മഴക്കാലവും ഭക്ഷണശുചിത്വവും

മണ്‍സൂണ്‍ കാലത്ത് ഭക്ഷണക്രമങ്ങളില്‍ വളരെയേറെ ശ്രദ്ധിക്കണം. കാരണം അസുഖങ്ങള്‍ പടര്‍ന്നു പിടിക്കാന്‍ സാധ്യതയുള്ള സാഹചര്യമാണിത്. പ്രത്യേകിച്ചും ഭക്ഷണത്തില്‍ നിന്നും വെള്ളത്തില്‍ നിന്നും. കോളറ, മലേറിയ, ടൈഫോയ്ഡ് തുടങ്ങിയ അസുഖങ്ങള്‍ വെള്ളത്തിലൂടെയും ഭക്ഷണത്തിലൂടെയുമാണ് പടരുന്നതും.

തിളപ്പിച്ച വെള്ളം മാത്രം കുടിയ്ക്കുന്നതാണ് സുരക്ഷിതം. ഇക്കാര്യത്തില്‍ കുപ്പികളില്‍ ലഭിക്കുന്ന ശുദ്ധീകരിച്ച വെള്ളം പോലും വിശ്വസിച്ചു കുടിയ്ക്കാനായില്ലെന്നു വരും.

വീടും പരിസരവും ശുചിയായി സൂക്ഷിക്കുകയും വേണം. കൊതുകും മറ്റു രോഗാണുക്കളും പെറ്റുപെരുകുന്നത് ഇതിലാണ്. ഇവ അസുഖകാരണമാകുകയും ചെയ്യും.

പുറത്തു നിന്നുള്ള ഭക്ഷണം ഒഴിവാക്കുന്നതാണ് മണ്‍സൂണ്‍ കാലത്ത് കൂടുതല്‍ സുരക്ഷിതം. കാരണം മഴക്കാലത്ത് ഭക്ഷണമുണ്ടാക്കുമ്പോള്‍ വൃത്തി പതിവിലും കുറയാനുള്ള സാധ്യത കൂടുതലാണ്. ഇത്തരം ഭക്ഷണം ഉണ്ടാക്കാന്‍ സഹായിക്കുന്ന വെള്ളവും പ്രശ്‌നം വരുത്തിയേക്കും. തുറന്നു വച്ചിരിക്കുന്ന ഭക്ഷണവും പ്രശ്‌നമുണ്ടാക്കും.

പുറത്തു നിന്നും ഭക്ഷണം കഴിയ്ക്കുകയാണെങ്കില്‍ തന്നെ വൃത്തിയുടെ കാര്യം ഉറപ്പു വരുത്തുക. നല്ലപോലെ വേവിച്ച ഭക്ഷണങ്ങള്‍ മാത്രം ഉപയോഗിക്കുക. ജ്യൂസ് പോലുള്ളവ വെള്ളം ചേര്‍ക്കാന്‍ സാധ്യതയുള്ളതു കൊണ്ട് ഇവ ഒഴിവാക്കുന്നതാണ് നല്ലത.

ഭക്ഷണം എടുത്തു തരുന്നയാള്‍ കയ്യില്‍ ഗ്ലൗസുകള്‍ ധരിച്ചിട്ടുണ്ടോയെന്ന് ഉറപ്പു വരുത്തണം. കാരണം ഇതും ഭക്ഷ്യവിഷബാധ പടരുവാനുള്ള ഒരു വഴിയാണ്.

വീട്ടിലും ഭക്ഷണം പാകം ചെയ്യുമ്പോള്‍ പ്രത്യേക ശ്രദ്ധ വേണം. പച്ചക്കറികളെല്ലാം നല്ലപോലെ കഴുകിയ ശേഷം മാത്രം പാചകത്തിന് ഉപയോഗിക്കുക. പാചകത്തിന് ഉപയോഗിക്കുന്ന വെള്ളവും വളരെ ശുദ്ധമായിരിക്കണം.

പാകം ചെയ്ത ഭക്ഷണം അടച്ചു സൂക്ഷിക്കുവാന്‍ ശ്രദ്ധിക്കണം. പഴകിയ ഭക്ഷണങ്ങള്‍ യാതൊരു കാരണവശാലും ഉപയോഗിക്കരുത്. അതുപോലെ കഴിവതും തണുത്ത ഭക്ഷണങ്ങളും ഒഴിവാക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.