രോഗങ്ങള്‍ തടയാന്‍ കോണ്ടംസ്‌

Updated: Friday, August 10, 2012, 8:58 [IST]

സ്ത്രീ പുരുഷ ബന്ധങ്ങളിലൂടെ പകരുന്ന ധാരാളം അസുഖങ്ങളുണ്ട്. ഗര്‍ഭനിരോധന ഉപാധിയെന്നതിലുപരിയായി ഇവ തടയാനുള്ള മാര്‍ഗങ്ങള്‍ കൂടിയാണ് കോണ്ടംസ്. എന്നാല്‍ ഇവയെക്കുറിച്ചും ഇവയുടെ ഉപയോഗത്തെക്കുറിച്ചും ധാരാളം തെറ്റിദ്ധാരണകള്‍ നിലവിലുണ്ട്.

ഗര്‍ഭനിരോധനം മാത്രമല്ലാ, ലൈംഗിക രോഗങ്ങള്‍ പകരാതെ തടയാനും കോണ്ടംസ് സഹായിക്കും. സ്ത്രീയും പുരുഷനും ഏര്‍പ്പെടുന്ന ബന്ധങ്ങളില്‍ മാത്രമല്ലാ, മാത്രമല്ലാ, സ്വവര്‍ഗരതിക്കാരും ഇത് ഉപയോഗിക്കേണ്ടത് അത്യാവശ്യമാണ്. എച്ച്‌ഐവി പോലുള്ള ഗുരുതരമായ ലൈംഗികരോഗങ്ങള്‍ വരുന്നതു തടയാനുള്ള പ്രധാന വഴിയാണിത്. പ്രത്യേകിച്ച് അപരിചിതരുമായി ബന്ധപ്പെടുമ്പോള്‍.

കോണ്ടംസ് ചിലപ്പോഴെങ്കിലും ഗര്‍ഭധാരണം തടയുന്നതില്‍ പരാജയപ്പെട്ടേക്കുമെന്ന ഭയം പലര്‍ക്കുമുണ്ട്. എന്നാല്‍ ശരിയായി ഉപയോഗിച്ചാല്‍ 97 ശതമാനം വിജയസാധ്യത കോണ്ടംസിനുണ്ട്. മാത്രമല്ലാ, യാതൊരു വിധ ഗര്‍ഭനിരോധന ഉപാധികളും 100 ശതമാനം വിജയം ഉറപ്പു നല്‍കുന്നുമില്ല. ഗര്‍ഭനിരോധന ഗുളിക, കോപ്പര്‍ ടി പോലുള്ള ഗര്‍ഭനിരോധന ഉപാധികള്‍, ഹോര്‍മോണ്‍ കുത്തിവയ്പ് തുടങ്ങിയവയുടെ പാര്‍ശ്വഫലങ്ങളൊന്നും തന്നെ കോണ്ടംസ് ഉപയോഗത്തില്‍ വരുന്നുമില്ല.

കോണ്ടംസ് സുഖം കുറയ്ക്കു്ന്നുവെന്ന പരാതി പലര്‍ക്കുമുണ്ട്. ഇത് വ്യക്തികളെ സംബന്ധിച്ചിടത്തോളം വ്യത്യാസപ്പെട്ടിരിക്കും.
പുരുഷന്മാരിലെ ഉദ്ധാരണം നീണ്ടുനില്‍ക്കാന്‍ ഇവ സഹായിക്കുമെന്നതാണ് വാസ്തവം. മാത്രമല്ലാ, സുഖം കുറയ്ക്കുന്നുവെന്ന പരാതി കണക്കിലെടുത്ത് പല കമ്പനികളും പലതരം കോണ്ടംസും വിപണിയില്‍ ഇറക്കിയിട്ടുമുണ്ട്.

കോണ്ടംസ് അലര്‍ജിയാണുണ്ടാക്കുമെന്നു കരുതി ഉപയോഗിക്കാത്തവരുണ്ട്. ഇക്കാര്യത്തില്‍ പേടി വേണ്ട. കാരണം ലാറ്റെക്‌സ് എന്ന പദാര്‍ത്ഥം കൊണ്ടാണ് ഇവ ഉണ്ടാക്കുന്നത്. വെറും ഒരു ശതമാനം പേരില്‍ മാത്രമെ ഇവയുടെ ഉപയോഗം അലര്‍ജി വരുത്തുന്നതായി തെളിഞ്ഞിട്ടുള്ളൂ. ലാറ്റെക്‌സിന് പുറമെ പോളിസോഫ്രീന്‍ എന്ന പദാര്‍ത്ഥവും ഇതുണ്ടാക്കാന്‍ ഉപയോഗിക്കുന്നുണ്ട്.

കോണ്ടംസിനൊപ്പം ഓയില്‍ ബേസ്ഡ് ലൂബ്രിക്കന്റുകള്‍ ഉപയോഗിക്കരുത്. ഇവ കോണ്ടംസിന്റെ ഗുണം കുറയ്ക്കും. എപ്പോഴും വാട്ടര്‍ ബേസ്ഡ് ലൂബ്രിക്കന്റുകള്‍ മാത്രം ഉപയോഗിക്കുക.

ബീജവിസര്‍ജനം കഴിഞ്ഞാലുടന്‍ കോണ്ടംസ് നീക്കം ചെയ്യേണ്ടത് അത്യാവശ്യം. ഇവ ശരിയായ രീതിയില്‍ നശിപ്പിക്കുകയും ചെയ്യും.

ഒരിക്കല്‍ ഉപയോഗിച്ച കോണ്ടംസ് വീണ്ടും യാതൊരു കാരണവശാലും ഉപയോഗിക്കരുത്. ഇത് ഉപകാരപ്പെടില്ലെന്നു മാത്രമല്ലാ, അണുബാധ പോലുള്ള പ്രശ്‌നങ്ങള്‍ ഉണ്ടാക്കുകയും ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.