ആര്‍ത്തവവേദന കുറയ്ക്കും ഭക്ഷണം

Wellness

oi-Saritha

By Saritha

Published: Wednesday, September 12, 2012, 14:02 [IST]

മാസമുറ സമയത്ത് ശാരീരിക അസ്വസ്ഥകള്‍ പതിവാണ്. വയറുവേദന, കൈകാല്‍ കഴപ്പ് തുടങ്ങിയ പ്രശ്‌നങ്ങളും. ഇത്തരം പ്രശ്‌നങ്ങള്‍ പരിഹരിക്കാന്‍ പറ്റിയ ചില ഭക്ഷണങ്ങളുണ്ട്. ഇവയെക്കുറിച്ച് കൂടുതലറിയൂ.

തുളസി, പുതിന തുടങ്ങിയ ചെടികള്‍ ആര്‍ത്തവവേദനകള്‍ കുറയ്ക്കാന്‍ നല്ലതാണ്. ഇവയിട്ട വെള്ളം തിളപ്പിച്ചു കുടിയ്ക്കുകയോ ഇവ ഭക്ഷണസാധനങ്ങളില്‍ ചേര്‍ത്ത് കഴിയ്ക്കുകയോ ചെയ്യാം.

ഇവ വെള്ളത്തിലിട്ട് തിളപ്പിച്ച് അല്‍പം തേയിലപ്പൊടിയും ചേര്‍ത്ത് ഹെര്‍ബല്‍ ടീ ആയി കഴിക്കാം. ഇവ വെറുതെ വായിലിച്ച് ചവച്ചാലും മതി.

ചൂടുവെള്ളം, ചൂടുപാല്‍ എന്നിവ കുടിയ്ക്കുന്നത് വഴി ശരീരത്തിന് ആവശ്യമായ ജലം ലഭിയ്ക്കും. പാല്‍ കുടിയ്ക്കുന്നത് വഴി ശരീരത്തിന് അയേണ്‍, കാല്‍സ്യം എന്നിവ ലഭിക്കുകയും ചെയ്യും. ചൂടുപാലില്‍ നെയ്യ് ചേര്‍ത്തു കഴിയ്ക്കുന്നതും നല്ലതാണ്.

മുതിര വര്‍ഗത്തില്‍ പെട്ട ഫഌക്‌സ് സീഡ്‌സ് വയറുവേദന കുറയ്ക്കുവാന്‍ നല്ലതാണ്. മാസമുറ സമയത്ത് ഉല്‍പാദിപ്പിക്കപ്പെടുന്ന പ്രോസ്റ്റാഗ്ലാഡിന്‍ ഗര്‍ഭാശയഭിത്തി സങ്കോചിപ്പിക്കും. അപ്പോഴാണ് വയറുവേദന വരുന്നത്. ഫഌക്‌സ് സീഡുകളില്‍ ഒമേഗ 3 ഫാറ്റി ആസിഡുകള്‍ അടങ്ങിയിട്ടുണ്ട്. ഇവ പ്രോസ്റ്റാഗ്ലാഡിന്റെ പ്രവര്‍ത്തനം കുറയ്ക്കുന്നു. ഫഌക്‌സ് സീഡുകള്‍ വേവിച്ചോ അല്ലെങ്കില്‍ പച്ചയ്‌ക്കോ കഴിക്കാം.

മസാലയായി ഉപയോഗിക്കുന്ന കറുവാപ്പട്ട ആര്‍ത്തവവേദനകള്‍ കുറയ്ക്കാന്‍ സഹായിക്കുന്ന ഒന്നാണ്. ആയുര്‍വേദം മാത്രമല്ലാ, അലോപ്പതിയും കറുവാപ്പട്ടയുടെ ഈ ഗുണം അംഗീകരിച്ചിട്ടുമുണ്ട്.

മാസമുറ സമയത്ത് കാപ്പി കുടിയ്ക്കുന്നത് വയറുവേദന കൂട്ടുകയാണ് ചെയ്യുക. കാപ്പിയിലെ കഫീന്‍ ശരീരത്തിലെ ജലാംശം കുറയ്ക്കും. അതുപോലെ ചായയും സിഗരറ്റും ഈ സമയത്ത് കഴിവതും ഒഴിവാക്കുക.

പുളിയുള്ള ഭക്ഷണങ്ങളും ആര്‍ത്തവസമയത്ത് ഒഴിവാക്കുന്നതാണ് നല്ല്. അച്ചാറുകള്‍, അധികം എരിവുള്ള ഭക്ഷണങ്ങള്‍ എന്നിവയും മാസമുറ സമയത്തു വേണ്ട.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.