തടി കൂടാതിരിക്കാന്‍ ഹോര്‍മോണ്‍ നിയന്ത്രിക്കൂ

ഹോര്‍മോണുകള്‍ക്ക് ശരീരത്തില്‍ സുപ്രധാന കര്‍മങ്ങളുണ്ട്. സ്ത്രീ പുരുഷന്മാരിലെ ശാരീരിക വളര്‍ച്ച, ശാരീരിക മാറ്റങ്ങള്‍ തുടങ്ങി ഒരാളുടെ മൂഡ് നിയന്ത്രിക്കുന്നതില്‍ വരെ ഹോര്‍മോണുകള്‍ക്ക് പ്രധാന സ്ഥാനമുണ്ട്.

തടിയുടെ കാര്യത്തിലും ഹോര്‍മോണുകള്‍ പ്രധാനമാണ്. ഹോര്‍മോണ്‍ തകരാറുകള്‍ ഒരാളുടെ ശരീരഭാരം കൂട്ടുന്നതില്‍ പ്രധാന പങ്കു വഹിക്കുന്നു. പ്രത്യേകിച്ച് മെനോപോസ്് സമയത്ത്. ഹോര്‍മോണുകള്‍ ഏതെല്ലാം വിധത്തിലാണ് തടി വര്‍ദ്ധിപ്പിക്കുന്നതെന്നു നോക്കൂ.

ഹോര്‍മോണ്‍ പ്രവര്‍ത്തനം കാരണം കൂടുതല്‍ വിശപ്പു തോന്നുക, ഭക്ഷണത്തോട് ആര്‍ത്തിയുണ്ടാവുക തുടങ്ങിയവയും സംഭവിക്കും. ഇത് സ്വാഭാവികയമായും ശരീരഭാരം വര്‍ദ്ധിപ്പിക്കുക തന്നെ ചെയ്യും.

ശരീരത്തിലെ അപചയപ്രവര്‍ത്തനങ്ങള്‍ മെല്ലെയാക്കുന്നതും ഹോര്‍മോണ്‍ പ്രവര്‍ത്തനത്തില്‍ പെടും. ഇത് ശരീരത്തില്‍ കൊഴുപ്പടിഞ്ഞു കൂടുന്നതിനും ഇതുവഴി തടി വര്‍ദ്ധിപ്പിക്കുന്നതിനും ഇട വരുത്തുന്നു.

ടെന്‍ഷന്‍, സ്‌ട്രെസ് എന്നിവയും തടി വര്‍ദ്ധിപ്പിക്കാന്‍ കാരണമാകും. ഇവിടെയും വില്ലന്‍ ഹോര്‍മോണ്‍ തന്നെയാണ്. ടെന്‍ഷന്‍ ശരീരം തടിപ്പിക്കുന്ന കോര്‍ട്ടിസോള്‍ എന്ന ഹോര്‍മോണ്‍ പുറപ്പെടുവിക്കും.

തടി കൂടാതിരിക്കാന്‍ ഹോര്‍മോണ്‍ നിയന്ത്രണം വളരെ അത്യാവശ്യമാണ്. ഹോര്‍മോണ്‍ പ്രവര്‍ത്തനങ്ങള്‍ നിയന്ത്രിക്കുന്നതിന് ചില വഴികളുണ്ട്.

ഭക്ഷണം ഹോര്‍മോണ്‍ ഉല്‍പാദനത്തെയും പ്രവര്‍ത്തനത്തെയും വലിയ തോതില്‍ സ്വാധീനിക്കാറുണ്ട്. ആരോഗ്യകരമായ ഭക്ഷണങ്ങള്‍ കഴിയ്ക്കുക. മദ്യപാന, പുകവലിശീലങ്ങള്‍ നിയന്ത്രിക്കുകയും വേണം.

നല്ല ഉറക്കം, ടെന്‍ഷന്‍ ഉപേക്ഷിക്കുക എന്നിവയും ഹോര്‍മോണ്‍ പ്രവര്‍ത്തനത്തെ നിയന്ത്രിക്കാന്‍ സഹായകമാണ്.

ഹോര്‍മോണ്‍ തകരാറുകള്‍ പരിഹരിക്കുന്നത് ഡോക്ടറെ കാണേണ്ടതും അത്യാവശ്യം. ഇതിനായുള്ള മരുന്നുകള്‍ ലഭ്യമാണ്. മരുന്നുകള്‍ക്കു പുറമെ ജീവിതരീതിയിലുള്ള മാറ്റങ്ങളും ഡോക്ടര്‍മാര്‍ നിര്‍ദേശിക്കും.

വ്യായാമത്തിനും ഹോര്‍മോണ്‍ പ്രവര്‍ത്തനം നിയന്ത്രിക്കുന്നതില്‍ മുഖ്യപങ്കുണ്ടെന്നോര്‍ക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.