സ്തനാര്‍ബുദ സാധ്യത കുറയ്ക്കാം

സ്തനാര്‍ബുദ സാധ്യത കുറയ്ക്കാം

വ്യായാമം സ്താര്‍ബുദ സാധ്യത കുറയ്ക്കുന്ന ഒന്നാണ്. സ്ഥിരമായി വ്യായാമം ചെയ്യുന്ന സ്ത്രീകളില്‍ സ്തനാര്‍ബുദ സാധ്യത മറ്റുള്ളവരേക്കാള്‍ 50 ശതമാനത്തോളം കുറവാണെന്ന് പഠനങ്ങള്‍ തെളിയിച്ചിട്ടുണ്ട്. ആഴ്ചയില്‍ അഞ്ചു ദിവസമെങ്കിലും അര മണിക്കൂര്‍ നടക്കുന്നത് സ്തനാര്‍ബുദ സാധ്യത 18 ശതമാനം കുറയുമെന്ന് പഠനങ്ങള്‍ പറയുന്നു.

സ്തനാര്‍ബുദ സാധ്യത കുറയ്ക്കാം

തടി കൂടുന്നതും സ്തനാര്‍ബുദ സാധ്യത കൂട്ടുന്ന ഒന്നാണ്. മെനോപോസ് ആകുന്നതിനു മുന്‍പ് ഈസ്ട്രജന്‍ ഹോര്‍മോണ്‍ സ്തനാര്‍ബുദ സാധ്യത കുറയ്ക്കുമെങ്കിലും നാല്‍പതുകള്‍ക്ക് ശേഷം തടി സ്തനാര്‍ബുദത്തിന് കാരണമാകും.

സ്തനാര്‍ബുദ സാധ്യത കുറയ്ക്കാം

സതനാര്‍ബുദ സാധ്യത വര്‍ദ്ധിപ്പിക്കുന്നതില്‍ എണ്ണകള്‍ക്ക് പ്രത്യേക പങ്കുണ്ട്. കഴിവതും എണ്ണ ഒഴിവാക്കുക. എണ്ണകള്‍ ഉപയോഗിക്കുകയാണെങ്കില്‍ തന്നെ ഒലീവ് ഓയില്‍ പോലുള്ളവ ഉപയോഗിക്കുന്നതാണ് കൂടുതല്‍ നല്ലത്.

സ്തനാര്‍ബുദ സാധ്യത കുറയ്ക്കാം

പഴങ്ങളിലും പച്ചക്കറികളിലുമുള്ള കരോട്ടിനുകള്‍ സ്തനാര്‍ബുദ സാധ്യത കുറയ്ക്കുന്നതില്‍ പ്രത്യേക പങ്കു വഹിയ്ക്കുന്നുണ്ട്. കരോട്ടിന്റെ അംശം കുറവാണെങ്കില്‍ ഇത് സ്തനാര്‍ബുദ സാധ്യത രണ്ടിരട്ടിയാക്കും.

സ്തനാര്‍ബുദ സാധ്യത കുറയ്ക്കാം

സോയ ഉല്‍പന്നങ്ങള്‍ സ്തനാര്‍ബുദ സാധ്യത കുറയ്ക്കുന്നുണ്ട്. ഇവയിലെ ഫൈറ്റോഈസ്ട്രജനുകളാണ് ഈ ഗുണം നല്‍കുന്നത്. സോയ മില്‍ക് കുടിയ്ക്കുന്നതും ടോഫു പോലു്ള്ളവ കഴിയ്ക്കുന്നതും ഗുണം ചെയ്യും.

സ്തനാര്‍ബുദ സാധ്യത കുറയ്ക്കാം

സ്തനാര്‍ബുദ സാധ്യത കുറയ്ക്കുന്നതില്‍ മുലയൂട്ടലിന് മുഖ്യ പങ്കുണ്ട്. ഇത് ഹോര്‍മോണുകളിലുണ്ടാക്കുന്ന മാറ്റങ്ങള്‍ തന്നെ കാരണം. മുലയൂട്ടുന്ന സ്ത്രീകളില്‍ അര്‍ബുദ സാധ്യത കുറവെന്നത് പഠനങ്ങള്‍ തെളിയിച്ചിട്ടുള്ളതാണ്.

സ്തനാര്‍ബുദ സാധ്യത കുറയ്ക്കാം

പുകവലിയും സ്തനാര്‍ബുദ സാധ്യത വര്‍ദ്ധിപ്പിക്കും. ഇത് ചെറുപ്പം സ്ത്രീകളിലാണ് കൂടുതല്‍ അര്‍ബുദ സാധ്യത വര്‍ദ്ധിപ്പിക്കുന്നത്. പുകവലി ഒഴിവാക്കുന്നതാണ് ഏറ്റവും നല്ലത്.