തൈറോയ്ഡുണ്ടെങ്കിലും തടി കുറയ്ക്കാം

ഡയറ്റ്ചാര്‍ട്ട്

കൃത്യമായ ഒരു ഡയറ്റ്ചാര്‍ട്ട് തയ്യാറാക്കുക. കഴിയ്‌ക്കേണ്ടതും അല്ലാത്തതുമായി ഭക്ഷണങ്ങള്‍ ഉള്‍പ്പെടുത്തിയായിരിക്കണം ഇതു തയ്യാറാക്കേണ്ടത്. ഏതെല്ലാം സമയത്ത് കഴിയ്ക്കണമെന്ന കാര്യത്തെക്കുറിച്ചും ചാര്‍ട്ടിലുണ്ടാകണം.

ഇലക്കറി

ഇലക്കറികളും പച്ചനിറത്തിലുള്ള ഭക്ഷ്യവസ്തുക്കളും തൈറോയ്ഡ് പ്രശ്‌നമുള്ളവര്‍ കഴിയ്ക്കുക. ഇത് ഹോര്‍മോണ്‍ പ്രവര്‍ത്തനം കൃത്യമാക്കാന്‍ സഹായിക്കും. മാത്രമല്ല, തടി കുറയ്ക്കാന്‍ സഹായിക്കുകയും ചെയ്യും.

നാരുകളടങ്ങിയ ഭക്ഷണം

പഴം, കിവി, ഓറഞ്ച്, ആപ്പിള്‍ തുടങ്ങി നാരുകളടങ്ങിയ ഭക്ഷണം തൈറോയ്ഡ് രോഗികളുടെ ഭക്ഷ്യക്രമത്തില്‍ പ്രധാനമാണ്. ഇവ ആരോഗ്യം നല്‍കും. അതേ സമയം തടി നിയന്ത്രിക്കാന്‍ സഹായിക്കുകയും ചെയ്യും.

ബെറി

ബെറികള്‍ ആന്റിഓക്‌സിഡന്റുകള്‍ അടങ്ങിയതായതു കൊണ്ട് തടി കുറയ്ക്കാന്‍ സഹായിക്കും. ഇവ കൊഴുപ്പു കത്തിച്ചു കളയുന്നവയാണ്.

വെള്ളം

തൈറോയ്ഡ് രോഗികള്‍ ആവശ്യത്തിനു വെള്ളം കുടിയ്ക്കാന്‍ മറക്കരുത്. ഇത് അപചയപ്രക്രിയയെ സഹായിക്കും. തടി കുറയ്ക്കാന്‍ സഹായിക്കുകയും ചെയ്യും.

തവിടു കളയാത്ത ധാന്യങ്ങള്‍

തവിടു കളയാത്ത ധാന്യങ്ങള്‍ തടി കുറയ്ക്കാന്‍ സഹായിക്കും. ഇത് തൈറോയ്ഡ് രോഗികളെ സഹായിക്കുന്ന ഒരു ഘടകമാണ്.

ഫിഗ്‌

ഉണങ്ങിയ ഫിഗില്‍ ധാരാളം നാരുകള്‍ അടങ്ങിയിട്ടുണ്ട്. ഇത് വിശപ്പു കുറയ്ക്കും, ദഹനത്തെ സഹായിക്കും. മലബന്ധം പോലുള്ള പ്രശ്‌നങ്ങള്‍ക്കുള്ള നല്ലൊരു മരുന്നു കൂടിയാണിത്. ഇത് ഭക്ഷണത്തില്‍ ഉള്‍പ്പെടുത്തുക.

വ്യായാമം

വ്യായാമം കൃത്യമായി ചെയ്യുക. ഇത് തടി കുറയ്ക്കാന്‍ സഹായിക്കും. മാത്രമല്ല, ശരീരത്തിന്റെ പ്രതിരോധശേഷി വര്‍ദ്ധിപ്പിക്കാനും ഹോര്‍മോണ്‍ പ്രവര്‍ത്തനങ്ങള്‍ കൃത്യമാകാനും വ്യായാമം സഹായിക്കുക തന്നെ ചെയ്യും.

ഗ്രീന്‍ ടീ

തൈറോയ്ഡുള്ളവര്‍ക്ക് നല്ലൊരു ഭക്ഷണവസ്തുവാണ് ഗ്രീന്‍ ടീ. ഇതിലെ ആന്റിഓക്‌സിഡന്റുകള്‍ തടി കുറയ്ക്കാന്‍ സഹായിക്കുക തന്നെ ചെയ്യും. ഇവ പ്രതിരോധശേഷി വര്‍ദ്ധിപ്പിക്കുകയും ചെയ്യും. ശരീരത്തിലെ അപചയപ്രക്രിയ ശക്തിപ്പെടുത്തുകയും ചെയ്യും.

ഉപ്പ്‌

ഹൈപ്പോതൈറോയ്ഡ് തടി കൂട്ടാന്‍ ഇടവരുത്തും. പാകത്തിന് അയോഡിനുണ്ടെങ്കില്‍ ഇത് ഹൈപ്പോതൈറോയ്ഡ് കുറയ്ക്കാന്‍ സഹായിക്കും. ഇതിനുള്ള ഒരു വഴി ഭക്ഷണത്തില്‍ ഉപ്പു ചേര്‍ക്കുകയെന്നതാണ്.