വാലന്റൈനും 'കിസിംഗ് 'ഡീസീസും

Wellness

oi-Saritha

By Veena

Published: Tuesday, February 14, 2012, 10:32 [IST]

ചുബനത്തിന് പ്രണയദിനത്തില്‍ പ്രസക്തിയേറും. അക്കരെയിക്കരെ നിന്നു കൊണ്ട് പ്രണയിക്കുന്ന കാലമൊക്കെ കഴിഞ്ഞതു തന്നെ പ്രധാന കാരണം. എന്നാല്‍ ചുംബനത്തിലൂടെ അസുഖങ്ങള്‍ വരാനും സാധ്യതയുണ്ടെന്ന് മുന്നറിപ്പ്. അമേരിക്കയിലെ ലയോള സര്‍വകലാശാലയിലെ ശാസ്ത്രജ്ഞനായ ജോര്‍ജ് പറാഡയാണ് വാലന്റൈന്‍സ് ദിനത്തില്‍ കിസിംഗ് ഡിസീസ് പകരാന്‍ സാധ്യത കൂടുതലാണെന്ന് മുന്നറിയിപ്പു നല്‍കിയിരിക്കുന്നത്.

ഫെബ്രുവരി പ്രണയദിനമാണെങ്കിലും കോള്‍ഡ്, ചുമ, പനി തുടങ്ങിയ അസുഖങ്ങളുടെ കാലം കൂടിയാണ്. പ്രത്യേകിച്ച് കാലാവസ്ഥയില്‍ പെട്ടെന്നുണ്ടാകുന്ന വ്യത്യാസങ്ങള്‍ കാരണം. ഇത്തരം അസുഖങ്ങള്‍ ചുംബനത്തിലൂടെ പകരാനുള്ള സാധ്യത കൂടുതലാണ്. ഉമിനീരിലൂടെയാണ് ഇവ പകരുക. അതുകൊണ്ട് ഇവ കിസിംഗ് ഡിസീസ് എന്ന ഗണത്തിലും പെടുന്നു.

എന്നാല്‍ അസുഖം പേടിച്ച് പ്രണയത്തില്‍ നിന്ന് ഒഴിഞ്ഞു നില്‍ക്കേണ്ട ആവശ്യമില്ലെന്നാണ് കിസിംഗ് ഡിസീസിനെ കുറിച്ചുള്ള വിവിധ ഡോക്ടര്‍മാരുടെ പ്രതികരണം. ശരീരത്തിന് ആവശ്യമായ പ്രതിരോധശേഷിയുണ്ടെങ്കില്‍ അസുഖത്തെ ഭയപ്പെടേണ്ട ആവശ്യമില്ല. പഴം, ആപ്പിള്‍, പപ്പായ തുടങ്ങിയ ഭക്ഷണസാധനങ്ങള്‍ പ്രതിരോധശേഷി ലഭിക്കാന്‍ നല്ലതാണ്. അസുഖമുള്ളവരാണെങ്കില്‍ ചുമയ്ക്കുമ്പോഴും തുമ്മുമ്പോഴും വായ പൊത്തിപ്പിടിക്കുക. വൈറസ് പകരാതിരിക്കും. ഇടയ്ക്ക് ചൂടുവെള്ളം കുടിക്കുന്നതും പാരസെറ്റമോള്‍ കഴിയ്ക്കുന്നതും അസുഖത്തെ അകറ്റും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.