ഓഫീസിലെ ഉറക്കംതൂങ്ങല്‍ ഒഴിവാക്കൂ

Published: Tuesday, October 15, 2013, 13:21 [IST]

ഉച്ചഭക്ഷണം കഴിഞ്ഞാല്‍ ഓഫീസിലിരുന്ന് ഉറക്കം തൂങ്ങുന്നത് പലരുടേയും പതിവാണ്. ഇത് പലരുടേയും ജോലിയെ ബാധിയ്ക്കാറുമുണ്ട്.

പലപ്പോഴും ഭക്ഷണശീലങ്ങളാണ് ഇത്തരം ഓഫീസ് മയക്കത്തിനു കാരണമാകാറ്. രാത്രിയില്‍ ശരിയായി ഉറക്കം ലഭിയ്ക്കാത്തതും ക്ഷീണവുമെല്ലാം ഓഫീസിലിരുന്നു മയങ്ങുന്നതിനുള്ള മറ്റു ചില കാരണങ്ങളാകാം.

ഓഫീസിലെ ഉച്ചമയക്കത്തില്‍ നിന്നും വിടുതല്‍ വേണമെന്നുണ്ടോ, താഴെപ്പറയുന്ന വഴികള്‍ പരീക്ഷിച്ചു നോക്കൂ,

ലഘുവായി ഭക്ഷണം

ലഘുവായി ഭക്ഷണം കഴിയ്ക്കുയെന്നത് ഓഫീസിലെ ഉച്ചയുറക്കം ഒഴിവാക്കാനുള്ള ഒരു പ്രധാന വഴിയാണ്. ആരോഗ്യദായകമായ ഭക്ഷണം കുറഞ്ഞ അളവില്‍ ആരോഗ്യദായകമായ ഭക്ഷണം കഴിയ്ക്കുകയെന്നതാണ് വഴി.

പാട്ടു കേള്‍ക്കുക

ഉറക്കം വരുമ്പോള്‍ അല്‍പനേരം പാട്ടു കേള്‍ക്കുക. ഉറക്കം വരുത്തുന്ന പാട്ടല്ലാതെ പോപ്പ് മ്യൂസിക് പോലുള്ളവ കേള്‍ക്കുന്നത് ഉറക്കം തൂങ്ങുന്നത് ഒഴിവാക്കും.

സ്‌ട്രെച്ചിംഗ് വ്യായാമങ്ങള്‍

സ്‌ട്രെച്ചിംഗ് വ്യായാമങ്ങള്‍ ചെയ്യുക. കൈകളും നടുവും നിവര്‍ത്തുക, ഇരുഭാഗത്തേയ്ക്കും തല തിരിയ്ക്കുക തുടങ്ങിയവ ചെയ്യുന്നത് ആരോഗ്യം നല്‍കും, ഉറക്കം ഒഴിവാക്കുകയും ചെയ്യും.