Just In
- 1 min ago Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം
- 35 min ago നാല്പ്പതുകളിലെ ഗര്ഭധാരണം: സ്ത്രീകളറിയേണ്ട അപകടങ്ങള്
- 1 hr ago സ്നേഹം ഒരാള്ക്ക് മാത്രം: നമ്മളെ സ്നേഹിക്കാത്തവരെ മനസ്സില് നിന്നും മായ്ക്കാന് ചില മാര്ഗ്ഗങ്ങള്
- 2 hrs ago കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം
Don't Miss
- News 'കേരളമടക്കം ദക്ഷിണേന്ത്യയിലാകെ മോദി തരംഗം'; ബിജെപിയുടെ മികച്ച പ്രകടനം കാണാമെന്ന് അമിത് ഷാ
- Automobiles സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- Movies സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
തിങ്കളാഴ്ചകളെന്തേ മടി പിടിപ്പിക്കുന്നു?
അവധി ദിനങ്ങളിലെ ആലസ്യമാണ് തിങ്കളാഴ്ച മടിക്കും കാരണം. ആഴ്ചയില് അഞ്ചു ദിവസവും ചിട്ടയായി പോകുന്ന ജീവിതക്രമം അവധിദിവസങ്ങളില് ആകെ തെറ്റുന്നു. സാധാരണ ദിവസങ്ങളില് 10ന് കിടന്ന 6 മണിക്ക് എഴുന്നേല്ക്കുന്ന ഒരാള് ചിലപ്പോള് അവധി ദിനങ്ങളില് ഉണരുന്നത് 10-11 മണിക്കായിരിക്കും. 12 മണിക്ക് ബ്രേക് ഫാസ്റ്റ്, 3ന് ഉച്ചയൂണ്, രാത്രി 11ന് അത്താഴം. ഉറങ്ങുന്നത് ഒന്നിനോ രണ്ടിനോ. ഇത്തരം രീതികള് കഴിഞ്ഞ് തിങ്കളാഴ്ച രാവിലെ മടിയും ക്ഷീണവും തോന്നുന്നത് സ്വാഭാവികം മാത്രം.
അവധി ദിവസങ്ങളിലും ചിട്ടകള് വലിയ വ്യത്യാസമില്ലാതെ ചെയ്യുകയെന്നതാണ് പരിഹാരം. ഇത്തരം ദിവസങ്ങളിലും ടൈംപീസ് നോക്കി ജീവിക്കണമെന്നല്ല, സമയക്രമത്തില് വലിയ അന്തരം വരാതെ നോക്കുക. ഒന്നോ രണ്ടോ മണിക്കൂര് കൂടുതല് ഉറങ്ങാം. ഉണര്ന്നാല് വ്യായാമം ചെയ്യാം. സമയത്ത് ഭക്ഷണം കഴിയ്ക്കാം. വേണമെങ്കില് ഉച്ച മയക്കവുമാകാം. മയക്കം മാത്രം. അധികം ഉറങ്ങിയാലും ക്ഷീണം കൂടും. കിടക്കയില് നിന്ന് എഴുന്നേല്ക്കാന് കഴിയുകയുമില്ല.
ആഴ്ചയവസാനം യാത്രകളുണ്ടെങ്കില് വെള്ളിയാഴ്ച രാത്രി പുറപ്പെട്ട് ഞായറാഴ്ച രാവിലെയോ രാത്രിയോ തിരിച്ചെത്താന് പറ്റുന്ന വിധത്തില് പദ്ധതി തയ്യാറാക്കുക. ഇത് തിങ്കളാഴ്ച രാവിലെയുള്ള മടിയും ക്ഷീണവും കുറയ്ക്കും.
സമയമുണ്ടെങ്കില് ഒരാഴ്ചത്തേക്കു നേരത്തെ ചെയ്തു വയ്ക്കാന് കഴിയുന്ന കാര്യങ്ങള് ചെയ്തു വയ്ക്കാം. തുണി ഇസ്തിരിയിടുക, ഷോപ്പിംഗ്, അരിയരച്ചു വയ്ക്കുക തുടങ്ങിയ കാര്യങ്ങള് ജോലിയുള്ള ദിവസങ്ങളിലെ തിക്കും തിരക്കും ഒഴിവാക്കും.
തിങ്കളാഴ്ചകളില് മീറ്റിംഗുകളുണ്ടെങ്കിലോ സമയബന്ധിതമായി തീര്ക്കാനുള്ള ജോലികളുണ്ടെങ്കിലോ മടി തോന്നുന്നത് സാധാരണമാണ്. ഇതൊതു സൈക്കോളജിക്കല് പ്രശ്നമാണ്. സ്വയം പരിഹാരം കണ്ടെത്തേണ്ട പ്രശ്നം. ഒരുമിച്ച് ജോലി തീര്ക്കാന് വയ്ക്കാതെ കുറേശെ ചെയ്തു തീര്ക്കാം. പറ്റുമെങ്കില് അവധി ദിനങ്ങളില് അല്പം സമയം ഓഫീസ് ജോലിക്കായി മാറ്റി വയ്ക്കാം.
തിങ്കളാഴ്ചകളെ മാത്രം മുന്നില് കാണാതെ വെള്ളിയാഴ്ചകളേയും സ്വപ്നം കണ്ടുനോക്കൂ. അവധി ദിവസങ്ങളില് മനസിന് സന്തോഷം നല്കുന്ന കാര്യങ്ങള്ക്ക് മുന്കൂട്ടി പദ്ധതി തയ്യാറാക്കൂ. തിങ്കളാഴ്ചകള് അത്രത്തോളം മടി പിടിപ്പിക്കില്ല, തീര്ച്ച.