നിങ്ങളെ തളര്‍ത്തും ശീലങ്ങള്‍

കൂടുതല്‍ ഉറക്കം

ചിലര്‍ 10-12 മണിക്കൂര്‍ നേരം ഉറങ്ങുന്ന ശീലമുള്ളവരുണ്ട്. ശരീരത്തേയും മനസിനേയും ഒരുപോലെ തളര്‍ത്തുന്ന ഒരു ഘടകമാണിത്.

ജങ്ക് ഫുഡ്

ജങ്ക് ഫുഡ് സ്ഥിരം കഴിയ്ക്കുന്ന ശീലവും ക്ഷീണമുണ്ടാക്കും. ഇതിലെ എണ്ണയും മറ്റുമാണ് കാരണം. ശരീരത്തിന് ആവശ്യത്തിന് പോഷകം ലഭിയ്ക്കാതിരിക്കുന്നതും ക്ഷീണത്തിനുള്ള ഒരു കാരണം തന്നെ.

പച്ചക്കറികളുടെ കുറവ്‌

പച്ചക്കറികളോട് വെറുപ്പുള്ളവരുണ്ട്. ശാരീരികാരോഗ്യത്തിന് പച്ചക്കറികള്‍ വളരെ പ്രധാനമാണ്. ഇത് കഴിയ്ക്കാതിരിയ്ക്കുന്നത് ശരീരത്തിന് ആവശ്യമായ പോഷകങ്ങള്‍ ലഭിയ്ക്കാതിരിക്കാന്‍ കാരണമാകും. ക്ഷീണവും അനുഭവപ്പെടും.

ആന്റിഓക്‌സിഡന്റുകളുടെ കുറവ്‌

ആന്റിഓക്‌സിഡന്റുകള്‍ അടങ്ങിയ ഭക്ഷണത്തിന്റെ അപര്യാപ്തതയും ക്ഷീണമുണ്ടാക്കുന്ന ഒന്നു തന്നെയാണ്. തളര്‍ന്നിരിയ്ക്കുമ്പോള്‍ ഓറഞ്ച് പോലുള്ള

വെള്ളം

വെള്ളം കുറച്ചു മാത്രം കുടിയ്ക്കുന്ന ശീലമുള്ളവരുണ്ട്. ശരീരത്തിന് ആവശ്യത്തിന് വെള്ളം ലഭിയ്ക്കാതാകുമ്പോള്‍ ക്ഷീണം തോന്നുന്നത് സ്വാഭാവികമാണ്.

ധാരാളം കാപ്പി

ധാരാളം കാപ്പി കുടിയ്ക്കുന്നതും ശരീരത്തിലെ ജലാംശം നഷ്ടപ്പെടാനിട വരുത്തും. ഇതും ശരീരത്തെ ക്ഷീണിപ്പിയ്ക്കും.

കമ്പ്യൂട്ടറില്‍ ഏറെ നേരം

കമ്പ്യൂട്ടറില്‍ ഏറെ നേരം ചെലവഴിയ്ക്കുന്നതും നമ്മുടെ ശരീരത്തെയും കണ്ണിനേയും ഒരുപോലെ തളര്‍ത്തും. കമ്പ്യൂട്ടര്‍ വിഷന്‍ സിന്‍ഡ്രോം എന്നൊരു അവസ്ഥ ഇതുണ്ടാക്കും.

വൃത്തിഹീനം

വാരിവലിച്ചിട്ടിരിയ്ക്കുന്ന ചുറ്റുപാടുകളും നമ്മുടെ മനസിനേയും അതുവഴി ശരീരത്തേയും തളര്‍ത്തും.

പ്രാതല്‍

പ്രാതല്‍ ഒരു ദിവസത്തെ പ്രധാന ഭക്ഷണമാണ്. ഇത് ഒഴിവാക്കുന്ന ശീലവും ചിലര്‍ക്കെങ്കിലുമുണ്ട്. ഇത് ശരീരത്തെ ക്ഷീണിപ്പിയ്ക്കും.

ഉറക്കക്കുറവ്‌

ഉറക്കക്കുറവും ശരീരത്തെ ക്ഷീണിപ്പിയ്ക്കുന്ന ഒന്നു തന്നെ.

വ്യായാമക്കുറവ്‌

ശാരീരിക അധ്വാനമില്ലാതെ ഇരിയ്ക്കുന്നതും ശരീരത്തിനും മനസിനും തളര്‍ച്ച നല്‍കും.