പൈല്‍സ് ഒഴിവാക്കാം

Wellness

oi-Saritha

By Veena

Updated: Monday, August 20, 2012, 16:26 [IST]

പലരും പുറത്തുപറയുവാന്‍ മടിക്കുന്ന ഒരു രോഗമാണ് പൈല്‍സ് എന്നറിയപ്പെടുന്ന അര്‍ശസ്. മൂലക്കുരു എന്നും ഈ രോഗം അറിയപ്പെടുന്നുണ്ട്. ഗുദഭാഗത്ത് രക്തധമനികള്‍ കട്ടിപിടിക്കുമ്പോഴാണ് ഇത് ഉണ്ടാകുന്നത്. തുടത്തിലേ ചികിത്സിച്ചില്ലെങ്കില്‍ രരക്തപ്രവാഹത്തിനും കഠിനമായ വേദനയ്ക്കും ഈ രോഗം കാരണമാകും.

ഭക്ഷണക്രമീകരണത്തിലെ പോരായ്മയാണ് പ്രധാനമായും പൈല്‍സിന് കാരണമായി പറയാറ്. മലബന്ധവും ഇതിനുള്ള പ്രധാനകാരണമാണ്. ഭക്ഷണത്തില്‍ ശ്രദ്ധിച്ചാല്‍ ഈ അസുഖം ഒരു പരിധി വരെ ഒഴിവാക്കാം.

നാരുകളടങ്ങിയ ഭക്ഷണം മലബന്ധം അകറ്റുന്നു. അതുകൊണ്ട് ഇത്തരം ഭക്ഷണം കഴിക്കുക. ഫലവര്‍ഗങ്ങളും പച്ചക്കറികളും മലബന്ധമകറ്റാന്‍ നല്ലതാണ്.

ഉണക്കപ്പയര്‍, പരിപ്പ്, സോയാബീന്‍സ് എന്നിവ പൈല്‍സുള്ളവര്‍ക്ക് കഴിക്കാവുന്ന ഭക്ഷണങ്ങളാണ്. ഇവ എളുപ്പം ദഹിക്കുന്നവയാണ്.

പഴം, പപ്പായ, മാങ്ങ, ഫിഗ് എന്നിവ മലബന്ധം അകറ്റാന്‍ സഹായിക്കുന്ന ഭക്ഷണസാധനങ്ങളാണ്. ഇവ കൂടാതെ സ്‌ട്രോബെറി, ക്രാന്‍ബെറി, ആപ്പിള്‍, തക്കാളി, വെണ്ണ, തൈര് എന്നിവയും പൈല്‍സിനുള്ള ചികിത്സ തന്നെ. ഫിഗ് രാത്രി വെള്ളത്തിലിട്ടുവച്ച് രാവിലെ കഴിക്കുന്നത് ശോധനയ്ക്ക് ഏറ്റവും നല്ലതാണ്. ഇതില്‍ ധാരാളം നാരുകള്‍ അടങ്ങിയിട്ടുണ്ട്.

വെള്ളം ധാരാളം കുടിയ്ക്കുക. ഇത് മലബന്ധവും അതുവഴി പൈല്‍സും ഒഴിവാക്കും. മദ്യം, കാപ്പി എന്നിവ പൈല്‍സ് വരാന്‍ ഇടയാക്കുന്ന ഭക്ഷണസാധനങ്ങളാണ്.

വറുത്തതും പൊരിച്ചതുമായ ഭക്ഷണസാധനങ്ങള്‍ മലബന്ധത്തിനും പൈല്‍സിനും വഴി വയ്ക്കും. ഇവ കഴിവതും ഒഴിവാക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.