ആര്‍ത്തവം വൈകുന്നുവോ, കാരണങ്ങളറിയൂ

ആര്‍ത്തവം വൈകുന്നുവോ, കാരണങ്ങളറിയൂ

ആര്‍ത്തവം വൈകന്നതിന് ഒരു പ്രധാന കാരണമാണ് സ്‌ട്രെസ്, ഇത് ശരീരത്തില്‍ ഹോര്‍മോണ്‍ മാറ്റങ്ങളുണ്ടാക്കും. സ്ത്രീ ഹോര്‍മോണ്‍ എന്നറിയപ്പെടുന്ന ഈസ്ട്രജന്റെ ഉല്‍പാദനത്തില്‍ വ്യത്യാസമുണ്ടാക്കും. ഇത് ആര്‍ത്തവം വൈകാനും ഇട വരുത്തും.

ആര്‍ത്തവം വൈകുന്നുവോ, കാരണങ്ങളറിയൂ

സമയക്രമം മാറുന്നത് ആര്‍ത്തവം വൈകുന്നതിനുള്ള മറ്റൊരു കാരണമാണ്. ഉദാഹരണത്തിന് പകല്‍ ഓഫീസിലേക്കും പോയിക്കൊണ്ടിരുന്ന ഒരു സ്ത്രീ രാത്രി ഷിഫ്റ്റിലേക്കു മാറുന്നത് ആര്‍ത്തവം വൈകുന്നതിനുള്ള ഒരു കാരണമാകാം. ശരീരം ഈ മാറ്റവുമായി പൊരുത്തപ്പെടാന്‍ സമയെടുക്കുന്നതു തന്നെ കാരണം. ഇതിന്റെയും അടിസ്ഥാന കാരണം.

ആര്‍ത്തവം വൈകുന്നുവോ, കാരണങ്ങളറിയൂ

അത്‌ലറ്റുകളിലും സ്‌പോട്‌സില്‍ പങ്കെടുക്കുന്ന സ്ത്രീകളിലൂം ചിലപ്പോള്‍ ആര്‍ത്തവം വരാതിരിക്കുകയോ വൈകുകയോ ചെയ്യാറുണ്ട്. അമ്‌നോറിയ എന്നാണ് ഈ അവസ്ഥ അറിയപ്പെടുന്നത്. കൂടുതല്‍ വ്യായാമമാണ് ഇതിന് കാരണമായി പറയുന്നത്. ഇതുപോലെ പെട്ടെന്ന് കൂടുതല്‍ വ്യായാമം ചെയ്യുകയും മറ്റും ചിലപ്പോള്‍ മാസമുറ വൈകാം. ശരീരത്തിന്റെ അപചകപ്രക്രിയകളില്‍ വരുന്ന വ്യതിയാനമാണ് ഇതിന് കാരണം.

ആര്‍ത്തവം വൈകുന്നുവോ, കാരണങ്ങളറിയൂ

ഗര്‍ഭനിരോധന ഗുളികകള്‍ ഉപയോഗിക്കുന്ന ചിലരില്‍ ആര്‍ത്തവം വൈകുന്നതായി കാണാറുണ്ട്. പുതുതായി ഇത് ഉപയോഗിച്ചു തുടങ്ങുന്നവരിലാണ് ഈ വ്യത്യാസം കാണാറ്. ഈ ഗുളികകളിലെ ഹോര്‍മോണുകളാണ് ഇതിന് കാരണം. എന്നാല്‍ അല്‍പനാള്‍ കഴിയുമ്പോള്‍ ഇതുമായി ശരീരം പൊരുത്തപ്പെടും.മാസമുറ ശരിയായ രീതിയില്‍ വരികയും ചെയ്യും. ആര്‍ത്തവം വൈകിക്കാനുള്ള ഗുളികളിലും ഇത്തരം ഹോര്‍മോണുകളാണ് ഉപയോഗിക്കുന്നത്.

ആര്‍ത്തവം വൈകുന്നുവോ, കാരണങ്ങളറിയൂ

ആര്‍ത്തവം വൈകുന്നതിനുള്ള മറ്റൊരു കാരണം ഗര്‍ഭമാണ്. ഗര്‍ഭിണികളില്‍ ആര്‍ത്തവം വരാറില്ല. എന്നാല്‍ ആദ്യ ഒന്നു രണ്ടു മാസങ്ങളില്‍ ചെറിയ തോതില്‍ ബ്ലീഡിംഗുണ്ടാകുന്നതായും കണ്ടു വരുന്നുണ്ട്. ഇത് ആര്‍ത്തവമായും അബോര്‍ഷനായും ചിലരെങ്കിലും തെറ്റിദ്ധിക്കാറുണ്ട്.

ആര്‍ത്തവം വൈകുന്നുവോ, കാരണങ്ങളറിയൂ

തൈറോയ്ഡ്, പോളിസിസ്റ്റിക് ഓവറി തുടങ്ങിയ രോഗങ്ങളുള്ളവരില്‍ ആര്‍ത്തവക്രമക്കേടുകള്‍ കണ്ടുവരാറുണ്ട്. ആര്‍ത്തവം വൈകുകയോ ചിലപ്പോള്‍ ഇല്ലാതിരിക്കുകയോ ചെയ്യും. ഇത്തരം അസുഖമുള്ളവരില്‍ ആര്‍ത്തവം വൈകുന്നതായി കണ്ടാല്‍ ഇത് മിക്കവാറും ഈ രോഗമങ്ങളുടെ ഫലമായിരിക്കും.