തടി കൂട്ടും ഓഫിസ് ശീലങ്ങള്‍

തടി കൂട്ടുന്നതില്‍ ഓഫിസിനും പ്രധാന പങ്കുണ്ട്. ഓഫിസിലെ പല ശീലങ്ങളും നാം അറിയാതെ നമ്മെ തടിപ്പിക്കുന്നവയാണ്.

ഓഫീസിലേക്കു തിരിക്കുന്ന തിരക്കില്‍ പ്രാതല്‍ വേണ്ടെന്നു വയ്ക്കുന്നവരുണ്ട്. നിസാരമാണെന്നു കരുതുമെങ്കിലും ആരോഗ്യത്തിന് ഏറെ ദോഷങ്ങള്‍ വരുത്തുന്ന ഒന്നാണിത്. ഇത് ഇടയ്ക്ക് മറ്റു വല്ലതും കൊറിക്കാന്‍ പ്രേരിപ്പിക്കും. അല്ലെങ്കില്‍ വിശപ്പു കൂടി ഉച്ചക്ക് കൂടുതല്‍ ഭക്ഷണം കഴിയ്ക്കും.

രാവിലത്തെ ഭക്ഷണത്തില്‍ നിന്നാണ് ശരീരം വേണ്ട ഊര്‍ജം നേടുന്നതെന്നും മറക്കരുത്.

ജോലിക്കിടെ വിശപ്പും മുഷിപ്പും മാറാന്‍ എന്തെങ്കിലും കഴിയ്ക്കുന്ന ശീലം പലര്‍ക്കുമുണ്ട്. ഇത് മിക്കവാറും ആരോഗ്യത്തിന് ദോഷം ചെയ്യുന്ന, വറുത്ത സ്‌നാക്‌സായിരിക്കും. ശരീരം തടിക്കാന്‍ മറ്റെന്തു വേണം.

ചായ, കാപ്പി ഉപയോഗം ഓഫിസിലാകുമ്പോള്‍ അധികമാകും. ഇതുവഴി കൂടുതല്‍ പാലും പഞ്ചസാരയും ഉള്ളില്‍ ചെല്ലും. ഇവ തടിപ്പിക്കുമെന്നു മാത്രമല്ലാ, ആരോഗ്യത്തിന് ദോഷം ചെയ്യുകയും ചെയ്യും. ഇടയ്ക്കുള്ള കാപ്പി, ചായ കുടി കൃത്യസമയത്ത് ഭക്ഷണം കഴിയ്ക്കാതിരിക്കുന്നതിന് മറ്റൊരു കാരണവുമാകും.

കൃത്യസമയത്ത് ഭക്ഷണം കഴിയ്ക്കാന്‍ ഓഫിസ് ജോലിക്കിടെ ശ്രദ്ധിക്കാത്തവരുണ്ട്. തിരക്കായിരിക്കും കാരണം. പക്ഷെ ഇത് ശരീരത്തിന്റെ അപചയ പ്രവര്‍ത്തനങ്ങളെ തകിടം മറിയ്ക്കുകയാണ് ചെയ്യുന്നത്.

ഓഫിസില്‍ പോകുമ്പോള്‍ സ്ഥിരം പുറത്തു നിന്നും ഭക്ഷണം കഴിയ്ക്കുന്ന ശീലം പലര്‍ക്കുമുണ്ട്. ഇത് നല്ലതല്ലെന്നു പ്രത്യേകിച്ചു പറയേണ്ടതില്ലല്ലോ. പുറത്തു നിന്നു കഴിയ്ക്കുന്ന ഭക്ഷണങ്ങളില്‍ കൊഴുപ്പു കൂടുതലായിരിക്കും. ഇത് ശരീരം തടിപ്പിക്കുക മാത്രമല്ലാ ആരോഗ്യത്തിന് ദോഷം വരുത്തുകയും ചെയ്യും. ഹോട്ടല്‍ ഭക്ഷണം കഴിയ്ക്കുമ്പോള്‍ പ്രത്യേക ശ്രദ്ധ വേണം.

ഇത്തരം ഓഫിസ് ശീലങ്ങള്‍ തടി കൂട്ടുമെന്ന കാര്യത്തില്‍ സംശയം വേണ്ടല്ലോ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.