ചോര ഛര്‍ദിച്ചാല്‍

Wellness

oi-Saritha

By Veena

Updated: Tuesday, September 4, 2012, 5:05 [IST]

രക്തം ഛര്‍ദിക്കുന്നതിന് കാരണം പ്രധാനമായും ബ്ലഡ് ക്യാന്‍സര്‍ കൊണ്ടാണ് എന്നതാണ് മിക്കവാരും പേരുടെ ധാരണം. ഇതും ഒരു കാരണമാണെങ്കിലും രക്തം ഛര്‍ദിക്കുന്നതിന് പലവിധത്തിലുള്ള കാരണങ്ങളുണ്ട്.

ഗ്യാസ്‌ട്രോഇന്‍ഡസ്‌റ്റൈനല്‍ ട്രാക്റ്റ് അഥവാ ജിഐ ട്രാക്റ്റിലൂടെ രക്തം പുറത്തേക്കു വരുന്നതിനാണ് രക്തം ഛര്‍ദിക്കുക എന്നു പറയുക.

വായ, തൊണ്ട, ഈസോഫാഗസ്. വയര്‍ തുടങ്ങിയ ഭാഗങ്ങളെല്ലാം തന്നെ ജിഐ ട്രാക്റ്റിലെ മുകള്‍ഭാഗത്ത് ഉള്‍പ്പെടുന്നു. ഈ ഭാഗത്തുണ്ടാകുന്ന പ്രശ്‌നങ്ങളെല്ലാം തന്നെ ചിലപ്പോള്‍ രക്തം ഛര്‍ദിക്കുന്നതിന് കാരണമാകും.

ഗ്യാസ്‌ട്രോഇന്‍ഡസ്‌റ്റൈനിലുണ്ടാകുന്ന ബ്ലീഡിംഗ് രക്തം ഛര്‍ദിക്കുന്നതിനുള്ള പൊതുവായ ഒരു കാരണമാണ്.

സാധാരണ രീതിയിലുള്ള ഛര്‍ദി തന്നെ വളരെ ശക്തി കൂടിയതാണെങ്കില്‍ ഭക്ഷണനാളിയിലോ തൊണ്ടയിലോ ഉള്ള ചെറിയ രക്തക്കുഴലുകളെ പൊട്ടിക്കുന്നതിന് കാരണമാകും. ഇത് രക്തം ഛര്‍ദിക്കാന്‍ കാരണമാകാറുണ്ട്.

വയറ്റിലോ ഭക്ഷണനാളിയിലോ ചെറുകുടലിലോ ഉള്ള വ്രണങ്ങളും ചിലപ്പോള്‍ രക്തം ഛര്‍ദിക്കാന്‍ ഇടയാക്കുന്നു.

വയറ്റിലുണ്ടാകുന്ന ട്യൂമര്‍, വയറ്റിലെ പാളികള്‍ക്ക് ഏതെങ്കിലും കാരണവശാലുണ്ടാകുന്ന അണുബാധ എന്നിവയും രക്തം ഛര്‍ദിക്കാന്‍ ഇടയാക്കാറുണ്ട്.

പല കാരണങ്ങളാല്‍ മൂക്കിലൂടെ രക്തം വരുന്നവരുണ്ട്. ഇത് ചിലപ്പോള്‍ ഉള്ളിലേക്കു വലിക്കും. ഇതും രക്തം ഛര്‍ദിക്കാന്‍ ഇട വരുത്താറുണ്ട്.

രക്തം ഛര്‍ദിച്ചാല്‍ സാധാരണ റെക്ടല്‍ പരിശോധനകള്‍, ക്ലോട്ടിംഗ് ടെസ്റ്റുകള്‍, കരള്‍ പരിശോധനകള്‍, രക്തപരിശോധന എന്നിവയാണ് നടത്തുക. ഇവയിലൂടെ രക്തം ഛര്‍ദിക്കുന്നതിനുള്ള കാരണങ്ങള്‍ കണ്ടെത്താന്‍ സാധിക്കും.

ഒരാളുടെ ആരോഗ്യവശങ്ങള്‍, ഛര്‍ദിക്കുന്ന രക്തത്തിന്റെ നിറം, അളവ് തുടങ്ങിയ വിവിധ വിഷയങ്ങള്‍ കണക്കിലെടുത്താണ് സാധാരണ ഈ പ്രശ്‌നത്തിന് ഏത് പരിശോധന വേണമെന്ന് കണക്കാക്കാറ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.