നിങ്ങള്‍ക്കു തടി കൂടുന്നുവോ?

നിങ്ങള്‍ സുഖമായി ധരിച്ചിരുന്ന ജീന്‍സ് ടൈറ്റായെങ്കില്‍, ഇതിന്റെ അര്‍ത്ഥം നിങ്ങള്‍ തടിച്ചെ്ന്നു തന്നെയാണ്. ജീന്‍സ് കഴുകിയപ്പോള്‍ ചുരുങ്ങിയെന്നു കരുതി സമാധാനിക്കുന്നതിലും നല്ലത് തടി കൂടിയെന്നു തിരിച്ചറിഞ്ഞ് വേണ്ട മുന്‍കരുതലുകളെടുക്കുകയാണ്.

മുന്‍പു ധരിച്ചിരുന്ന ടീ ഷര്‍ട്ട് കൂടുതല്‍ ടൈറ്റായെങ്കില്‍ തടി കൂടിയെന്നു തിരിച്ചറിയുക.

അടിവസ്ത്രങ്ങള്‍, പ്രത്യേകിച്ച് ബ്രായുടെ സ്ട്രാപ്പിന് നീളം കുറയുകയാണെങ്കില്‍, ബ്രാ കൂടുതല്‍ മുറുകുകയാണെങ്കില്‍ സ്തനവലിപ്പം വര്‍്ദ്ധിച്ചെന്നു മാത്രമല്ല, നിങ്ങള്‍ കൂടുതല്‍ തടിച്ചെന്നും അര്‍ത്ഥമുണ്ട്.

വല്ലാതെ തടി കൂടുമ്പോള്‍ മുഖത്ത് ഇരട്ടത്താടി പ്രത്യക്ഷപ്പെടുന്നവരുണ്ട്. പെട്ടെന്ന് നിങ്ങളുടെ മുഖത്തിന് ഇത്തരത്തിലൊരു വ്യത്യാസം തോന്നുകയാണെങ്കില്‍ തടി കൂടിയെന്ന കാര്യത്തില്‍ സംശയം വേണ്ട.

കൃത്യമായി പാകമായിരുന്ന മോതിരങ്ങള്‍ വിരലുകളില്‍ നിന്നും ഊരാനും ഇടാനും പ്രയാസം തോ്ന്നുന്നോ, മോതിരം ചെറുതായതല്ല, നിങ്ങളുടെ വിരലുകള്‍ക്ക് തടി കൂടിയതാകും കാരണം.

നിങ്ങളുടെ പഴയ ഫോട്ടോകളും ഇപ്പോഴത്തെ ഫോട്ടോകളും തമ്മില്‍ താരതമ്യപ്പെടുത്തി നോക്കൂ. തടി കൂടുതലായെങ്കില്‍ തിരിച്ചറിയാനുള്ള എളുപ്പ മാര്‍ഗമാണിത്.

നടക്കുമ്പോള്‍ വയര്‍ ഇളകുന്നതായി തോന്നുന്നോ, തടി കൂടി വയര്‍ ചാടിയതായിരിക്കും കാരണം. അനാരോഗ്യകരമായി തടി കൂടുന്നതിന്റെ ലക്ഷണം വയറ്റില്‍ കൊഴുപ്പടിഞ്ഞു കൂടുന്നതാണ്. വയറ്റില്‍ മാത്രമല്ല,അരക്കെട്ടിലും.

തടി കൂടുന്തോറും ശ്വസിക്കുവാന്‍ ബുദ്ധിമുട്ടുണ്ടാകും. ഇതും തടി കൂടുന്നതു തിരിച്ചറിയാനുള്ള ഒരു മാര്‍ഗമാണ്.

കവിളുകള്‍ തടിച്ചു ചാടുന്നതും തടി കൂടുന്നതു തിരിച്ചറിയാനുള്ള ഒരു വഴി തന്നെയാണ്. ഇതു നിങ്ങള്‍്ക്കു തന്നെ കണ്ണാടിയില്‍ നോക്കിയാലോ കവിളില്‍ പിടിച്ചു നോ്ക്കിയാലോ മനസിലാക്കാവുന്നതേയുള്ളൂ.

വ്യായാമം ചെയ്യുമ്പോഴും എന്തെങ്കിലും പണി ചെയ്യുമ്പോഴുമൊക്കെ വല്ലാതെ കിതയ്ക്കുന്നതും ചെയ്യാന്‍ ബുദ്ധിമുട്ടനുഭവപ്പെടുന്നതും തടി കൂടുന്നതിന്റെ ലക്ഷണമാണ്.

കാല്‍വേദന

ശരീരത്തിന് ഭാരം കൂടുന്തോറും മുട്ടുവേദനയും കാല്‍വേദനയുമെല്ലാം പലര്‍ക്കും പതിവാണ്. ശരീരത്തിന് തടി കൂടുന്നുവെന്നതിന്റെ ഒരു ലക്ഷണമാണ് ഇതും.

നിങ്ങളുടെ കൊളസ്‌ട്രോള്‍ തോത് ക്രമാതീതമായി വര്‍ദ്ധിക്കുന്നത് അമിതവണ്ണത്തിന്റെ മറ്റൊരു സൂചനയാകാം.

വെരിക്കോസ് വെയിനുകള്‍

അമിതവണ്ണത്തിന്റെ മറ്റൊരു പാര്‍ശ്വഫലമാണ് വെരിക്കോസ് വെയിനുകള്‍. ചര്‍മത്തിനു താഴെയായി രക്തക്കുഴലുകള്‍ കൂട്ടിപ്പിണയുന്നതിനെ തുടര്‍ന്നാണ് വെരിക്കോസ് വെയിന്‍ എന്ന അവസ്ഥയുണ്ടാകുന്നത്. ഇതിന് അമിതവണ്ണം മാത്രമല്ല കാരണമെങ്കിലും ഇതും ഒരു കാരണം തന്നെ.

മാസമുറ പ്രശ്‌നങ്ങള്‍

അമിതവണ്ണമുള്ള സ്ത്രീകളില്‍ മാസമുറ, ഓവുലേഷന്‍ പ്രശ്‌നങ്ങള്‍ സാധാരണമാണ്. കൊഴുപ്പ് യൂട്രസിലും ഓവറികളിലും അടിഞ്ഞു കൂടുന്നതാണ് കാരണം.