Click it and Unblock the Notifications
Latest Updates
-
നവംബർ 5: ഇന്ന് ഗജകേസരി യോഗം; ഈ സമയത്ത് ചെയ്യേണ്ടതും ഒഴിവാക്കേണ്ടതും എന്തൊക്കെ? -
രാഹുകാലവും യമകണ്ഠവും: കൃത്യമായ സമയം അറിയാൻ ഈ ലളിതമായ വഴികൾ പരീക്ഷിക്കൂ -
ദീപാവലിക്ക് വീട് വൃത്തിയാക്കുമ്പോൾ ഈ വാസ്തു തെറ്റുകൾ വരുത്തരുത്; ഐശ്വര്യം നഷ്ടപ്പെടാം -
ബുധാദിത്യ യോഗം: നവംബർ 4 മുതൽ 6 വരെ ശ്രദ്ധിക്കേണ്ട കാര്യങ്ങൾ ഇതാ -
ധൻതേരസ് ഷോപ്പിംഗ്: ലക്ഷ്മി യോഗം നോക്കി സ്വർണം വാങ്ങുമ്പോൾ ഈ കാര്യങ്ങൾ മറക്കരുത്! -
ധൻതേരാസിന് തൊട്ടുമുമ്പ് സ്വർണവിലയിൽ വൻ കുതിപ്പ്; ഇന്നത്തെ നിരക്കുകൾ ഇങ്ങനെ -
നവംബർ 6-ന് ശുക്രൻ കന്നി രാശിയിലേക്ക്: വക്രഗതിയിൽ ഈ 12 രാശിക്കാർക്കും കരുതലോടെയുള്ള മാറ്റങ്ങൾ -
ദീപാവലി മുഹൂർത്ത ട്രേഡിങ്: ലാഭകരമാക്കാൻ ഈ കാര്യങ്ങൾ ശ്രദ്ധിക്കൂ, സമയക്രമം ഇങ്ങനെ -
ദീപാവലി: വീട്ടിൽ ലളിതമായി ലക്ഷ്മീപൂജ നടത്താം; ഈ കാര്യങ്ങൾ ശ്രദ്ധിച്ചാൽ ഐശ്വര്യം കൂടും -
ധൻതേരസ് 2026: സ്വർണ്ണവും ഗാഡ്ജറ്റുകളും വാങ്ങാൻ ഭാഗ്യമുള്ള രാശികൾ; ഒപ്പം ശ്രദ്ധിക്കേണ്ട സുരക്ഷാ ടിപ്സുകൾ!
ഡോക്ടറോട് കള്ളം പറഞ്ഞാല്‍?
ഡോക്ടറോടും വക്കീലിനോടും കള്ളം പറയരുതെന്ന്‌ ഒരു ചൊല്ല്‌ തന്നെയുണ്ട്‌. വക്കീലിനോട്‌ അല്‍പ്പസ്വല്‍പ്പം കള്ളം പറഞ്ഞാലും കുഴപ്പമില്ല. എന്നാല്‍ ഡോക്ടറോട് കള്ളം പറഞ്ഞാല്‍ ചിലപ്പോള്‍ നമ്മുടെ ജീവന്‍ തന്നെ അപകടത്തിലാകും.
കാരണം നമ്മള്‍ നല്‍കുന്ന വിവരങ്ങള്‍ എത്രത്തോളം കൃത്യമാണോ അത്രത്തോളം ചികിത്സയും ഫലപ്രദമാകും. ഡോക്ടറോട് ഒരിക്കലും മറച്ചുവയ്‌ക്കാന്‍ പാടില്ലാത്ത കാര്യങ്ങളാണ്‌ ഇനി പറയുന്നത്‌.
ഡോക്ടറോട് മറച്ചു വയ്ക്കല്ലേ
പുകവലി, മദ്യപാനം, മയക്കുമരുന്നിന്റെ ഉപയോഗം തുടങ്ങിയ ദുശ്ശീലങ്ങള്‍ നിങ്ങള്‍ക്ക്‌ ഉണ്ടെങ്കില്‍ ഡോക്ടറോട് അതേ കുറിച്ച്‌ സംസാരിക്കുക. ഇക്കാര്യം മറച്ചുവച്ചാല്‍ നിങ്ങള്‍ക്ക്‌ മികച്ച ചികിത്സ നല്‍കാന്‍ ഡോക്ടര്‍ക്ക്‌ കഴിയാതെ വരും.
ഡോക്ടറോട് മറച്ചു വയ്ക്കല്ലേ
നിങ്ങള്‍ മുമ്പ്‌ ഏതെങ്കിലും വിധത്തിലുള്ള ശസ്‌ത്രക്രിയകള്‍ക്ക്‌ വിധേയനായിട്ടുണ്ടെങ്കില്‍ അക്കാര്യം ഡോക്ടറെ അറിയിക്കുക. തുടര്‍ ചികിത്സ തീരുമാനിക്കുന്നതിന്‌ ഇത്തരം വിവരങ്ങള്‍ വളരെ പ്രധാനമാണ്‌.
ഡോക്ടറോട് മറച്ചു വയ്ക്കല്ലേ
നിങ്ങള്‍ ശരിയായ രീതിയില്‍ ആഹാരം കഴിക്കാറില്ലെങ്കില്‍ അക്കാര്യം ഡോക്ടറോട് പറയുക. കാരണം പല രോഗങ്ങളുടെയും മൂലകാരണം നിങ്ങളുടെ ഭക്ഷണശീലമായിരിക്കാം.
ഡോക്ടറോട് മറച്ചു വയ്ക്കല്ലേ
വിഷാദമോ മാനസിക പിരിമുറുക്കമോ അനുഭവപ്പെട്ടാല്‍ പലരും അത്‌ അവഗണിക്കുകയോ രഹസ്യമാക്കി വയ്‌ക്കുകയോ ആണ്‌ പതിവ്‌. വിഷാദം പല ആരോഗ്യ പ്രശ്‌നങ്ങള്‍ക്കും കാരണമാകാറുണ്ട്‌. അതിനാല്‍ ഇക്കാര്യം ഡോക്ടറോട് പറയുകയും അദ്ദേഹത്തിന്റെ ഉപദേശം സ്വീകരിക്കുകയും ചെയ്യുക.
ഡോക്ടറോട് മറച്ചു വയ്ക്കല്ലേ
നിങ്ങള്‍ പതിവായി കഴിക്കുന്ന മരുന്നുകളെ കുറിച്ചും നിങ്ങള്‍ക്ക്‌ അലര്‍ജിയുള്ള മരുന്നുകളെ കുറിച്ചും ഡോക്ടറെ അറിയിക്കേണ്ടത്‌ വളരെ പ്രധാനമാണ്‌. ചികിത്സ തീരുമാനിക്കുന്നതിന്‌ ഈ വിവരങ്ങള്‍ കൂടിയേ തീരൂ.
ഡോക്ടറോട് മറച്ചു വയ്ക്കല്ലേ
ചില മരുന്നുകള്‍, ആഹാരസാധനങ്ങള്‍, മറ്റു ഘടകങ്ങള്‍ എന്നിവ ചിലരില്‍ അലര്‍ജി ഉണ്ടാക്കാം. നിങ്ങള്‍ക്ക്‌ ഏതെങ്കിലും തരത്തിലുള്ള അലര്‍ജി ഉണ്ടെങ്കില്‍ അക്കാര്യം ഡോക്ടറോട് പറയുക. അദ്ദേഹം ചികിത്സ ആരംഭിക്കുന്നതിന്‌ മുമ്പേ ഇക്കാര്യം അറിയിക്കുന്നതാണ്‌ ഉത്തമം. അല്ലാത്തപക്ഷം ചികിത്സയ്‌ക്കിടെ അനാവശ്യ സങ്കീര്‍ണ്ണതകള്‍ ഉണ്ടാകാം.
ഡോക്ടറോട് മറച്ചു വയ്ക്കല്ലേ
മലത്തില്‍ രക്തം കാണപ്പെടുന്നത്‌ പോലുള്ള കാര്യങ്ങള്‍ തുറന്നു പറയാന്‍ പലരും തയ്യാറാകാറില്ല. എന്നാല്‍ ഇക്കാര്യം ഡോക്ടറോട് പറയേണ്ടതും അദ്ദേഹത്തിന്റെ ഉപദേശം സ്വീകരിക്കേണ്ടതും അത്യാവശ്യമാണ്‌. കാരണം ഇത്‌ കുടലിലെ ക്യാന്‍സറിന്റെ ലക്ഷണമാകും. തുടക്കത്തില്‍ കണ്ടെത്തിയാല്‍ ഇത്‌ പരിപൂര്‍ണ്ണമായും ഭേദമാക്കാനാകും.
ഡോക്ടറോട് മറച്ചു വയ്ക്കല്ലേ
നിങ്ങള്‍ നേരിടുന്ന ആരോഗ്യപ്രശ്‌നങ്ങളെ കുറിച്ച്‌ ഡോക്ടറോട് തുറന്നുപറയുന്നത്‌ ഗുരുതരമായ രോഗങ്ങളില്‍ നിന്ന്‌ നിങ്ങളെ രക്ഷിക്കും. അതിനാല്‍ നിങ്ങളുടെ ഡോക്ടറോട് എല്ലാ കാര്യങ്ങളും തുറന്നുപറയുക.
Continue with Google
