നിസാരമാക്കരുത്, ശരീരവേദനയെ

1)നെഞ്ചുവേദന

മാനസിക സമ്മര്‍ദ്ദം കൊണ്ടോ, അനാരോഗ്യകരമായ ഭക്ഷണശീലം കൊണ്ടോ നെഞ്ചുവേദനയുണ്ടായേക്കാം. പക്ഷേ ഒന്നോര്‍ക്കുക ചില നെഞ്ചുവേദനകള്‍ ഹൃദയാഘാതത്തിന്റെ ലക്ഷണങ്ങളാകാം. ഹൃദയാഘാതത്തിന്റെ പ്രധാന ലക്ഷണങ്ങളില്‍ ഒന്നാണ് നെഞ്ചുവേദന. ഹൃദയാഘാതം ചെറുതോ വലുതോ ആകാം. പക്ഷേ നെഞ്ചുവേദന അവഗണിക്കരുത്. നെഞ്ചുവേദനയ്‌ക്കൊപ്പം ക്ഷീണവും ശ്വാസതടസ്സവുമുണ്ടെങ്കില്‍ നിശ്ചയമായും വൈദ്യസഹായം തേടുക.

2)തലവേദന

തലവേദനകള്‍ പലപ്പോഴും സാധാരണമാണ്. ഒരു പക്ഷേ സമര്‍ദ്ധം കൊണ്ടുമാത്രമാകാം തലവേദന. തലവേദന ഗൗരവത്തോടെ കാണേണ്ടത് കൃത്യമായ ഇടവേളകളില്‍ അവ ആവര്‍ത്തിക്കുമ്പോഴാണ്. ഉടന്‍ ഡോക്ടറെ കാണുക. ശ്വാസതടസ്സത്തോടൊപ്പമുള്ള തലവേദനയാണെങ്കില്‍ മൈഗ്രേന്‍ ആകുവാന്‍ സാധ്യതയുണ്ട്. ഒരു പക്ഷേ നിങ്ങളുടെ തലച്ചോറിനെ കാര്‍ന്നു തിന്നുന്ന ടൈംബോബുമാകാം തലവേദനയുടെ രൂപത്തില്‍ വരുന്നത്. ഓര്‍ക്കുക തലവേദനയെ നിസാരമായി കാണരുത്.

3)വയറുവേദന

ഏത് പ്രായത്തിലുള്ളവര്‍ക്കും ഏത് ലിംഗക്കാര്‍ക്കും കാണപ്പെടുന്നതാണ് വയറുവേദന. തെറ്റായ ഭക്ഷണക്രമം വയറുവേദനയ്ക്ക് കാരണമാകാം. വയറുവേദന നീണ്ടകാലം നീണ്ടുനിന്നാല്‍ ഉടന്‍ ഡോക്ടറെ കാണണം. കിഡ്‌നി സ്‌റ്റോണ്‍, വയറ്റിലെ അണുബാധ, കുടല്‍ അണുബാധ, സ്ത്രീകളിെ ഓവൈന്‍ ക്യാന്‍സര്‍ എന്നിവയുടെ ലക്ഷണമായേക്കാം. ശ്രദ്ധിക്കുക.

4)കാല്‍വേദന

കാല്‍, കാല്‍മുട്ടുവേദനകള്‍ പോഷാകാഹാരക്കുറവു കൊണ്ടോ, തെറ്റായ ഭക്ഷണക്രമത്തെത്തുടര്‍ന്നോ, സമ്മര്‍ദ്ധത്തെത്തുടര്‍ന്നോ ഉണ്ടാകാറുണ്ട്. സ്ത്രീകള്‍ക്ക് ആര്‍ത്തവകാലത്തും കാല്‍വേദന ഉണ്ടാകാറുണ്ട്. പക്ഷേ വേദനയ്‌ക്കൊപ്പം നീര് ഉണ്ടെങ്കില്‍ ശ്രദ്ധിക്കണം. രക്തം കട്ടപിടിക്കല്‍, വാതം എന്നിവയ്ക്കും സാധ്യതയുണ്ട്. തുടര്‍ച്ചയായ മുട്ടുവേദന നീ കാപ് ഡിസോര്‍ഡര്‍, ലിഗ്മെന്റ് പ്രശ്‌നങ്ങള്‍ എന്നിവയെത്തുടര്‍ന്നാവാം. കാലുകള്‍ ശരീരത്തിലെ പ്രധാന ഭാഗമാണെന്നോര്‍ക്കുക. അതുകൊണ്ടുതന്നെ കാല്‍ വേദന അവഗണിക്കരുത്.

5)നടുവേദന

പ്രായമായവരിലാണ് പ്രധാനമായും നടുവേദന അല്ലെങ്കില്‍ പുറംവേദന കണ്ടുവരുന്നത്. ഇരിപ്പിലും, കിടപ്പിലും സംഭവിക്കുന്ന വ്യത്യാസങ്ങളാണ് പുറംവേദനയ്ക്ക് പ്രധാനകാരണം. കൊഴുപ്പുള്ള പാളികള്‍ ശരീരത്തില്‍ രൂപപ്പെടുന്നതിന്റെ മുന്നോടിയായും വേദന ഉണ്ടായേക്കാം. ചില സമയങ്ങളില്‍ നിങ്ങളെ കിടന്ന കിടപ്പ് കിടത്താനും ഈ നടുവേദന മതി.

പല്ല്, കണ്ണ്, എല്ലുകളുടെ സന്ധികളിലുണ്ടാകുന്ന വേദന, പേശിവേദന ഇവയും കണ്ടില്ലെന്നു നടിക്കരുത്. സംശയം തോന്നിയാല്‍ ഉടന്‍ ഡോക്ടറെ കാണുക. നല്ല ശരീരം സ്വന്തമാക്കാന്‍ ഭക്ഷണം ക്രമീകരിക്കുക. ആരോഗ്യദായകമായ ഘടകങ്ങള്‍ ഭക്ഷണത്തില്‍ ഉള്‍പ്പെടുത്തുക.