ചൂടും എരിവും ദോഷം ചെയ്യും

ആവി പറക്കുന്ന, നല്ല എരിവുള്ള ചിക്കന്‍ കറി. പലര്‍ക്കും നാവില്‍ വെള്ളമൂറുന്നുണ്ടാകും. ഇതില്‍ നിന്ന് ചൂടും എരിവും കുറച്ചാല്‍ പലര്‍ക്കും പിടിച്ചെന്നും വരില്ല.

എന്നാല്‍ ചൂടും എരിവും കൂടുതലുള്ള ഭക്ഷണങ്ങള്‍ ആരോഗ്യത്തിന് ദോഷം വരുത്തുമത്രെ. ചില അസുഖങ്ങള്‍ വരുത്താനും ഇത് കാരണമാകുകയും ചെയ്യും.

വല്ലാതെ ചൂടുള്ള ഭക്ഷണം ചെറുകുടലിന് നല്ലതല്ല. ഇത് ദഹനപ്രശ്‌നങ്ങള്‍ ഉണ്ടാക്കുന്നു. മാത്രമല്ല, അള്‍സറിനും വയറിലെ ക്യാന്‍സറിന് വരെ ഇത് വഴിവയ്ക്കുന്നുണ്ട്.

വായക്കും നാവിനും വല്ലാതെ ചൂടുള്ള ഭക്ഷണം നല്ലതല്ല. ചൂടുള്ള ഭക്ഷണം വായ പൊള്ളുവാനും വായിലെ തൊലി പോകാനും ഇട വരുത്തുണ്ട്. ഇത് വായില്‍ വ്രണങ്ങള്‍ വരുത്തും. ഇത് സ്വാദു മുകുളങ്ങള്‍ക്ക് ദോഷം വരുത്തുകയും ഭക്ഷണത്തെിന്റെ സ്വാദ് തന്നെ തിരിച്ചറിയാന്‍ കഴിയാതെ വരുത്തുകയും ചെയ്യുന്നു.

എരിവുള്ള ഭക്ഷണം കഴിച്ചാല്‍ വയറ്റില്‍ നിന്നും ഈസോഫാഗസിലേക്കു തന്നെ ഭക്ഷണം തള്ളിപ്പോകാന്‍ ഇട വരുത്തും. ഇത് ഛര്‍ദിയുടെ മനംപിരട്ടലും ഉണ്ടാക്കും.

പല്ലിനും ഇത്തരം ഭക്ഷണങ്ങള്‍ നല്ലതല്ല. ഇത്തരം ഭക്ഷണങ്ങള്‍ പല്ലിനെ ദ്രവിപ്പിക്കുകയും നിറം മാറ്റുകയും ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.