രക്തഗ്രൂപ്പിലൂടെ ഭൂതം, ഭാവി, വര്‍ത്തമാനം

Wellness

oi-Saritha

By Veena

Updated: Thursday, August 2, 2012, 14:36 [IST]

ഒരാളുടെ ഭൂതം, ഭാവി, വര്‍ത്തമാന കാലങ്ങള്‍ പ്രവചിക്കുന്ന ജ്യോതിഷത്തിന് വിശ്വാസികളും അവിശ്വാസികളുമുണ്ട്. എന്നാല്‍ ജ്യോതിഷം മാത്രമല്ലാ, രക്തഗ്രൂപ്പും ഒരാളെക്കുറിച്ചുള്ള കാര്യങ്ങളറിയാന്‍ സഹായിക്കും.

എ ഗ്രൂപ്പില്‍ പെടുന്ന ആളാണെങ്കില്‍ ഇയാള്‍ ഏറ്റെടുക്കുന്ന ജോലികള്‍ ഉത്തരവാദിത്വത്തോടെ ചെയ്യാന്‍ ശ്രമിക്കുന്നവരായിരിക്കും. ധാരാളം സുഹൃത്തുക്കളും ആരാധകരുമുള്ള ഇവര്‍ കലാപരമായ ജോലികളുമായി കൂടുതല്‍ ബന്ധപ്പെട്ടിരിക്കുന്നു.

ശത്രുക്കളോടു പോലും നല്ല രീതിയില്‍ പെരുമാറുന്ന ഇക്കൂട്ടര്‍ നല്ല കുടുംബജീവിതം നയിക്കുന്ന ഗണത്തില്‍ പെടുന്നു. ഈശ്വരവിശ്വാസമുള്ള എ ഗ്രൂപ്പുകാര്‍ പൊതുവെ പുണ്യസ്ഥലങ്ങള്‍ സന്ദര്‍ശിക്കാന്‍ താല്‍പര്യം കാണിക്കുന്നവരുമായിരിക്കും.

ഗ്രൂപ്പ് ബിയില്‍ പെട്ടവര്‍ നല്ല ബുദ്ധിശക്തിയുള്ളവരായിരിക്കും. എന്നാല്‍ അലസന്മാരുമായിരിക്കും. എല്ലാക്കാര്യങ്ങളിലും സ്വന്തം അഭിപ്രായമുള്ള ഇക്കൂട്ടര്‍ മറ്റുള്ളവരുടെ പ്രേരണയില്‍ കാര്യങ്ങള്‍ ചെയ്യുന്നവരായിരിക്കും.

ഈ ഗ്രൂപ്പില്‍ പെട്ട സ്ത്രീകള്‍ കൂടുതല്‍ സമയം ഉറങ്ങാനാഗ്രഹിക്കുന്നവരായിരിക്കും.

സംഗീതത്തെ സ്‌നേഹിക്കുന്ന ഇവര്‍ കൃഷി കാര്യങ്ങളില്‍ തല്‍പരരായിരിക്കുകയും ചെയ്യും.

ഒ ഗ്രൂപ്പുകാര്‍ പൊതുവെ സ്വാര്‍ത്ഥ താല്‍പര്യങ്ങളുള്ളവരായിരിക്കും. ആരോടും അധികം സംസാരിക്കാത്ത ഇക്കൂട്ടര്‍ പൊതുവെ സൂത്രശാലികളുമായിരിക്കും.

രാഷ്ട്രീയം, ബാങ്കിംഗ് തുടങ്ങിയ മേഖലകളില്‍ ഒ ഗ്രൂപ്പുകാര്‍ ശോഭിക്കും.

എബി രക്തഗ്രൂപ്പുകാര്‍ പൊതുവെ സമാധാനപ്രിയരും സത്യസന്ധരുമായിരിക്കും. ഇവര്‍ സഹജീവികള്‍ക്ക് വേണ്ടി എന്തും ചെയ്യുന്നവരുമാണ്. മറ്റുള്ളവരെ സഹായിക്കാന്‍ മനസു കാണിക്കുന്ന ഇവര്‍ക്ക് സേവന മേഖലയിലെ ജോലികളായിരിക്കും കൂടുതല്‍ ചേരുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.