എരിവ് തടി കുറയ്ക്കുമോ?

എരിവുള്ള ഭക്ഷണം ഇഷ്ടപ്പെടുന്നവരും വെറുക്കുന്നവരുമുണ്ടാകും. എരിവുള്ള മസാലകളായിരിക്കും ചിലപ്പോള്‍ ഭക്ഷണങ്ങള്‍ക്ക് സ്വാദു നല്‍കുന്നതും. എന്നാല്‍ എരിവുള്ള ഭക്ഷണം തടി കുറയ്ക്കുമെന്ന് ചിലരെങ്കിലും കേട്ടിരിക്കും. ഇതിലെ വാസ്തവമറിയേണ്ടേ.

എരിവ് ശരീരത്തിലെ കൊഴുപ്പു നീക്കം ചെയ്യും. അതുകൊണ്ടുതന്നെ എരിവുള്ള ഭക്ഷണം തടി കുറയ്ക്കുമെന്നു വേണമെങ്കില്‍ ഒറ്റവാക്കില്‍ പറയാം.

ശരീരത്തിലെ അപചയപ്രക്രിയകള്‍ നേരായ രീതിയില്‍ നടക്കുന്നതിന് എരിവ് സഹായിക്കും. ഇതുവഴി ഇത് തടി കുറയ്ക്കുകയും ചെയ്യും.

ചിലതരം എരിവുകള്‍, പ്രത്യേകിച്ച് മുളകു പോലുള്ളവ വിശപ്പു കുറയ്ക്കും. ഭക്ഷണത്തിന്റ അളവു കുറയും. സ്വാഭാവികമായി തടിയും കുറയും. വിശപ്പുള്ളപ്പോള്‍ എരിവുള്ള എന്തെങ്കിലും കഴിച്ചു നോക്കൂ. വിശപ്പു കുറയുന്നത് അനുഭവിച്ചറിയാം.

വറ്റല്‍ മുളക്, കുരുമുളക് എന്നിവയില്‍ ക്യാപ്‌സയാസിന്‍ എന്നൊരു ഘടകം അടങ്ങിയിട്ടുണ്ട്. ഇത് ശരീരത്തിലെ കൊഴുപ്പു കത്തിച്ചു കളയുന്ന ഒന്നാണ്. ശരീരത്തില്‍ നിന്നുള്ള വിഷവസ്തുക്കള്‍ നീക്കം ചെയ്യാനും എരിവിന് കഴിയും.

ഛര്‍ദി, മനംപിരട്ടല്‍ എന്നിവയ്ക്കും എരിവുള്ള ഭക്ഷണങ്ങള്‍ ഒരു പരിധി വരെ സഹായകമാണ്.

എന്നാല്‍ ഇത്തരം ഗുണങ്ങള്‍ ലഭിക്കണമെങ്കില്‍ എരിവ് പാകത്തിനു മാത്രം കഴിയ്ക്കണം. അധികം എരിവുള്ള ഭക്ഷണങ്ങള്‍ കഴിയ്ക്കുന്നതു കൊണ്ട് ദോഷങ്ങള്‍ ഏറെയാണ്.

ഇത് അള്‍സര്‍, ദഹനക്കേട്, വയറിളക്കം പോലുള്ള പ്രശ്‌നങ്ങള്‍ക്ക് കാരണമാകും. വയറ്റില്‍ ആസിഡുകള്‍ കൂടുതല്‍ ഉല്‍പാദിപ്പിക്കപ്പെടുകയാണ് എരിവ് കഴിയ്ക്കുമ്പോള്‍ സംഭവിക്കുന്നത്. ഇത് വയറിന് നല്ലതല്ല.

പല്ലിന്റെ നിറം മങ്ങാനും കൂടുതല്‍ എരിവ് ഇട വരുത്തും.

പൈല്‍സ് പോലുള്ള അസുഖങ്ങള്‍ക്കും കൂടുതല്‍ എരിവുള്ള ഭക്ഷണങ്ങള്‍ കാരണമാകും. എരിവ് കഴിയ്ക്കുന്നത് കുടലിന്റെ പ്രവര്‍ത്തനങ്ങളെ ബാദിക്കുന്നതാണ് ഇതിന് കാരണം.

എന്തായാലും മിതാമായേ ആകാവുയെന്ന കാര്യം എരിവ് കഴിയ്ക്കുമ്പോഴും ഓര്‍ത്തിരിക്കണം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.