ആര്‍ത്തവ വിരാമത്തിനു ശേഷം എന്ത്?

Published: Wednesday, August 21, 2013, 12:00 [IST]

മെനോപോസ് അഥവാ ആര്‍ത്തവവിരാമം എല്ലാം സ്ത്രീകളും ജീവിതത്തില്‍ കടന്നു പോകുന്ന ഒരു പ്രധാനപ്പെട്ട ഘട്ടമാണ്. ഇത് പലരിലും ശാരീരികവും മാനസികവുമായ പ്രശ്‌നങ്ങള്‍ സൃഷ്ടിയ്ക്കും.

മെനോപോസ് എന്ന ഘട്ടം പല സ്ത്രീകളുടേയും മനസില്‍ ആശങ്കയുണ്ടാക്കാറുണ്ട്. തങ്ങളുടെ ജീവിതത്തിലെ നല്ല ഘട്ടം കഴിഞ്ഞുപോയെന്നു കരുതുന്ന സ്ത്രീകളുമുണ്ട്.

എന്നാല്‍ ആര്‍ത്തവവിരാമം നല്‍കുന്ന ചില ഗുണങ്ങളുമുണ്ട്. ആര്‍ത്തവവിരാമത്തിനു ശേഷം ചെയ്യാവുന്ന ചില കാര്യങ്ങളുമുണ്ട്, ഇവയെക്കുറിച്ച് കൂടുതലറിയൂ,

യാത്ര

യാത്ര ചെയ്യാന്‍ താല്‍പര്യമുള്ള സ്ത്രീകള്‍ക്ക് ഇതൊരു നല്ല അവസരമാണ്. കാരണം ആര്‍ത്തവഭയം പലപ്പോഴും യാത്രകളില്‍ നിന്നും സ്ത്രീകളെ വിലക്കാറുണ്ട്.

സെക്‌സ്

സെക്‌സ് ആസ്വദിയ്ക്കുന്ന സ്ത്രീകള്‍ക്ക് മാസമുറ ലൈംഗികബന്ധത്തില്‍ നിന്നും വിട്ടു നില്‍ക്കുന്ന സമയമാണ്. ആര്‍ത്തവവിരാമം ഈ പ്രശ്‌നത്തിന് ഒരു പരിഹാരമാണ്.

ഗര്‍ഭനിരോധന ഉപാധികള്‍

ഗര്‍ഭനിരോധന ഉപാധികള്‍ കൂടാതെ തന്നെ ലൈംഗികബന്ധത്തിലേര്‍പ്പെടാമെന്ന ഗുണവുമുണ്ട്.

പങ്കാളികളോട് അടുപ്പം

മെനോപോസിന് ശേഷം സ്ത്രീകള്‍ക്ക് പങ്കാളികളോട് കൂടുതല്‍ അടുപ്പം തോന്നുമെന്നു തെളിഞ്ഞിട്ടുണ്ട്. നല്ലൊരു ബന്ധത്തിന് ഇത് സഹായിക്കും.

ആര്‍ത്തവത്തെക്കുറിച്ചുള്ള ചിന്തകള്‍

ആര്‍ത്തവത്തെക്കുറിച്ചുള്ള ചിന്തകള്‍ പല സ്ത്രീകളിലും അസ്വസ്ഥതയുണ്ടാക്കാറുണ്ട്. ഇതേത്തുടര്‍ന്നുണ്ടാകുന്ന ശാരീരിക അസ്വസ്ഥതകള്‍ തന്നെ കാരണം. മെനോപോസ് ഈ പ്രശ്‌നത്തിന് ഒരു പരിഹാരമാണ്.