അനാരോഗ്യകരമായ ശീലങ്ങള്‍

ശരീരത്തിന് പോഷകങ്ങള്‍ ലഭിയ്ക്കാന്‍ വേണ്ടി വൈറ്റമിന്‍ ഗുളികകള്‍ വിഴുങ്ങുന്ന ശീലം പലര്‍ക്കുമുണ്ട്. തികച്ചും തെറ്റായ പ്രവണതയാണിത്. ഇത്തരം വൈറ്റമിനുകള്‍ പലപ്പോഴും ശരീരത്തിന് ദോഷം വരുത്തുകയാണ് ചെയ്യുന്നത്. ചില അസുഖങ്ങള്‍ക്കു വരെ ഇവ വഴിയൊരുക്കും. മനം പിരട്ടല്‍, ഛര്‍ദി, വയറിളക്കം, ചര്‍മത്തില്‍ പാടുകള്‍, അലര്‍ജി തുടങ്ങി ക്യാന്‍സര്‍ വരെ വരുത്തി വയ്ക്കാവുന്ന ശീലമാണിത്.

വീടും പരിസരവും വൃത്തിയാക്കുന്നത് നല്ലതു തന്നെ. എന്നാല്‍ വേണ്ടത്ര മുന്‍കരുതലുകളെടുക്കാതെ വൃത്തിയാക്കാന്‍ തുടങ്ങിയാല്‍ കീടാണുക്കളും പൊടിയും ശരീരത്തിലേക്കു കടന്ന് ആരോഗ്യപ്രശ്‌നങ്ങള്‍ ഉണ്ടാക്കാം.

വെള്ളം കുടിയ്ക്കുന്നത് ആരോഗ്യത്തിനും ചര്‍മത്തിനും ഒരുപോലെ അത്യാവശ്യമാണ്. എന്നാല്‍ അധികം വെള്ളം കുടിയ്ക്കുന്നത് ശരീരത്തിലെ സോഡിയം തോത് ക്രമാതീതമായി താഴുവാന്‍ ഇടയാക്കും. ഇത് ക്ഷീണം, ഛര്‍ദി, തലചുറ്റല്‍ തുടങ്ങിയ പ്രശ്‌നങ്ങള്‍ ഉണ്ടാക്കുകയും ചെയ്യും.

പല്ലു വൃത്തിയാക്കാനും പല്ലിന്റെ ആരോഗ്യത്തിനും ബ്രഷ് ചെയ്യേണ്ടത് അത്യാവശ്യമാണ്. എന്നാല്‍ ഇത്തരം ബ്രഷ് ചെയ്യുന്നതിന്റെ തവണയും ബലവും കൂടുന്നത് പല്ലിന്റെ ഇനാമല്‍ കളയുവാനും പല്ല് എളുപ്പത്തില്‍ കേടാകാനും ഇടയാക്കും.

വേദനകള്‍ക്ക് പെയിന്‍ കില്ലര്‍ കഴിയ്ക്കുന്നവരുണ്ട്. താല്‍ക്കാലിക ആശ്വാസം നല്‍കുമെങ്കിലും പിന്നീട് വലിയ ആരോഗ്യപ്രശ്‌നങ്ങളുണ്ടാക്കിയേക്കാവുന്ന ഒരു ശീലമാണിത്. പെയിന്‍ കില്ലറുകളുടെ അമിതമായ ഉപയോഗം ക്യാന്‍സര്‍ പോലുള്ള പ്രശ്‌നങ്ങള്‍ക്കു പോലും വഴിയൊരുക്കും.