ചില കിഡ്‌നി കാര്യങ്ങള്‍

Wellness

oi-Saritha

By Veena

Updated: Friday, August 24, 2012, 11:04 [IST]

കിഡ്‌നി ശരീരത്തിലെ പ്രധാന ധര്‍മങ്ങള്‍ നിര്‍വഹിക്കുന്ന ഒന്നാണെന്നു പറയാം. ഈ അവയവത്തിന്റെ പ്രവര്‍ത്തനം തകരാറിലായാല്‍ ശാരീരിക പ്രവര്‍ത്തനങ്ങള്‍ ആകെ അവതാളത്തിലാകും. കിഡ്‌നിയുടെ ആരോഗ്യത്തിന് സഹായിക്കുന്ന ചില ഭക്ഷണങ്ങളുണ്ട്.

ചുവന്ന കാപ്‌സിക്കം കിഡ്‌നിയുടെ നല്ല ആരോഗ്യത്തെ സഹായിക്കുന്ന ഭക്ഷണപദാര്‍ത്ഥമാണ്. ഇതില്‍ നാരുകള്‍, വൈറ്റമിന്‍ ബി-6, വൈറ്റമിന്‍ എ, ഫോളിക് ആസിഡ്, ആന്റി ഓക്‌സിഡന്റായ ലൈപോസിന്‍ എന്നിവ അടങ്ങിയിട്ടുണ്ട്. കിഡ്‌നിയുടെ ആരോഗ്യത്തിന് ഇവ ഏറെ നല്ലതാണ്. എന്നാല്‍ കൂടുതല്‍ വേവിച്ചാല്‍ കാപ്‌സിക്കത്തിന്റെ ഗുണം നഷ്ടപ്പെടും. ഇവ പച്ചക്കു കഴിക്കുകയോ പാകത്തിനു മാത്രം വേവിക്കുകയോ വേണം.

കാബേജ്, കോളിഫഌവര്‍ എന്നിവ കിഡ്‌നിയുടെ ആരോഗ്യത്തിന് ഏറെ നല്ലതാണ്. കാബേജില്‍ വൈറ്റമിന്‍ കെയും കോളിഫഌവറില്‍ വൈറ്റമിന്‍ സിയും ഉണ്ട്. ഇവയില്‍ പൊട്ടാസ്യം അടങ്ങിയിട്ടില്ല. പൊട്ടാസ്യം കിഡ്‌നിക്ക് നല്ലതല്ല.

മുട്ടയുടെ വെളളയില്‍ അടങ്ങിയിട്ടുള്ള അമിനോആസിഡ് കിഡ്‌നിയുടെ ആരോഗ്യത്തിന് നല്ലതാണ്. മുട്ടയുടെ മഞ്ഞക്കരുവില്‍ ഫോസ്ഫറസ് അടങ്ങിയിരിക്കുന്നത് കൊണ്ട് ഇത് ഒഴിവാക്കുന്നതാണ് കിഡ്‌നിക്കു നല്ലത്.

സ്‌ട്രോബെറി, ബ്ലൂബെറി, റാസ്‌ബെറി, ക്രാന്‍ബെറി തുടങ്ങിയവ കിഡ്‌നിയുടെ ആരോഗ്യത്തിന് ഏറ്റവും പറ്റിയവയാണ്. ക്രാന്‍ബെറി മൂത്രത്തിലെ അസിഡിറ്റി വര്‍ദ്ധിപ്പിക്കുകയും അതുവഴി അണുബാധ ഒഴിവാക്കുകയും ചെയ്യും. റാസ്‌ബെറി കിഡിനിയിലെ മാലിന്യങ്ങളെ പ്രവര്‍ത്തനരഹിതമാക്കും. ഇവയിലെല്ലാം അടങ്ങിയിരിക്കുന്ന ആന്റിഓക്‌സിഡന്റുകള്‍ ക്യാന്‍സര്‍ ബാധയെ തടയുവാനും സഹായകമാണ്.

ഒലീവ് ഓയിലാണ് മറ്റ് എണ്ണകളേക്കാള്‍ കിഡ്‌നിക്ക് ഗുണം ചെയ്യുകയെന്നു പറയും. ഇതിലെ ഒലീയിക് ഫാറ്റി ആസിഡാണ് ഈ ഗുണം ചെയ്യുന്നത്.

കിഡ്‌നിയുടെ ആരോഗ്യത്തിന് മാത്രമല്ലാ, ഹൃദയാരോഗ്യത്തിനും ഒലീവെണ്ണ വളരെ നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.