രക്തമുണ്ടാക്കാന്‍ മാര്‍ഗമുണ്ട്

വ്യായാമം

വ്യായാമം രക്തമുണ്ടാകാനുള്ള ഏറ്റവും നല്ല വഴിയാണ്. വ്യായാമം ചെയ്യുമ്പോള്‍ ഹൃദയം കൂടുതല്‍ ഓക്‌സിജന്‍ ഉല്‍പാദിപ്പിക്കും. ഓക്‌സിജന്‍ അളവ് കൂടുന്നത് രക്തം കൂടുതലുണ്ടാകാനും സഹായിക്കും. ശ്വസനക്രിയകള്‍ ചെയ്യുക, നടക്കുക, ഓടുക തുടങ്ങിയ വ്യായാമങ്ങളെല്ലാം തന്നെ നല്ലതാണ്.

ഭക്ഷണം

രക്തമുണ്ടാകാനുള്ള മറ്റൊരു പ്രധാന മാര്‍ഗമാണ് ഭക്ഷണം. പ്രത്യേകിച്ച് അയേണ്‍ അടങ്ങിയ ഭക്ഷണം. പേരയ്ക്ക, ഡാര്‍ക് ചോക്ലേറ്റ്, ചുവന്ന ഇറച്ചി, ചീര, ഉരുളക്കിഴങ്ങ്, മത്തങ്ങയുടെ കുരു, പയര്‍, കക്ക എന്നിവ അയേണ്‍ അടങ്ങിയ ഭക്ഷണസാധനങ്ങളാണ്. ഇവ ഭക്ഷണത്തില്‍ ഉള്‍പ്പെടുത്തുക.

കറ്റാര്‍ വാഴ

ചില സസ്യങ്ങളും രക്തമുണ്ടാകാനും രക്തം ശുദ്ധീകരിക്കാനും സഹായിക്കും. കറ്റാര്‍ വാഴ ഇത്തരത്തില്‍ ഒരു സസ്യമാണ്. ഇവ ബാക്ടീരിയകള്‍ക്കെതിരെ പ്രവര്‍ത്തിക്കുകയും രക്തം ശുദ്ധീകരിക്കുകയും ചെയ്യും.

കൊതുകുതിരി

കൊതുകുതിരി, എയര്‍ ഫ്രഷ്‌നറുകള്‍ എന്നിവ രക്തകോശങ്ങളെ നശിപ്പിക്കുന്നവയാണെന്നു തെളിഞ്ഞിട്ടുണ്ട്. ഇവ ക്യാന്‍സര്‍ പോലുള്ള മാരകരോഗങ്ങള്‍ക്കു വരെ കാരണമാകുന്നുണ്ട്. ഇവ ഉപയോഗിക്കാതിരിക്കുക.

ക്രീം

ശരീരത്തില്‍ സൗന്ദര്യസംരക്ഷണത്തിനായി പുരട്ടുന്ന ക്രീമുകളും രക്തകോശങ്ങളെ നശിപ്പിക്കും. ഇവ ചര്‍മത്തിനടിയിലൂടെ ശരീരത്തിലേക്കിറങ്ങുകയും രക്തത്തിന്റെ ഉല്‍പാദനം കുറയ്ക്കുകയും ചെയ്യും. അണുബാധയ്ക്കും ചിലപ്പോള്‍ ഇവ വഴി വയ്ക്കും. കഴിവതും പ്രകൃതിദത്തമായ ക്രീമുകള്‍ മാത്രം ഉപയോഗിക്കുവാന്‍ ശ്രദ്ധിക്കുക.