സ്ത്രീ വന്ധ്യത, കാരണങ്ങള്‍

സ്ത്രീ വന്ധ്യതയ്ക്ക് പല കാരണങ്ങളുമുണ്ട്. ജന്മനാ ഉള്ള ശാരീരിക വൈകല്യങ്ങള്‍ മുതല്‍ ആര്‍ത്ത, ഓവുലേഷന്‍ ക്രമക്കേടുകളും ഇതില്‍ പെടും.

ഇതില്‍ പ്രധാന കാരണങ്ങളിലൊന്ന് ആര്‍ത്തവം കൃത്യമായി ഉണ്ടാകാത്തതും ഇതു മൂലം ഓവുലേഷന്‍ നടക്കാത്തതുമാണ്.

അണ്ഡാശയത്തിലും ഗര്‍ഭപാത്രത്തിലുമുള്ള മുഴകള്‍ മറ്റൊരു കാരണമാണ്. ഫൈബ്രോയ്ഡുകള്‍ എന്നറിയപ്പെടുന്ന ഇത്തരം മുഴുകള്‍ വന്ധ്യതയ്ക്കുള്ള പ്രധാന കാരണങ്ങളിലൊന്നാണ്. ഇത്തരം മുഴകള്‍ അണ്ഡാശയവും ഫെല്ലോപിയന്‍ ട്യൂബുകളും തമ്മിലുള്ള ബന്ധം തടസപ്പെടുത്തുകയും ഗര്‍ഭസാധ്യത ഇല്ലാതാക്കുകയും ചെയ്യുന്നു.

എന്‍ഡോമെട്രിയവും സ്ത്രീകളില്‍ വന്ധ്യത വരുത്തിവയ്ക്കുന്ന ഒരു ഘടകമാണ്. സാധാരണ യൂട്രസിന്റെ ഉള്ളില്‍ കാണപ്പെടുന്ന ഈ ആവരണം ചിലപ്പോള്‍ പുറത്ത് കാണപ്പെടുന്നു. ഇതാണ് എന്‍ഡോമെട്രിയാസിസ് എന്നറിയപ്പെടുന്നത്.

ഫെല്ലോപിയന്‍ ട്യൂബുകള്‍ അടഞ്ഞുപോയാലും ഗര്‍ഭധാരണ സാധ്യതകള്‍ കുറയും. അണ്ഡത്തെ ഓവറിയില്‍ നിന്നും ഫെല്ലോപിയന്‍ ട്യൂബിലെത്തിക്കുന്നത് ഫിബ്രിയ എന്ന പേരുള്ള ചില തന്തുക്കളാണ്. ഇവയ്ക്ക് എന്തെങ്കിലും പ്രശ്‌നമുണ്ടായാലും ഗര്‍ഭം ധരിക്കാനാവില്ല.

യോനീസ്രവത്തിന്റ അളവ് തീരെ കുറയുന്നതും ഗര്‍ഭസാധ്യത കുറയ്ക്കും. ഇതു കാരണം പുരുഷബീജങ്ങള്‍ വേഗത്തില്‍ നശിച്ചു പോകും.

യോനിയിലെ അണുബാധയും ഗര്‍ഭധാരണം തടയും. ഇത് ബീജങ്ങളെ നശിപ്പിക്കുകയാണ് ചെയ്യുക.

മിക്കവാറും വന്ധ്യതാ പ്രശ്‌നങ്ങള്‍ക്ക് ഇപ്പോള്‍ ചികിത്സയുണ്ടെന്നതാണ് ആശ്വാസകരമായ ഒരു കാര്യം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.