അമിതവണ്ണം സ്തനാര്‍ബുദ കാരണം

Wellness

oi-Saritha

By Veena

Updated: Saturday, September 15, 2012, 10:23 [IST]

സ്തനാര്‍ബുദം സ്ത്രീകള്‍ക്കിടയില്‍ വര്‍ദ്ധിച്ചു വരികയാണ്. സമയത്ത് ചികിത്സ ലഭിച്ചില്ലെങ്കില്‍ മരണത്തിനു തന്നെ കാരണമായേക്കാവുന്ന ഈ അസുഖം വരാതിരിക്കുവാനുള്ള മുന്‍കരുതലുകളെന്തെന്ന് നോക്കാം.

ഭക്ഷണവും സ്തനാര്‍ബുദവും തമ്മില്‍ എന്താണ് ബന്ധമെന്ന് സ്വാഭാവികമായും സംശയിക്കാം. കാന്‍സര്‍ വരാതെ തടയുവാന്‍ കഴിയുന്ന ഭക്ഷണസാധനങ്ങള്‍ ഉണ്ട്. സോയ, മുതിര വര്‍ഗത്തില്‍ പെട്ട ഫഌക്‌സ് എന്ന ധാന്യം തുടങ്ങിയവ ഫൈറ്റോഈസ്ട്രജന്‍ എന്ന രാസവസ്തു ഉല്‍പാദിപ്പിക്കുന്നുണ്ട്. സ്തനാര്‍ബുദം വരുന്നത് തടയാന്‍ ഫൈറ്റോഈസ്ട്രജന്‍ സഹായിക്കും.

അമിതവണ്ണം സ്തനാര്‍ബുദത്തിന് കാരണമാണ്. അതുകൊണ്ടു തന്നെ കൊഴുപ്പു കുറഞ്ഞ ഭക്ഷണക്രമം പാലിക്കുക. വ്യായാമം ക്രമമായി ചെയ്യുക. ശരീരഭാരം കൂടാതെ സൂക്ഷിക്കുക.

ഹോര്‍മോണ്‍ കുത്തിവയ്ക്കുന്നത് സ്തനാര്‍ബുദത്തിനുള്ള സാധ്യത വര്‍ദ്ധിപ്പിക്കും. സൗന്ദര്യചികിത്സക്കായി ബോട്ടോക്‌സ് കുത്തിവയ്ക്കാറുണ്ട്. ഇത് സ്ത്രീശരീരത്തിലെ സാധാരണ ഹോര്‍മോണുകളായ പ്രൊജസ്‌ട്രോണ്‍, ഈസ്ട്രജന്‍ എന്നിവയെ ബാധിക്കും. അതുകൊണ്ടുതന്നെ കഴിവതും ആര്‍ത്തവവിരാമത്തിനു ശേഷം മാത്രമേ ഹോര്‍മോണ്‍ ചികിത്സ ചെയ്യാവൂ. ഗര്‍ഭധാരണം തടയാനുള്ള ഗുളികകള്‍ ദീര്‍ഘകാലം കഴിക്കുന്നതും സ്തനാര്‍ബുദത്തിന് കാരണമായേക്കാം.

ആഴ്ചയിലൊരിക്കലെങ്കിലും സ്വയം സ്തനപരിശോധന പതിവാക്കുക. സ്തനത്തില്‍ എന്തെങ്കിലും തടിപ്പോ വളര്‍ച്ചയോ ഉണ്ടെങ്കില്‍ തിരിച്ചറിയാന്‍ സാധിക്കും. ചര്‍മത്തിന് നിറവ്യത്യാസമോ മുലഞെട്ടില്‍ നിന്ന് എന്തെങ്കിലും ദ്രാവകമോ വരികയാണെങ്കിലും ഡോക്ടറുടെ സഹായം തേടുക. എല്ലാ വര്‍ഷവും വൈദ്യപരിശോധന പതിവാക്കുന്നതും സ്തനാര്‍ബുദം കണ്ടെത്തുവാനും ചികിത്സിക്കുവാനും സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.