മധുരത്തോട് 'നോ' പറയാം !

1. അളവ് കുറച്ച് കഴിക്കുക

മധുരം കഴിക്കണമെന്ന തോന്നലുണ്ടാകുമ്പോള്‍ കുറഞ്ഞ അളവില്‍ കഴിക്കാന്‍ ശ്രദ്ധിക്കുക. ഒരു ബിസ്കറ്റോ, ചോക്കലേറ്റോ കഴിക്കാം. രക്തത്തിലെ പഞ്ചസാരയുടെ അളവ് കൂടാതെ നിര്‍ത്തണമെന്നുണ്ടെങ്കില്‍ അളവ് കുറയ്ക്കാന്‍ ശ്രദ്ധിക്കണം. അധികം കഴിക്കുന്നതിന് പകരമായി ഏതാനും മിഠായികള്‍ കഴിക്കാം. ഇങ്ങനെ ചെയ്യുന്നത് വഴി പഞ്ചസാര അമിതമായി ശരീരത്തിലെത്തുകയുമില്ല, മധുരം കഴിക്കാനുള്ള ആഗ്രഹം തടയപ്പെട്ടു എന്ന തോന്നലും ഉണ്ടാവില്ല.

2. ജി.ഐ കുറഞ്ഞ ഭക്ഷണങ്ങള്‍

ജി.ഐ (ഗ്ലിസെമിക് ഇന്‍ഡക്സ്) കൂടിയ ഭക്ഷണങ്ങള്‍ ധാരാളമായി കഴിക്കുക. ഇത് സാവധാനമേ ഊര്‍ജ്ജം ആഗിരണം ചെയ്യൂ എന്നതിനാല്‍ ദിവസം മുഴുവന്‍ ഊര്‍ജ്ജസ്വലതയോടെയിരിക്കാനാവും. അണ്ടിപ്പരിപ്പുകള്‍, പുഴുക്കലരി, കൊഴുപ്പില്ലാത്ത പച്ചക്കറികള്‍, ഓട്ടസ്, പയര്‍ വര്‍ഗ്ഗങ്ങള്‍ തുടങ്ങിയവ ഇത്തരത്തിലുള്ളവയാണ്.

3. വാനില ഗന്ധം

മധുരം കഴിക്കാനുള്ള തോന്നലിനെ ചെറുക്കാന്‍ ഫലപ്രദമായ ഒരു മാര്‍ഗ്ഗമാണ് വാനിലയുടെ ഗന്ധം ശ്വസിക്കുന്നത്. വാനിലസുഗന്ധം തളിക്കുകയോ, സ്പ്രേ ചെയ്യുകയോ ചെയ്യാം. അതല്ലെങ്കില്‍ വാനിലയുടെ ഗന്ധമുള്ള എയര്‍ ഫ്രഷ്നറോ, മെഴുകുതിരിയോ ഉപയോഗിക്കാം. ഇത് മധുരം കഴിക്കാനുള്ള ആഗ്രഹത്തിന് ശമനം നല്കും.

4.സന്തോഷം

കാര്‍ബോഹൈഡ്രേറ്റുകള്‍ തലച്ചോറില്‍ സന്തോഷം ജനിപ്പിക്കുന്ന ഹോര്‍മോണായ സെറോട്ടോണിന്‍ ഉത്പാദിപ്പിക്കും. അതിനാലാണ് ക്ഷീണിച്ചും, മാനസിക സംഘര്‍ഷം അനുഭവിച്ചുമിരിക്കുമ്പോള്‍ മധുരം കഴിച്ചാല്‍ മാറ്റം വരുന്നത്. മധുരം കഴിക്കാനുള്ള ആഗ്രഹത്തെ തടയാന്‍ നാരങ്ങയോ, നെരോലി ഓയിലോ അടങ്ങിയ സുഗന്ധദ്രവ്യങ്ങള്‍ ഉപയോഗിക്കാം. അതുമല്ലെങ്കില്‍ പങ്കാളിയുമായി അല്പം പ്രണയനിമിഷങ്ങള്‍ പങ്കുവെയ്ക്കുക. നിങ്ങളുടെ മൂഡ് മാറിക്കൊള്ളും.

5. പ്രലോഭനത്തെ ചെറുക്കുക

മധുരം കഴിക്കണമെന്ന തോന്നലുണ്ടാക്കുന്ന സാഹചര്യങ്ങള്‍ ഒഴിവാക്കാന്‍ ശ്രമിക്കുക. അതിനായി സ്വന്തം വഴികള്‍ കണ്ടെത്താം. ഉദാഹരണമായി ഓഫിസിലേക്ക് കയറുന്നതിന് മുമ്പ് സ്ഥിരമായി ഒരു കോഫി കുടിക്കുന്ന ശീലമുണ്ടെങ്കില്‍ ആ കോഫി ഷോപ്പിന് മുന്നിലൂടെയുള്ള വഴിയില്‍ നിന്ന് മാറി നടക്കുക. അതുവഴി പ്രലോഭനത്തെ ചെറുക്കാം.

6. ച്യുയിങ്ങ് ഗം

മധുരം കഴിക്കാന്‍‌ തോന്നുമ്പോള്‍ ച്യുയിങ്ങ് ഗം ചവയ്ക്കുന്നത് നല്ലൊരു മാര്‍ഗ്ഗമാണ്. ഇതു വഴി ഭക്ഷണം കഴിക്കാനുള്ള തോന്നല്‍ അടക്കി നിര്‍ത്താനാവും.