സ്തനങ്ങളിലെ വേദന, കാരണങ്ങള്‍

ചിലപ്പോഴെങ്കിലും ചില സ്ത്രീകള്‍ക്ക് മാറിടവേദന അനുഭവപ്പെടുന്നത് സ്വാഭാവികമാണ്. ഇതിന് കാരണങ്ങള്‍ പലതുണ്ട്.

ചിലപ്പോഴെങ്കിലും ഇത് ഗുരുതരമായ രോഗങ്ങളുടെ മുന്നറിയിപ്പായിരിക്കും. ചിലപ്പോഴിത് നിസാര പ്രശ്‌നമാകാനും വഴിയുണ്ട്.

മാസമുറ സമയത്ത സ്ത്രീകള്‍ക്ക് സ്തനത്തില്‍ വേദനയുണ്ടാകുന്നത് സ്വാഭാവികമാണ്. ഇത് ശരീരത്തില്‍ വെള്ളം കെട്ടിനില്‍ക്കുന്നതു കാരണമാണ്. ഇത് ശരീരത്തിനൊപ്പം സ്തനഭാഗത്തും കട്ടി കൂടുവാന്‍ കാരണമാകും. ആര്‍ത്തവസമയത്തെ മാറിടവേദനയ്ക്കുള്ള അടിസ്ഥാന കാരണം ഹോര്‍മോണ്‍ വ്യതിയാനങ്ങളാണെന്നു തന്നെ പറയാം.

ഓവുവേഷന്‍ സമയത്തും മാറിടവേദനയുണ്ടാകുന്നത് സാധാരണമാണ്. ഇവിടെയും അടിസ്ഥാന കാരണം ഹോര്‍മോണ്‍ പ്രവര്‍ത്തനങ്ങള്‍ തന്നെയാണെന്നു പറയാം. കാരണം ആര്‍ത്തവസമയത്തെന്ന പോലെ ഓവുലേഷന്‍ സമയത്തും ശരീരത്തില്‍ ധാരാളം ഹോര്‍മോണ്‍ പ്രവര്‍ത്തനങ്ങള്‍ നടക്കുന്നുണ്ട്.

മാറിടത്തില്‍ മസിലുകള്‍ കുറവായതു കൊണ്ടുതന്നെ മസില്‍ പ്രശ്‌നങ്ങള്‍ കാരണം മാറിടവേദനയുണ്ടാകുന്നത് സാധാരണമല്ല. എന്നാല്‍ കിടക്കുന്ന പൊസിഷന്‍ ശരിയല്ലാത്തതു കൊണ്ടും കൂടുതല്‍ സമയം കമഴ്ന്നു കിടക്കുന്നതു കൊണ്ടും സ്തനവേദനയുണ്ടാകാറുണ്ട.

സ്തനവേദനയ്ക്കുള്ള മറ്റൊരു ഗുരുതരകാരണം സ്തനാര്‍ബുദമാണ്. സ്തനാര്‍ബുദത്തിന്റെ ഒരു ലക്ഷണം കൂടിയാണ് സ്തനത്തില്‍ വേദയുള്ളതോ അല്ലാത്തതോ ആയ മുഴകള്‍. എന്നാല്‍ ഇത്തരം എല്ലാ മുഴകളും സ്തനാര്‍ബുദലക്ഷണമാകണമെന്നില്ല.

മാറിടവളര്‍ച്ചക്കു മുന്‍പായി പെണ്‍കുട്ടികളില്‍ മാറിടവേദന അനുഭവപ്പെടുന്നതായി കണ്ടുവരാറുണ്ട്. ഇതിന് കാരണം ഹോര്‍മോണ്‍ പ്രവര്‍ത്തനങ്ങള്‍ തന്നെയാണ്.

ഇടതു സ്തനഭാഗത്താണ് ഹൃദയവും. ഹൃദയപ്രശ്‌നങ്ങള്‍ കൊണ്ട് ഹൃദയഭാഗത്തുണ്ടാകുന്ന വേദന ചിലപ്പോള്‍ ഇടത്തേ സ്തനത്തിലുണ്ടാകുന്ന വേദനയായി തെറ്റിദ്ധരിക്കപ്പെടാറുമുണ്ട്. ഇത് മാറിട വേദനയാണോ അതോ ഹൃദയപ്രശ്‌നമാണോയെന്ന് വേര്‍തിരിച്ചറിയേണ്ടതുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.