ്. ട്രാന്‍സ്ഫാറ്റില്‍ നിന്ന് വ്യത്യസ്ഥമായി മോണോസാച്ചുറേറ്റഡ് ഫാറ്റാണ് ഇതിലുള്ളത്. ഇത് ശരീരത്തിലെ ഇന്‍സുലിന്‍റെ അളവ് നിയന്ത്രിക്കും. ഇത് വഴി ഹോര്‍മോണ്‍ നിലയും പാലിക്കപ്പെടുകയും പ്രത്യുത്പാദന ശേഷി വര്‍ദ്ധിക്കുകയും ചെയ്യും.

6. പയര്‍, ചീര

ലൈംഗികശേഷി വര്‍ദ്ധിപ്പിക്കുന്ന ഫോളിക് ആസിഡ് സമൃദ്ധമായി അടങ്ങിയവയാണ് പയറും ചീരയും. ബീജസംഖ്യ വര്‍ദ്ധിപ്പിക്കാന്‍ ഫോളിക് ആസിഡ് ആവശ്യമാണ്. പ്രകൃതിദത്തമായി ഫോളിക് ആസിഡ് അടങ്ങിയ സാധനങ്ങള്‍ കഴിക്കുന്നത് വഴി പ്രത്യുദ്പാദന ശേഷിയും വര്‍ദ്ധിക്കും.

7. മുളപ്പിച്ച പയര്‍വര്‍ഗ്ഗങ്ങളും, പച്ചക്കറികളും

വേവിക്കാത്ത പച്ചക്കറികളിലും പയര്‍ വര്‍ഗ്ഗങ്ങളിലുമുള്ളതിനേക്കാള്‍ 100 ഇരട്ടി എന്‍സൈമുകള്‍ അടങ്ങിയതാണ് മുളപ്പിച്ചവ. ആന്‍റി ഓക്സിഡന്‍റുകളും പ്രോട്ടീനുകളും സമൃദ്ധമായി അടങ്ങിയ ഇവ പ്രത്യുത്പാദന ശേഷി വര്‍ദ്ധിപ്പിക്കാന്‍ ഏറെ ഫലപ്രദമാണ്.

8. സ്ട്രോബെറി

വിറ്റാമിന്‍ സി യാല്‍ സമ്പുഷ്ടമായ ഈ പഴം പുരുഷന്മാരിലെ പ്രത്യുത്പാദനശേഷി വര്‍ദ്ധിപ്പിക്കാന്‍ കഴിവുള്ളതാണ്. പഠനങ്ങള്‍ പറയുന്നതനുസരിച്ച് പുരുഷന് പ്രത്യുത്പാദന ശേഷി വര്‍ദ്ധിക്കാന്‍ ദിവസം 90 മില്ലിഗ്രാമെങ്കിലും വിറ്റാമിന്‍ സി ആവശ്യമാണ്.