For Quick Alerts
ALLOW NOTIFICATIONS  
For Daily Alerts

പാദവേദനയ്ക്കു പരിഹാരവും

|

വേദനകള്‍ പല തരമുണ്ട്. നടുവേദന, ശരീരവേദന, കാല്‍ വേദന, പാദങ്ങള്‍ക്കുണ്ടാകുന്ന വേദന തുടങ്ങി ഈ പട്ടിക നീണ്ടു പോവുകയും ചെയ്യും.

പാദങ്ങള്‍ക്കുണ്ടാകുന്ന വേദന പലരേയും അലട്ടുന്ന പ്രശ്‌നമാണെന്നു പറയാം. പതിവില്ലാതെ നടക്കുന്നതോ ഓടുന്നതോ, വ്യായാമം പുതുതായി ചെയ്യുന്നത്, എല്ലുകള്‍ക്കുണ്ടാകുന്ന പ്രശ്‌നങ്ങള്‍, മസില്‍ വേദന, പുതിയതോ പാകമല്ലാത്തതോ ആയ ചെരിപ്പ്, ഷൂസ് തുടങ്ങിയവ ധരിയ്ക്കുമ്പോഴുണ്ടാകുന്ന വേദന തുടങ്ങി പാദങ്ങള്‍ക്കുണ്ടാകുന്ന വേദനകള്‍ക്കും കാരണങ്ങളും പലതുണ്ട്. കാരണങ്ങളെപ്പോലെ പരിഹാരങ്ങളും പലതാണ്.

എപ്‌സം സാള്‍ട്ട് പാദവേദനയ്ക്കുളള നല്ലൊരു പരിഹാരമാണ്. ഒരു ബേസില്‍ നിറയെ വെള്ളത്തില്‍ നാലു ടീസ്പൂണ്‍ എപ്‌സം സാള്‍ട്ട് ചേര്‍ത്ത് കാലുകള്‍ ഇതിലിറക്കി വയ്ക്കാം. അല്‍പസമയം കഴിഞ്ഞ് കാലുകള്‍ പുറത്തെടുത്ത് നല്ല മോയിസ്ചറസര്‍ ഉപയോഗിച്ച് മസാജ് ചെയ്യാം.

ഓയില്‍ മസാജും പാദവേദന മാറാന്‍ നല്ലതാണ്. മൂന്നു ടീസ്പൂണ്‍ എള്ളെണ്ണയില്‍ മൂന്നു തുള്ളി ഗ്രാമ്പൂ ഓയില്‍ ചേര്‍ക്കാം. ഇതുപയോഗിച്ച പാദങ്ങള്‍ പതുക്കെ മസാജ് ചെയ്യുക. കടുകെണ്ണയും മസാജിന് ഉപയോഗിക്കാം.

സോഡിയമടങ്ങിയ ഭക്ഷണങ്ങള്‍ കൂടുതലുപയോഗിച്ചാല്‍ വെള്ളം കെട്ടിനിന്ന് പാദങ്ങളില്‍ നീരും വേദനയുമുണ്ടാകും. സോഡിയമടങ്ങിയ ഭക്ഷണങ്ങള്‍ കുറയ്ക്കുകയാണ് നല്ലത്. മീന്‍, തൈര്, ചിക്കന്‍ തുടങ്ങിയവ പാദവേദന കുറയ്ക്കാന്‍ സഹായിക്കും.

വെരിക്കോസ് വെയിനും ചിലപ്പോള്‍ പാദവേദനയുണ്ടാക്കും. ചൂടുവെള്ളത്തിലും തണുത്ത വെള്ളത്തിലും മാറി മാറി കാല്‍ ഇറക്കി വയ്ക്കുന്നതാണ് ഇതിനുള്ള ഒരു പരിഹാരം. തണുത്ത വെള്ളത്തിനു പകരം ഐസും ഉപയോഗിക്കാം.

ചൂടുവെള്ളത്തിലും തണുത്ത വെള്ളത്തിലും അല്‍പം വിനെഗര്‍ ചേര്‍ക്കുക. ആദ്യം ചൂടുവെള്ളത്തില്‍ ഒരു ടവല്‍ മുക്കിപ്പിഴിഞ്ഞ് പാദത്തില്‍ കെട്ടുക. പിന്നീട് ഇത് തണുത്ത വെള്ളത്തില്‍ ആവര്‍ത്തിക്കുക. ഇങ്ങിനെ മാറി മാറി ചെയ്യുന്നത് പാദവേദന കുറയ്ക്കും.

പാദങ്ങള്‍ക്കുള്ള വ്യായാമം ചെയ്യുന്നതും പാദവേദന കുറയ്ക്കാനുള്ള ഒരു ഉപായമാണ്.

ഇറുകിയ ഷൂസും ചെരിപ്പും ഉപയോഗിക്കുന്നതാണ് പാദവേദനയ്ക്കു കാരണമെങ്കില്‍ ഇവ മാറ്റുകയേ നിവര്‍ത്തിയുള്ളൂ.

Read more about: pain വേദന
English summary

Home Remedies Foot pain

Foot pain is a result of overworking the feet by excessive walking, uncomfortable shoes, old age, ingrown toe nails or standing for a long duration.
 
 
X
Desktop Bottom Promotion