പുരുഷനേക്കാള്‍ എന്തേ സ്ത്രീ തടിയ്ക്കുന്നു?

Wellness

oi-Saritha

By Veena

Updated: Tuesday, September 18, 2012, 9:16 [IST]

പുരുഷന്മാരേക്കാള്‍ കൂടുതല്‍ സ്ത്രീകള്‍ക്ക് തടി കൂടുന്നതായാണ് കണ്ടു വരുന്നത്. പ്രത്യേകിച്ച് വയറ്റില്‍. ഇതിന്റെ കാരണമെന്തെന്നറിയാന്‍ പഠനം നടത്തിയവര്‍ കണ്ടെത്തിയവര്‍ ഒരു എന്‍സൈമാണ് ഇതിന് കാരണമായി കണ്ടെത്തിയത്.

ഈ എന്‍സൈം ഒരു പ്രത്യേക ഹോര്‍മോണ്‍ ഉല്‍പാദനത്തിന് കാരണമാകുന്നുണ്ട്. ഇത് വിസെറല്‍ ഫാറ്റ് അടിഞ്ഞു കൂടുന്നതിനും കാരണമാകുന്നുണ്ട്. ഇതാണ് വയറിന്റെ ഭാഗത്തെ വണ്ണം കൂടുതലായും കൂട്ടുന്നത്. ഈ ഹോര്‍മോണ്‍ ഉല്‍പാദനം കൂടുതലായും കണ്ടുവരുന്നത് സ്ത്രീകളിലാണ്. കൊഴുപ്പുള്ള ഭക്ഷണങ്ങള്‍ കഴിയ്ക്കുന്നതാണ് ഈ എന്‍സൈം, ഹോര്‍മോണ്‍ ഉല്‍പാദനത്തിന് കാരണമാകുന്നതും.

ഇത്തരം ഹോര്‍മോണ്‍ ഒരു പരിധി വരെ ജീനുകളുമായി ബന്ധപ്പെട്ടിരിക്കുന്നു. അതായത് കുടുംബപരമായി വണ്ണമുള്ള സ്ത്രീകളാണെങ്കില്‍ വണ്ണം കൂടാതന്‍ സാധ്യത കൂടുതലാണ്. എന്നാല്‍ ഇത്തരം ഹോര്‍മോണ്‍ ഉല്‍പാദിപ്പിക്കപ്പെടാത്ത സ്ത്രീകളില്‍ ഈ കൊഴുപ്പ് എരിഞ്ഞു തീരുകയാണ് ചെയ്യുന്നത്.

കൊഴുപ്പു നീക്കാനുള്ള ശസ്ത്രക്രിയയ്ക്കു വിധേയരായ സ്ത്രീകളില്‍ നിന്നെടുത്ത കോശങ്ങള്‍ പരിശോധിച്ചപ്പോള്‍ ഇത്തരം എന്‍സൈമിന്റെ അംശം കണ്ടെത്തി.

സ്ത്രീ ഹോര്‍മോണ്‍ എന്നറിയപ്പെടുന്ന ഈസ്ട്രജന്‍ ഈ എന്‍സൈം പ്രവര്‍ത്തനത്തെ നിര്‍വീര്യമാക്കും. എന്നാല്‍ ഈസ്ട്രജന്‍ ഉല്‍പാദനം കുറയുമ്പോഴോ നിലയ്ക്കുമ്പോഴോ ഈ പ്രശ്‌നം വീണ്ടുമുണ്ടാകുകയും ചെയ്യും. അതുകൊണ്ടാണ് മെനോപോസ് സമയത്ത് സ്ത്രീകള്‍ക്ക് പെട്ടെന്ന് വണ്ണം കൂടുന്നത്.

ചിട്ടയായ ഭക്ഷണ, വ്യായാമ രീതികള്‍ പാലിക്കുകയെന്നതാണ് ഈ പ്രശ്‌നത്തിനുള്ള ഏറ്റവും നല്ല പരിഹാരം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.