ഹാങ് ഓവര്‍ മാറ്റാം

പഴങ്ങള്‍, പ്രത്യേകിച്ച് ചെറുനാരങ്ങ ഹാങ്ഓവര്‍ തടയാന്‍ സഹായിക്കുന്ന ഭക്ഷണമാണ്. ചെറുനാരങ്ങയ്ക്കു പുറമെ ഓറഞ്ചും മുസമ്പിയും നല്ലതു തന്നെ. ഇവയിലെ വൈറ്റമിനുകള്‍, ധാതുക്കള്‍, ആന്റി ഓക്‌സിഡന്റുകള്‍ എന്നിവയാണ് ഈ ഗുണം നല്‍കുന്നത്. ഇവ ശരീരത്തിലെ വിഷപദാര്‍ത്ഥങ്ങളെ അകറ്റുകയാണ് ചെയ്യുന്നത്. ഹാങ്ഓവര്‍ കാരണമുണ്ടാകുന്ന തലവേദന അകറ്റുന്നതിനും ഇവ നല്ലതാണ്.

തൈര്, തേന്‍ എന്നിവയും ഹാങ്ഓവര്‍ മാറാന്‍ സഹായിക്കും. തൈരില്‍ മധുരം ചേര്‍ത്ത് ഉപയോഗിക്കരുത്. തൈരോ മോരോ അതേ രീതിയില്‍ കഴിയ്ക്കുകയോ മറ്റു ഭക്ഷണസാധനങ്ങള്‍ ചേര്‍ത്തു കഴിയ്ക്കുകയോ ചെയ്യാം. തേന്‍ ചൂടുവെള്ളത്തില്‍ ചേര്‍ത്തോ പഴങ്ങളുടെ കൂടെച്ചേര്‍ത്തോ കഴിയ്ക്കാം. ചൂടുപാലും നല്ലതുതന്നെ.

ഇഞ്ചി, വെളുത്തുള്ളി എന്നിവയും ഹാങ്ഓവര്‍ മാറാന്‍ നല്ലതാണ്. ഇവ വായിലിട്ടും കഴിയ്ക്കുകയോ ഭക്ഷണത്തില്‍ ചേര്‍ത്തു കഴിയ്ക്കുകയോ ചെയ്യാം.

ധാരാളം വെള്ളം കുടിയ്ക്കുന്നതും നാരങ്ങാവെള്ളം കുടിയ്ക്കുന്നതും ഹാങ്ഓവര്‍ മാറ്റാന്‍ നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.